Read Mofa New Testament Acts 9 Bible Online

Acts 9 - Mofa New Testament bible

Acts 9

¹Saul, nenga'a a vèƋ htsan a golahi Bi Yèsu, a mdo a sam bi ndohi mvi skwi a Zhiklè,

²a ndzhoƋo Ƌèlèwèr, man a woya a nƋè'a a gi njèngè ma Zhiklè te kokwar Damas, man a va na civèƋ, aman a ndzaw ta ngurhi a ngwozi man ta jèjèr njèma mɓua'a, a nde ta a kokwar Jérusalem.

³Aman a mdo, ndul ndul a ndikè a kokwar Damas, a nasa nasa skwi nhél sam a mshkè te zhiklè.

⁴A Saul a nkalahai, a ntsena ngèƋè ngiƋè man a gaƋa na: Saul, Saul, ka parahayè èhèmè?

⁵A nenga'a a ngaƋa: Bai, ka wa? A ngèƋè a m'mbeƋka na a pa: I Yèsu, nenga'a man ka parahayè.

⁶SlambaƋa, a ko do a kokwar! Te pa ta da gaƋa ka skwi man ka da gia'a.

⁷Ndohi man to do tèlè, ta zlatsa a pa, a ta rzl ta; aman ta tsena ngèƌè, aman ta rka ndo ɓai.

⁸A Saul a nslambaƌa t'hai, aman a winè di na, a rka di ɓai. A ta gso te rai, a ta da'a a kokwar Damas.

⁹Te pa m'mèn makar a rka di ɓai, a n'nda skwa ɓai, a nsa skwa ɓai.

¹⁰Gol Yèsu ngiƋè a zhè te kokwar Damas, nzlembaƋ na Ananias. Bi Zhiklè a ngaƋa na:

¹¹SlambaƋa, a ko do a civèƋ, man ta baba na civèƋ njèra'a, a ka dzhoƋo gi Jude. Ndo ngiƋè te pa, nzlembaƋ na Saul te kokwar Tarse. Na haha, nenga'a a tsi rai.

¹²Te nshun nenga'a a nrka ndo ngiƋè, nzlembaƋ nenga'a Ananias, man a shkè a sam na, a mfa na ri a gèƋ, aman a nrkaƋai.

¹³Ananiasam'mbeƋa naama, a ngaƋa: Bai, i tsena labar ma ndo haha te ma ndohi kumba, ara man a gu skwi ambaɓia'a kumba a sam ndohi Zhiklè te kokwar Jérusalem.

¹⁴Te kokwar haha a n'ngotsko wuƌi bai, man ndohi mvi skwi a Zhiklè mbibihia'a ta va na, aman a ndzaw ta ndohi tèlèba, man ta tsi ri a nzlembaƋ ngaya.

¹⁵Bi Zhiklè a ngaƋa na: Do, aman nenga'a ndo mizlinè ga man i ngotskoƋauda, aman a Ƌè nzlembaƋ ga a sam ndohi herkeda, a sam bihai, a sam ndohi Israel.

¹⁶I woya man i ngra na matakwan tèlèba man a da sia'a a géƋ nzlembaƋ ga.

¹⁷A Ananias a mdo, a mshkè a gi matsa, a mfa na ri a gèƋ, a ngaƋa: Saul, kramam ga, Bai Yèsu a nzlindekayè a sam ngaya, nenga'a man a ngudko ka va a dai a civèƋ, aman ka shkè a haha: a woya aman ka rka di za'a, a ndav ngaya a ndhè a Mèzhèɓ Zhiklè nkezla'a.

¹⁸A nasa nasa di nenga'a a mwin na, a nrka di ma, a nslambaƋa, a n'ngots baptême,

¹⁹a n'ndau skwi n'ndai, a n'ngots wuƋai. Saul a n'nza a sam golahi Yèsu te kokwar Damas kètè.

²⁰A njè ma Yèsu te gi njengè ma Zhiklè langa, a ngaƋa: Yèsu, nenga'a kra Zhiklè.

²¹Tèlèba man ta tsena'a, ta rzl ta, a ta gaƋa: Nenga'a ndo man a gedas ta ndohi tèlèba man ta tsu ri a nzlembaƋ haha te kokwar Jérusalem ka ɓi Ƌè? A mshkè haha, man a dzaw ta, a de ta a sam ndohi mvi skwi a Zhiklè mbibihia'a ka ɓi Ƌè?

²²Aman wuƋi Saul a grè a ma ma, a ndzakaɓama ta gèƋ a ndohi Juif te kokwar Damas, a géƋ man a ngreda Yèsu, nenga'a Kristi.

²³Te deɓ m'mèn kumba, ndohi Juif ta hur maya, aman ta keƋa'a.

²⁴Aman ndohi ngiƌè ta ngra na skwi man ta huro, a Saul. A ndohi kokwar ta ber ntamagi pèc pècèk, aman ta keƌa'a.

²⁵A golahi Yèsu ta co a vaƋ, a ta da auda a zlazlar kokwar, a ta sulomdekoƋahai te gwa.

²⁶Aman Saul a mshkè a kokwar Jérusalem, a woya man a nhumƋè va a va golahi Yèsu, ta gu zlaua'a, ta fa na gèàa ta gaƋa nenga'a gol Yèsu ɓai.

²⁷A Bamabas a nco, a nda'a a sam ndohi sak, a ngreda. Ta ara man Saul a rka Bi Yèsu a civèƋ, a ntsena ma na, ara man te kokwar Damas a njoko ma a nzlembaƋ Yèsu auda a zlau ka ɓai.

²⁸A nenga'a a n'nza a sam ta, a shèwèlè te kokwar Jérusalem, a njoko ma a nzlembaƋ Bi Yèsu auda a mwuffè.

²⁹A ngaƋa ta ma a ndohi Juif man ta tsena da'ai grec, a ngu gèjau a nda tenga'a. Aman tenga'a ta woy a ta keƋa'a.

³⁰Aman kramamhi na ta tsena'a, ta da'a a kokwar Césarée, a ta zlündo a kokwar Tarse.

³¹A mpi ndohi Zhiklè te kokwar Judée, te kokwar Galilée, te kokwar Samarie tèlèba, ta nza a gumai, a ta ngots wuƋai, a to do a ma ma te zlau Bi Zhiklè, ta ndha a Mèzhèɓ Zhiklè nkezla'a man a bid ta. A ndohi ta zlèzlèmè a ma ma.

³²A Pierre a nsawala a sam tèlèba, a mshke a sam ndohi Zhiklè te kokwar Lydde ba.

³³Te pa a n'ngots ndo ngiƋè, nzlembaƋ na Enée, m'mana t'hai mvi tsamakaƋ, ndo vedal.

³⁴A Pierre a ngaƋa na: Enée, Yèsu Kristi a mbel ka! SlambaƋa, tila sam m'mènè ngaya a ri ngaya! A nasa nasa a nslambaƋa.

³⁵A ndohi tèlèba man ta nza te kokwar Lydde a Saron, ta rka'a, a ta ngwode ndav ta a sam Bi Zhiklè.

³⁶Te Joppé, dem Yèsu ngiƋè a zhè, nzlembaƋ na Tabitha (a da'ai grec Dorcas, ara ngèƋè 'mènèƋ'). Nenga'a a ngu skwi man amba kumba, a mva ta skwi a ndohai.

³⁷A pats nasa mbelakaɓai, a m'mets na. A ta pana'a, a ta fèda a gi te géƋè'a.

³⁸Lydde a zhè ndul ndul a ma Joppé, a golahi Yèsu ta tsena, Pierre a zhè te pa, a ta zlündo ngurhi cèw a sam na, a ta biƋè'a, da ndawalka va ɓai, da shkè a sam ta tsam tsam.

³⁹A Pierre a nslambaƋa, a ndo a sam ta. Aman a mshkè, ta da a gi man a géƌè'a, a ngwozi mazihi tèlèba ta tèuda a pa, a ta kuƌai, a ta ngra na maslaka nshüƌkè nshüƌkè man Dorcas a ƌoho, te va man a nza a nshèffè dai.

⁴⁰Aman Pierre a ndzar ta tèlèba auda ma, a nkalahi a deɓ sak nenga'a, a ntsu rai, a n'ngwoda na ma a dem m'metsa'a, a ngaƋa: Tabitha, slambaƋa! A nenga'a a mwina dai, a nrka Pierre, a n'nza a verzai.

⁴¹A Pierre a ngeda na ri nenga'a, a nslambaƋda, a mbaba ta ndohi Zhiklè, a ngwozi mazihai, a nzlatseda dem matsa a sam di ta a nshèffè.

⁴²A ta tsena te kokwar Joppè tèlèba, a ta kumba ta co Bi Yèsu a ndav.

⁴³A Pierre a n'nza a gi Simon, ndo ngürv bkwai, n'nzi kètè.