Read Mofa New Testament Romans 6 Bible Online

Romans 6 - Mofa New Testament bible

Romans 6

¹Kos nga gèƋè kè? Sèi nga gi mali a ma ma, a pombi Zhiklè a ngredè auda holhola'a Ƌè?

²A'ai! Nga, man nga mets nga a sam mali ma, nga slaha nga gi mali a ma ma Ƌè?

³Kin sun ɓi Ƌè, ko wawa man ta ga na baptême a nzlembaƌ Yèsu Kristi, ta humda a m'metsi nenga'a.

⁴Gar haha te baptême, nara man ta re nga a vèvèƌ a nda nenga'a. Aman lèmèlèmè ara Kristi a nslambaƌkaƌauda te va ndohi m'metsa'a, a sam n'njèl Bab na, lèmèîèmè nga, sèi nga Ƌè te nshèffè mɓua'a.

⁵Aman nga metsa a nda nenga'a, nga slambaƌkaƌauda lèmèlèmè a nda nenga'a.

⁶Aman nga suna, nshèffè nga nzlèzlèa ngezlala a Yèsu, aman mali nga a ndev na, a nga gi ɓèl mali a ma ma asaɓai.

⁷Ndo m'metsa'a anai a gi mali asaɓai.

⁸Aman nga mets nga a Kristi, nga co a ndav nga, nga da nzi a nshèffè a nda nenga'a.

⁹Aman nga suna, Kristi a nslambaƌkaƌauda te va ndohi m'metsa'a, anai a metsi a gi bi a gèƌ nenga'a asaɓai.

¹⁰M'metsi nenga'a man a mets na a gèƌ malai, sak staƌgenè, te deɓa'a klèng, nshèffè nenga'a man a nzi a vna, man a Zhiklè.

¹¹Gar haha kinè ba, varka va kinè ara man a mets na a sam mali ma, a kin nzi a nshèffè man a Zhiklè te Yèsu Kristi.

¹²Gar haha malai da gu bi te va kine, man adi a metsi na, asaɓai, a kin dzodzor ntétékè nenga'a ɓai!

¹³Kin pa na nfèfèn va kinè a malai a ngi skwi ambaɓia'a a vna ɓai! Aman vavau va kinè a Bi Zhiklè a ri kinè, ara ndohi m'metsa'a, man antanta ta zhè a nshèffè. Vapa na nfèfèn va kinè a Zhiklè a ngi skwi nzura'a a vna.

¹⁴Malai a slaha a nda gi bi kinè asaɓai, te man kinè t'hwaƌ ma kita Zhiklè ka ɓai, aman kinè t'hwaƌ pombai.

¹⁵Kos ani kè? Aman nga t'hwaƌ ma kita ɓai, nga t'hwaƌ pombi ma, nga gi mali za ƌè?

¹⁶Azɓai! Kin sun ɓi Ƌè, a sam ndo man kin fi gèƋ a ma nenga'a, kin gi ɓèl nenga'a. Gar malai, man adè a m'metsai, gar nfi gèƋ man a Ƌè a ngizura'a.

¹⁷Aman nga shid gèƋa Zhiklè, kinè man ɓèlèlihi mali te va nasa, kin fu gèƋ a ndav tèlè a ma man ta njè kinè.

¹⁸Kin pra te ri mali ma, a kin ga a ɓèlèlihi skwi nzura'a.

¹⁹I gèƋ ma ara ndohai man ta gèƋè'a. Lèmèlèmè ara man kin vau nfèfèn va kinè a ɓèlèlihi skwi nlizhèa, skwi ambaɓia'a, man ta gi mphömè a vna, lèmèlèmè antanta vavau nfèfèn va kinè a ɓèlèlihi ngizura'a, a nshèffè nkezla'a

²⁰Te va man kinè ɓèlèlihi malai, skwi nzura'a az a sam kinè ɓai, kin ngats mè?

²¹Skwi mar antanta kin gi hori a géƋè'a. Aman n'ndikèma nenga'a, m'metsai.

²²Aman antanta, kin pra te mali ma, a kin gi ɓèlèlihi Zhiklè, skwi ntul kinè, nshèffè nkezla'a. N'ndikèma nenga'a, nshèffè a mèdèp.

²³Skwi ntul malai, m'metsai. Aman skwi man nga ngècè te ri Bi Zhiklè, ambalai, nshèffè a mèdèp te Kristi Yèsu, Bi nga.