Read Mofa New Testament 1 Corinthians 14 Bible Online

1 Corinthians 14 - Mofa New Testament bible

1 Corinthians 14

¹Vawoy mwoy-ndo a ndav! Aman vawoy skwi nte Mèzhèɓ Zhiklè ba, aman kin slaha a kin hèdè ma.

²Ndo man a gèƋè nè'èn tsaƋ tsaƋ, a gèƋè a ndo ka ɓai, aman a Zhiklè. Ndo ngiâè a cinè ma nenga'a azɓai, te man a gèƋè skwi man n'ngheda te Mèzhèɓ.

³Ndo man a hèd ma, a ngreda ta ndohai, a slebda ta, a senda ta, a bid ta.

⁴Ndo man a gèƋè nè'èn tsaƋ tsaƋ, a gi aman géƋ va na a grè; aman ndo man a hèd ma, a gi aman mpi ndohi Zhiklè ta grè a ma ma.

⁵I woya te ndav ga, aman kin tèlèba kin slaha a kin gèƌè nè'èn tsaƌ tsaƌ. Aman i skwi man i woy holhola'a, kin slaha kin hèd ma. Ndo man a hèd ma, a fena ndo man a gèƋè nè'èn tsaƋ tsaƋ, sèi man agassa ndo n'ngwèdè nè'èn tsaƋ tsaƋ a ngrédè ma nenga'a, aman mpi ndohi Zhiklè ta grè a ma ma a vna.

⁶Anai, dalahimam ga, aman i Ƌè a sam kinè, a i gaƋa kinè a ngèƋè nè'èn tsaƋ, a i ngreda kinè ma man n'ngheda'a, a ma maya, a ma nhodko ma, a ma njèma azɓai, i takaha kinè a mè?

⁷Lèmèlèmè a sam skwi man a slhè, man nshèfíea te pa ɓai: arashingelèk, ara ganzavar. Man da'ai ta tsaƌ tsaƌ ka ɓai, ndo a sun ko tema, gar ta vèdè shingelèk, gar ta tsi ganzavar?

⁸Aman tolom a slhe ɓai duvƋuva'a, ntil va na a ndè var wa?

⁹Lèmèlèmè kinè, aman kin gèƋè nè'èn tsaƌ numnuma'a, tsaraya ka ɓai, nslaha a ntsena ngèƌè kinè wa? Ngèƌè skwa'a ambalai!

¹⁰Ma tsaƋ tsaƋ a zhè t'herkeda, aman skwi ngiƋè azɓai, man da'ai na azɓai.

¹¹Aman i sun ngèƋè ɓai, ndo ngiƋè a slaha a ncinè azɓai, a i slaha a i cinè ma ndo ngiƋè azɓai.

¹²Lèmèlèmè kinè: Aman kin woy skwi nte Mèzhèɓ, vagu maya, aman kin ngècè kumba, aman mpi ndohi Zhiklè ta grè a ma ma.

¹³Gar haha ndo man a gèƋè nè'èn tsaƌ, da tsu rai, aman a slaha a ngwèdè ba.

¹⁴Aman i tsi rai a nè'èn tsaƋ, Mèzhèɓ ga a tsi rai, a shkè te nhér gèƋ ka ɓai.

¹⁵Ani kè? l woya man i tsi ri te Mèzhèɓ, aman i woya man i tsi rai, a ndohi ta cinè ba. I woya man i sli dimèsh te Mèzhèɓ, aman i woya man tacinè dimèsh ga ba.

¹⁶Aman ka slébèrdè Zhiklè a ntsi ri te Mèzhèɓ, ndo man a nza a pa a ntsena ɓai, a slaha a ngi 'Amen' a géƌ man ka shüd gèƋ dè? A sun skwi man ka gèƋè ɓai.

¹⁷Ka shüd gèƋ amba amba; aman ndo ngiâè a grè a ma ma a vna azɓai.

¹⁸l shid gèƋ a Zhiklè: i fen kinè tèlèba a ngèƌè nè'èn tsaƌ tsaƌ.

¹⁹Aman te ndav ga nfena man i gèƌè ma zlam a sam mpi ndohi Zhiklè, a i senda ta ndohi ngiâè a vna, a ta cinè'a, a géƌ ma l0.000 te ngèƋè nè'èn tsaƋ.

²⁰Dalahimam ga, kin ndeda va kinè a wudahi a sam m'mbedi a ma ɓai!

²¹Aman vandeda va kinè a wudahai a sam skwi ambaɓia'a! A sam skwi man kin mbedi a pa, vagoƋ ara ndohi ngra'a! Ta windo te ma kita: I woya man i gèƋè ne'en tsaƋ, a i gaƋa ta a da'ai tsaƋ a ndohi haha. Ko ar haha ta cinè ma ga azɓai, Bi Zhiklè a gaƋa.

²²Gar haha ngèƋè nè'èn tsaƋ, skwi nialwuƌi a sam ndohi nco Yèsu a ndav ka ɓai, aman a sam ndohi man ta ca a ndav ɓai. Nhèd ma, skwi malwuƋi asam ndohi man ta ca a ndav ɓi ka ɓai, aman a sam ndohi nco a ndav.

²³Aman mpi ndohi Zhiklè tèlèba ta ɓiceda va a sam nstaƌ, te deɓa'a tèlèba ta gèƋè nè'èn tsaƋ, ndohi man ta sun ɓai, a ndohi man ta ca a ndav ɓai a ta shkè a pa, ta gèƋè azɓi Ƌè: skwi ngiƋè a ga kinè!

²⁴Aman tèlèba, man ta hèd ma, ndo man a nca a ndav ɓai a ndo man a sun ɓai a ta shkè a pa, ta winè na dai a géƌ mali na.

²⁵Skwi man n'ngheda te ndav na a ngredkodauda, a nenga'a a de kèlèhai a deɓ sak tenga'a, a tsi ri a Zhiklè, a gaƋa: Zhiklè a zhè te ndev kinè a vava!

²⁶Ani kè, dalahimam ga? Aman kin ɓicè va, ndo ngiƌè da ngots dimèsh, ngiƌè njèma, ngiƌè n'ngrèdè skwi auda, ngiƌè ngèƌè nè'èn tsaƌ, ngiƌè n'ngwèdè ngèƌè sa. Vagu tèlèba aman kin grè a ma ma!

²⁷Man ta ngwèdè nè'èn tsaƌ, sèi ndohi cèw man makar man ta gèƌè'a, a ndo staƌ da ngwoda a deɓa.

²⁸Aman ndo n'ngwèdè'a azɓai, ndo ngèƌè nè'èn tsaƌ sèi da nza tètè te va mpi ndohi Zhiklè, da goƌ ma a géƌ na a sam Bi Zhiklè.

²⁹Aman ndohi nhèd ma, ko cèw, ko makar, vava ta civèƋ man ta gèƋè'a. A ndohi ngiâè ta jkedè ma ta.

³⁰Aman ndo ngiâè man a nzi a pa a ngots skwi man a ngréƋè auda te ri Zhiklè, ndo nshelèkura'a da nze dai.

³¹Kin slaha kin hèd ma tèlèba, aman sèi a nfina a nfma, aman tèlèba ta shindè'a, a ta ngècè maya.

³²Sèi ndohi nhadka ma ta gi bi a gèƌ ma'a;

³³aman Zhiklè, Zhiklè sam ndzakaɓa ka ɓai, aman Zhiklè gumai.

³⁴A sam mpi ndohi Zhiklè tèlèba, vagu aman ngwozi ta nzi tètè a sam mɓicèva. Da mbeda a ma ɓai. Sèi ta manda gèƋ ta a hai, ara ma kita a gaƋa.

³⁵Aman ta woya a ta shindè skwai, sèi ta jhèdè baki ta te ngwai. Ambaɓai aman ngwoz a gèƋ ma a sam mpi ndohi Zhiklè.

³⁶Aman ma Zhiklè a shkè te kinè dè? A deda sam kinè genè dè?

³⁷Aman ndo ngiâè a huro, i ndo nhadka ma, Mèzhèɓ Zhiklè te ndav ga, da suna, ma man i winda kinè, ma nkwèr Zhiklè.

³⁸Ndo man a cè'a azɓai, sèi kin co nenga ɓi lèmèlèmè.

³⁹Dalahimam ga, gar haha, vagu gazawa, aman kin hèd ma; aman kin gedassa civèƋ ngèƋè nè'èn tsaƋ tsaƋ ɓai!

⁴⁰Vagu tèlèba a di na a di na, vatül skwi staƋ staƋ telèba!