Read Mofa New Testament Romans 12 Bible Online

Romans 12 - Mofa New Testament bible

Romans 12

¹Dalahimam ga, anai i bid kinè a géƋ man ndo a si Zhiklè te va: vavau va kinè a skwi man kin va na Zhiklè, man nshèffè te pa, nkezla'a, ambaba Zhiklè. Nasa mizlinè Zhiklè nzura'a!

²Kin gu lèmèlèmè ara ndohi herkeda sata ɓai, aman vagu aman nhér gèƌ kinè a gi a mɓua'a, aman kin slaha a kin Ƌèl skwi man Zhiklè a woya'a, ara skwi man amba a skwi mbela'a a skwi njèlèlè'a.

³Aman te pombi man Zhiklè a mvayè, i gaƋa kinè staƋ staƋtèlèba, aman kin gra gèƌ kinè ɓai, a kin gaƌa: I mbia'a, i fena'a. Aman staƋ staƋ da nza a maya maya, staƋ staƋ te skwi man Zhiklè a mva na te ncè-a-ndav.

⁴Aman lèmèlèmè ara man nga ngots nfèfèn va kumba te va staƋ, aman nfèfèn va tèlèba ta gi mizlinè nstaƌgenè ka ɓai,

⁵ara man nga kumba, va staƋ te Kristi. Aman te va nga, nfèfèn va tsaƋ tsaƋ, ngiƋè ngiƋè.

⁶Maya nga tsaƋ tsaƋ, ara man pombi Zhiklè a mva nga. Ndo man a ngats mizlinè nhèƌè ma, da gu te ncè-a-ndav, ara man a ngotso.

⁷Ndo man a ngatsa mizlinè Zhiklè, da gu mizlinè Zhiklè. Ndo man a jènga ta ndohai, da gu mizlinè njèngè.

⁸Ndo man a slaha a ngatsa na maya a ndo, da ngatsa na maya a ndo. Ndo man a vi skwi a ndo, da vau a ndav amba. Ndo man a gi bai, da gau a maya maya. Ndo man ndo a sia te va, da gu a mwuffè.

⁹Vawoy ndo a vava, a n'ngwèdè ndo ka ɓai! Vagu shèwa a skwi man ambaɓai, vazleɓ a va a skwi manamba!

¹⁰Vawoy kramam kinè, ngiƋè a ngiƋe, ngiƋè a ngiƋè, a ndav tèlè! Valèɓèslè a va kinè, ngiƋè a sam ngiƋè, ngiƋè a sam ngiƋè!

¹¹Te skwi man sèi kin gia ndèzl, kin gu wudar te pa ɓai! Mèzhèɓ kinè da vatsa ara vogwa. Vagu mizlinè Bi Zhiklè!

¹²Vawuffa te nzhèrè te ndav, vozhor skwi a dai te matakwan, vatsu rai, kin ndeva ɓai!

¹³Vatakaha ta ndohi Zhiklè te skwi tenga'a mwuƋitpa. Vafeda ndo a gai.

¹⁴Ndohi man ta paraha kinè, vapshè ta ma! Vapshè ta ma, kin phomde ta ɓai!

¹⁵Vawuffa a nda tenga'a man ta wuffè, vakuƋau a nda tenga'a man ta kuƋai.

¹⁶Vahur skwi a ndav staƋ. Kin woy mizlinè mbia genè ɓai, aman vawoy mizlinè nkèshè ba. Kin hur te ndav kinè a ri kinè ɓai a kin gaƋa: Nga ndohi maya.

¹⁷Ndo man a ga kinè skwi ambaɓia'a, kin pela na a skwi ambaɓia ɓai! Vagau skwi man amba a ndohi tèlèba.

¹⁸Man a gai, vanza a gumai a nda ndohi tèlèba.

¹⁹Dalahimam ga, kin pulko di man a kinè auda a ri kinè ɓai, aman vajèka na a ri a Zhiklè. Aman a sam ngiƋè Ƌèlèwèr Zhiklè a gaƋa: Mpil gèƋ, iyè mpilè'a. I woy a i pela na di man a ndo, Bai Zhiklè a gaƋa. A sam ngiƋè a gaƋa:

²⁰Aman mi a kede ndo mayam ngaya, va na skwi n'ndai! Aman iyam a dza na, va na iyam nsai! Aman ka gi arsa, hori a da keƌda pa.

²¹Skwi ambaɓia'a da gu ngul ngaya ɓai gu ngul skwi man ambaɓai a skwi man amba!