Read Mofa New Testament 1 Corinthians 8 Bible Online

1 Corinthians 8 - Mofa New Testament bible

1 Corinthians 8

¹A géƋ n'ndi zluèƋ mbeh skwai, nga tèlèba nga sun maya. Nshin skwai a grè gèƋ ndo, aman mwoy-ndo a ndav a gi aman a grè a ma ma.

²Ndo man a huro a sun skwai, di nenga'a mwin di ɓai.

³Aman ndo man a woy Bi Zhiklè, Zhiklè a sun nenga'a.

⁴A géƋ n'ndi zluèƋ mbèh skwai nga suna, m'mbèh skwai, skwi ambalai t'herkeda. Zhiklè ngiƋè azɓai, na staƋgenè.

⁵Ko ngiƋè a zhè, man ta baba ta zhiklèhai, te giƋfèk, t'herkeda, ara man zhiklèhi kumba a bihi kumba,

⁶nga ngots Bi Zhiklè nga staƋgenè, Bab nga, te nenga'a skwi tèlè a shkè, a nga a sam nenga'a. Bi nga staƋgenè, Yèsu Kristi, te nenga'a skwi tèlè a zhè, a nga te nenga'a.

⁷Ndohi tèlè ka ɓai, man ta sun maya. Aman tengahi ngiƋè ta ndi zluèƋ vri pèc pècèk, a mèzhèɓ ndav tenga'a man wuƋi na azɓai, a lizhè a vna.

⁸Aman skwi n'ndi a tila nga azɓai a sam di Bi Zhiklè. Ko nga ndi skwai, ko nga ndi skwi azɓai, nga fena ndo ngiƋè azɓai.

⁹Aman vagu maya a géƋ civèƋ man kin ngotso haha; kin gu a gadda ɓai a sam ndohi man wuƋi ta azɓai.

¹⁰Aman ndo ngiƋè a rka, ka ndo man ka sun maya, a ka ndi skwi a sam m'mbèh skwai, a mèzhèɓ ndav nenga'a a n'ngots wuƋi di ɓai, a hérè te ndav nenga'a azɓi Ƌè: amba aman i ndi zluèƋ mbèh skwai.

¹¹A géƋ maya ngaya man ka suna, ndo man a ngatsa wuƋi ɓai a gedas na, kramam ngaya, a géƋ nenga'a ba Kristi a m'mets na.

¹²Aman kin gi mali arsa a sam kramamhi kinè, a kin lizhè mèzhèɓ ndav ndohi man ta ngatsa wuƋi ɓai, kin gi malai a sam Kristi.

¹³Gar haha, aman i slafaƋama na sak a kramam ga a géƋ skwi n'ndai, i woya a i ndi zluèƋ azɓi fèt. I woya a i slafaƋama na sak a kramam ga azɓai.