Read Mofa New Testament 1 Corinthians 7 Bible Online

1 Corinthians 7 - Mofa New Testament bible

1 Corinthians 7

¹I mbeda kinè a deɓ âèlèwèr man kin windo: Amba, aman ngura'a a cè ngwoz azɓai.

²Aman a gèƋ zlau mphömè, ndo staƋ staƋ da ngots ngwoz na, a ngwoz staƋ staƋ da ngots baki na.

³Baki da va na skwi a ngwoz na, ara man amba. Lèmèlèmè ngwoz, da va na baki na.

⁴WuƋi ngwoz azɓai, aman a gshè va na; aman nenga'a a baki na. Lèmèlèmè wuƋi baki azɓai, aman a gshè va na; aman nenga'a a ngwoz na.

⁵Kin menda va kinè a deɓa ɓai, sèi man kin menda ma kinè a pa, a kin nzi kètè, a kin ngècè ri a ntsi rai, a kin humda va kinè te deɓa'a za'a, aman Sadan a slaha a mpe kinè a wi azɓai, a gèƋ man kin menda va kinè a deɓa.

⁶Ma haha i gaƌa kinè, aman i gra kinè civèƌ, i fa kinè a gèƋ ka ɓai.

⁷Te ndav ga i woy holhola'a, aman ndohi tèlèba ta nzi ara ga: aman ndo staƋ staƋ a n'ngots pombi na te ri Bi Zhiklè, ngiâè kata, ngiâè kata.

⁸A i gaƋa ta gombambihai a ngwozi mazihai: Amba ainan ta nzi ara ga!

⁹Aman ta slaha ta gshè va ta ɓai, sèi ta cè ngwoz. M'mbela ta cè ngwoz, a géƌ man ta gi ntétékè.

¹⁰A sam ngwozai, a baki ta, i gaƋa ta, aman iyè ka ɓai, aman Bi Zhiklè a ngoƋo: ngwoz dajèkeda baki na ɓai!

¹¹Aman a njèkeda ma, sèi a nzi a gèƋ na, ha ta menda gumi a hi a baki na. Baki da kwola ngwoz na ɓai!

¹²A sam ndohi ngiâè i gaƋa ta ma ga, ma Bi Zhiklè ka ɓai: Aman kramam staƋ a ngots ngwoz man a nca Zhiklè a ndav ɓai, ambaba nenga'a man a nzi te gi baki na, baki da kwola ɓatf

¹³Aman ngwoz a ngots baki na, man a nca Zhiklè a ndav ɓai, a baki nenga'a a woya a ta nzi a ngwoz na, ngwoz dajèkeda ɓai!

¹⁴Aman baki man a nca Zhiklè a ndav ɓai, nkezla'a a géƌ ngwoz. A ngwoz man a nca Zhiklè a ndav ɓai, nkezla'a a géƌ baki na, man a nco Zhiklè a ndav. Man arsa ka ɓai, arwudahi kinètawudahi nkezla'a ka ɓai. Aman a vava ta wudahi nkezla'a.

¹⁵Aman ndo man a nco Zhiklè a ndav ɓai, a woya a njèkeda ngwoz na, da jèkeda mènè. Man arsa, kramama a demama a civèƌ Zhiklè ndzawahi a ma man ta gaƌdahi ɓai. Aman Zhiklè a baba nga a nga nzi a gumai.

¹⁶Aman ka ngwoz, ka sun ƌè, wa ngiƌè ba ka mbela baki ngaya? Aman ka ngura'a, ka sun ƌè, wa ngiƌè ba ka mbela ngwoz ngaya?

¹⁷M'mbéla ndo staƋ staƋ a gi ara man Bi Zhiklè a va na, ara man Bi Zhiklè a baba na. I til ma haha a hai a sam mpi ndohi Zhiklè tèlèba.

¹⁸Aman Zhiklè a baba na ndo ngiâè, man ngwon n'ngela, da nza a ngwon nenga'a n'ngela mènè. Aman Zhiklè a baba na ndo ngiâè, man ngwon n'ngel ɓai, nenga'a da ngela ngwon asaɓai.

¹⁹N'ngèl ngwon, skwi ambalai; n'ngèl ngwon ɓai, skwi ambalai; aman sèi njèjèr ma nkwèr Zhiklè.

²⁰Ndo staƋ staƌ da nza, ara, man Zhiklè a baba na.

²¹Aman a pats man Zhiklè a baba ka, ka ɓèlè, ka hur gèƋ ɓai! Man ka slaha a ka proko va ngaya auda, dara gu arsa.

²²Ndo man Bi Zhiklè a baba na te ɓele, nenga'a a n'nda'a a kra ngwi te Bai Yèsu. Lèmèlèmè kra ngwi man Zhiklè a baba na, nenga'a ɓèlè te Kristi.

²³Zhiklè a sumka kinè a deɓa a gani kumba. Kin nda a ɓèl ndohi ɓai!

²⁴Sèi ndo staƋ staƋ, dalahimam ga, da nza a sam di Zhikle te skwi man Zhiklè a baba na a pa.

²⁵A géƋ dalahai, Bi Zhiklè a mvay ma ngiƋè a géƋ tenga'a ɓai. Aman i gaƋa kinè skwi man i huro, ara ndo man a su Zhiklè te va, a kin slaha kin cè ma nenga'a nlèɓèslèa.

²⁶Gar haha i huro, a géƋ skwi mwuƋitpa man a zhè antanta, ndohi sèi ta nzi kata dai.

²⁷Aman ka dzawa a ngwoz, ka gu maya ɓai, aman ka pra te ria'a. Aman ka pra ma a sam ngwoz, ka woy ngwoz ngiƌè ɓai.

²⁸Aman ka cè ngwoz genè, mali ka ɓai. Aman dema'a a Ƌè ngwoz, mali ka ɓai. Aman ta da ngiâè matakwan a va ta. Te ndav ga, ar i woy a i ɓer kinè te ria'a.

²⁹Aman i gaƋa kinè, dalahimam ga: tiƋè sama ma. Anai ko ngurhai, man ta co ngwoz, sèi ta gi ara man ngwoz ta azɓai; a tengahi man ta kuƋai, ara man ta kuƋi azɓai;

³⁰a ndohi man ta wuffè, ara man ta wuffè azɓai; a tengahi man ta shum skwai, ara man ta ngatsa skwa ɓai;

³¹a ndohi man herkeda haha ambaba ta, ara man ambaba ta ɓai. Aman skwi herkeda, a maya herkeda haha, a di a ndiv na.

³²I woya man kin hér gèƋ zlau ɓai. Ndo man a nca ngwoz ɓai, a hér skwi Bi Zhiklè, ara man a gi ambaba Bi Zhiklè.

³³Ndo man a nco ngwoz, a hér skwi herkeda, ara man ambaba ngwoz na. Gar haha, ndav nenga'a nkezla te va.

³⁴A ngwoz man baki na azɓai, a dema'a, a hér skwi Bi Zhiklè, ara man va na, a Mèzhèɓ na, ta kezla. Aman ngwoz man baki na a zhè, a hér skwi herkeda, ara man ambaba baki na.

³⁵Aman i gaƋa kinè ma haha, a i takaha kinè a vna, aman i pa kinè tugudza a sak ka ɓai. I hur sèi aman tèlèba a gi amba amba, a kin slaha kin Ƌè a ma ma a mizline Bi Zhiklè, a skwi ngiƋè da gerzl kinè a hi ɓai.

³⁶Aman ndo ngiƋè a huro, dem nenga'a man ngra ma do do ngwoz, da gu ara ndav nenga'a man a woya'a. Mali ka ɓai, aman a va na civèƋ a ndè ngwoz.

³⁷Aman ndo ngiƋè a mana ndav na, a wuƋi ka ɓai, aman a géƋ man a hur skwi na te ndav na, a woy dem nenga'a, a ndè ngwoz ɓai, nenga'a a gi amba.

³⁸Gar haha ndo man a feda dem nenga'a a ngwoz, a gi amba: ndo man a vi dem nenga'a a ngwoz azɓai, a gi amba holhola'a.

³⁹Ngwoz ndzawa'a a sam baki na, aman nshèffè baki na a zhè dai. Aman baki nenga'a m'mets na ma, nenga'a mpra ma, a Ƌè ngwoz a sam ndo man a woya'a, aman sèi ara man Bi Zhiklè a woya'a.

⁴⁰Aman i huro, dara a sam na, aman a nzi a géƋ na. I huro, i ba, i ngots Mèzhèɓ Zhiklè.