Read Mofa New Testament 1 Corinthians 16 Bible Online

1 Corinthians 16 - Mofa New Testament bible

1 Corinthians 16

¹A gèƋ skwi man ta cèkèlè'a, a ta takaha ta ndohi Zhiklè ngiƋè a vna, i gaƋa kinè: Vagu lèmèlèmè ara man i gaƋa ta mpi ndohi Zhiklè te Galate.

²Pèc pècèk, a pats nshèlèkura'a te luma, ndo staƋ staƋ da feda skwi a hai, da ɓica skwi a sam na, ara man a slaha. Te deɓa'a, man i do do a sam kinè ma, skwi ntsakala ma.

³Aman i do do a sam kinè ma, i woya man i zlinde ta ndohi man kin sla ta ndohi nlèɓèslèa a Ƌèlèwèr, aman ta da skwi man kin vau, a kokwar Jérusalem.

⁴Aman kin woya aman i ba i Ƌè a pa, nga Ƌè a nda tenga'a.

⁵I woy a i Ƌè a sam kinè, pats man i tsa gèƋ ga te kokwar Macédoine ma. I woy a i bizhè a kokwar Macédoine dai.

⁶Aman kin woya'a, i da nzi a sam kinè, ko a via. Te deɓa'a kin da feday ma a sam man i da Ƌè a pa.

⁷Aman i bizhè a pa antanta, i woy a i Ƌè a sam kinè di azɓai, te man i huro, i da shin va a sam kinè kètè, man Zhikle a vay civèƋ.

⁸I nzi te Ephèse, ha pats Pentecôte.

⁹CivèƋ mwinèa a ma ga, a géƋ mizlinè mbia'a, ko ndohi mayamhi ta zhè a vata.

¹⁰Aman Timothée a dè, vagu maya, aman a slaha a n'nzi a sam kinè a zlau ka ɓai. Aman nenga'a ba a gi mizlinè Bai Yèsu, lèmèlèmè ara ga.

¹¹Kin rka ara ndoambali ɓai! Vafed ko namaagumai, aman a shkè a sam ga. Nga a kramamhi ga, nga zhèrè'a.

¹²A géƋ Apollos, kramam nga, kin suna, i fa na ma a gèƋ kumba, aman a Ƌè a sam kinè a nda kramamhi ngiâè. Aman nenga'a a woya a ndè antanta 'azɓai; aman a di a dè, a zhèr pats ngiâè dai.

¹³Vanza a dai, vanza tara'a te ncè-a-ndav, vanza ara ngurhai, vanzala va kinè!

¹⁴Vagu aman skwi kinè tèlèba a gi te mwoy-ndo a ndav.

¹⁵I fa kinè ma a gèƋ, dalahimam ga: Kin sun gi Etienne, tengahi tsuvomhi te kokwar Achaie, a ta ge ta a ndohi ntakaha ta ndohi Zhiklè.

¹⁶Kinè ba, vamanda gèƋ a hai a sam ndohi ar haha, a sam tengahi tèlèba man ta mbi a mizlinè, a ta ngeza te pa.

¹⁷I wuffè aman Etienne a Fortunatus a Achaicus ta shkè. Aman i ngats kinè ɓai, i ngots tenga'a te di man a kinè.

¹⁸Ndav ga m'manahi ma, a ndav kinè ba. Vaslebarde ta ndohi arsa!

¹⁹Mpi ndohi Zhiklè te Asie ta ga kinè mbalai. Aquilas a Priscille ta ga kinè mbali kumba te Bai Yèsu, a ndohi Zhiklè tèlèba te gi ta.

²⁰Kramamhi tèlèba ta ga kinè mbalai. Vagu mbalai, ngiâè a ngiƋè, a nkèlèw ri a da'ai ndohi Zhiklè!

²¹Ma haha, mbali ga, iyè Paul, man i windo a ri ga.

²²Ndo man a woya Bai Yèsu te ndav ɓai, da phomda! Bai Yèsu, washkè!

²³Pombi Bi Zhiklè da zhè a nda kinè!

²⁴I woy kinè a ndav ga tèlèba te Kristi Yèsu!