Read Mofa New Testament Romans 15 Bible Online

Romans 15 - Mofa New Testament bible

Romans 15

¹Aman nga, man wuƋi nga a zhè, sèi nga takaha ta ndohi man wuƋi ta azɓai te skwi man ta slaha ɓai, a nga nzi ara man ambaba nga genè ka ɓai.

²Ndo staƋ staƋ te ndev nga da nza ara man ambaba nslamagi na, a ngrè a ma ma.

³Aman Kristi ba a n'nza, ara man ambaha genè ka ɓai, aman ara man ƌèlèwèr Zhiklè a gaƌa: Ma nderƌe ndo man ndohi ta derƌe ka a vna, kalka a géƌ ga.

⁴Aman ma man ta windo hala'a ta windo man a njè nga, aman nga zhèr skwia dai. A ƌèlèwèr Zhiklè a bid nga, aman nga nzi te nzhèrè te ndav.

⁵Aman Zhiklè nzhèr skwia dai, Zhiklè mbid ndo, da va kinè, aman kin hér skwi te ndav kinè, lèmèlèmè ara Yèsu Kristi.

⁶A kin slébèrdè Zhiklè, Bab Bi nga Yèsu Kristi, a ma staƋ, a ndav staƋ.

⁷Gar haha ngiƋè da co ngiƋè, lèmèlèmè ara Kristi a ce nga a n'njèl Zhiklè.

⁸Aman i gaƋa: Kristi a gu a ndo ntakaha ta ndohi Juif a géƋ ma nzura'a man a Zhiklè, aman a da na va a ma mpesl ri man babhi ta ta ngotso.

⁹Aman ndohi nte deɓa sèi ta slébèrdè Zhiklè a géƋ man ta sia te va, ara man Ƌèlèwèr Zhiklè a gaƋa: Gar haha i woy a i ngrede ka te ndev ndohi nte deɓa, a i sli dimèsh a nzlembaƋ ngaya.

¹⁰A va za'a: Vawuffa, kin ndohi nte deɓa, a nda ndohi nenga'a.

¹¹A va za'a: Voslubordo Bi Zhiklè, kin ndohi nte deɓa, vashüd gèƋ a nenga'a, kin ndohi herkeda tèlèba!

¹²A va za'a: Esaie a gaƌa: Zluzlor Isai a di a tsai, a nenga'a man a di a slèmbèƌè, man a gi bai a gèƌ ndohi nte deɓa tèlèba, nenga'a ndohi nte deɓa ta zhèrè te ndav.

¹³Aman Bi Zhiklè nzhèrè te ndav, da ndha ndav kinè a mwuffè tèlèba, a gumai te ncè-a-ndav, aman kin ngots nzhèrè te ndav tèlèba a wuƋi Mèzhèɓ nkezîa'a.

¹⁴Aman i suna a vava, kinè dalahimam ga, kin woy skwi man amba a vava a ri kinè, a ndav kinè n'ndha a nshin skwi tèlèba. Kin slaha kin slebi a va kinè, ngiƋè a ngiƋè.

¹⁵Aman ko arsa i ga zlau ɓai, a i winda kinè ma tsaƋ tsaƋ kumba, aman i fa kinè ma a gèƋ te pombi man Zhiklè a mvayè.

¹⁶Pombi nenga'a a ngyè a ndo mizlinè Yèsu Kristi te ndev ndohi nte deɓa, a i gi mizlinè Zhiklè te ma mbela'a, aman ndohi nte deɓa ta ndi a skwi mvi a Zhiklè, man ambaba Zhiklè, ndohi nkezla'a te Mèzhèɓ Zhiklè nkezla'a.

¹⁷Anai i slaha a i jégér va te Yèsu Kristi a sam di Zhiklè.

¹⁸I woy a i gèƋè ma azɓai a géƋ skwi man Kristi a gu a iyè. Aman ndohi nte deɓa ta jèjèrè'a, te ma, te skwi man ta gia'a,

¹⁹te wuƋai, te skwi man a ngreda auda ara nrkedai, te wuƋi Mèzhèɓ Zhiklè. A hinè te Jérusalem a sam tèlèba, ha ndikè kokwar Illyrie, i njè ta ma mbela'a te Kristi teleba.

²⁰I gu maya man i njè ma mbela'a a sam man ta tsena nzlembaƋ Kristi di ɓai, aman i Ƌizlè gi a verzi gi ndo ngiƋè azɓai.

²¹Aman n'nga'a ara man Ƌèlèwèr Zhiklè a gaƋa: Ndohi man ta njè ta di ɓai, a di ta rka'a, a ndohi man ta tsena di ɓai, ta da cinè'a.

²²A géƋ nasa i ngatsa ri ndè a sam kinè di ɓai.

²³Aman antanta mizlinè ga te kokwar haha klèng, a mpataka kinè a keƋyè kumba, mvi a zhè a vata.

²⁴Antanta i woy a i Ƌè a sam kinè, aman i Ƌè a kokwar Espagne. Aman i hur i dè, a i bizhè a sam kinè, a i rka kinè, a kin feday ma. Aman sèi man ndav ga a wuffè a gèƋ kinè nshèlèkura'a dai, ga i Ƌè a ma ma.

²⁵Aman antanta i Ƌè a kokwar Jèrusalem, a i takaha ta ndohi Zhiklè.

²⁶Aman ndohi Macèdoine a Achaie tèlèba ta ɓüco skwi man ta woy a ta va ta ndohi ntawassa'a te ndev ndohi Zhiklè te kokwar Jèrusalem.

²⁷Ta gau a ndav amba, te man goƋèrè Jèrusalem ba a zhè a gèƋ tenga'a. Aman ndohi nte deɓa ta ngots skwi ndohi Juif te Mèzhèɓ, amba aman tenga'a ba ta takaha ta ndohi Juif a skwi man ta ngotso t'herkeda.

²⁸Aman i gau arsa, a i va ta skwi man ta tsakala ma, i woy a i jèke kinè, a i Ƌè a ma ma a kokwar Espagne.

²⁹Aman i suna, a i Ƌè a sam kinè, a mpshè ma Kristi tèlèba.

³⁰Dalahimam ga, i fa kinè ma a gèƋ, te Bi nga Yèsu Kristi, te mwoy-ndo te Mèzhèɓ, vatakahayè a ngi var te ntsi ri a sam Zhiklè a gèƋ ga,

³¹a i mbèl ga te ri ndohi man ta nca a ndav ɓai te kokwar Judée, a mizlinè man i gia a géƌ Jérusalem a gi ambaba ta ndohi Zhiklè,

³²a i slaha a i Ƌè a sam kinè a mwuffè ara Zhiklè man a woya'a, a ndav ga ntila langlanga'a a nda kinè.

³³Bi Zhiklè gumai da zhè a nda kinè tèlèba! Amen!