Read Mofa New Testament Acts 6 Bible Online

Acts 6 - Mofa New Testament bible

Acts 6

¹Te ndev nasa golahi Yèsu ta mana a vata, a ndohi Grec ta gu ndav a géƋ ndohi Hébreu. Ndohi Grec ta gaƋa, ngwozi mazihai ta pca ta a gèƋ a sam man ta kezli skwai pèc pècèk.

²A tengahi 12 ta baba ta golahi Yèsu tèlèba, a ta gaƋa: Ambaɓai aman nga slaha nga gi mizlinè ma Zhiklè zura ɓai, a géƋ man nga gi mizlinè skwi n'ndai.

³Kramamhi nga, vawoy ndohi tsaraƋ te ndev kinè, man labar ma tenga'a amba, a ndav tenga'a n'ndha a Mèzhèɓ Zhiklè nkezla'a, a maya, aman ta gi mizlinè sa.

⁴A nga, nga gi mizlinè njè ma Zhiklè a ma ma, a nga tsi rai.

⁵Ma tenga'a ambaba ta ndohi man ta haya va, a ta co Etienne, ndo man a nco Zhiklè a ndav na a vata, a Mèzhèɓ Zhiklè a n'ndha ndav nenga'a, a nda Philippe, Prochore, Nicanor, Timon, Parménas, a Nicolas, te kokwar Antioche, man hala'a a ndzodzor civèƋ ndohi Juif.

⁶A ta zlatsede ta a ma ndohi sak, a ta tsu ri a géƋ tenga'a, a ta fa ta ri a gèƋ.

⁷A ma Zhiklè a zlèzlèmè, a golahi Yèsu ta shkè na va a vata te kokwar Jérusalem. A ndohi mvi skwi a Zhiklè kumba ta fu gèƋ a ma Zhiklè, a ta co a ndav.

⁸A ndav Etienne n'ndha a pombai, a wuƋai, a ngu nrkedi kumba, a n'ngreda skwi mbia'a a sam ndohai.

⁹A ndohi ngiƋè tsaƋ tsaƋ te gi njèngè ndohi man hala'a ɓèlèlihai, a Cyrénée, a Alexandrie, a ndohi Cilicie a Asie, ta shkè, a ta gu gèjau a nda Etienne.

¹⁰Aman ta slaha ta fa na a gèƋ ɓai, a géƋ maya man Mèzhèɓ Zhiklè a va na.

¹¹A ta poko ta gèƋ auda a ndohi tsaƋ kètè, a ta gaƋa: Nga tsena ara man a derƋè Moise a Bi Zhiklè.

¹²A ta gu aman ndohai, a ndohi nhala'a, a malamhai ta shkè, a ta ngozlkoƋai, a ta da'a a sam ndohi ncèmma.

¹³A ta zlatseda ndohi malwuƋihai, aman ta tsokol ma, a ta gaƋa: Ndo haha a jèkè azɓai, man a gèƋè ma ambaɓia'a a géƋ sam nkezla'a haha, a géƋ ma kita.

¹⁴Nga tsena ara man a gaƌa: Yèsu ndo Nazareth a di a gedassa sam haha, a ngwèƋè tsuf haha man Moise a va nga.

¹⁵A ndohi ncèmma tèlèba ta pa na dai, a ta rka di nenga'a ara di gol Zhiklè.