Read Mofa New Testament 2 Corinthians 10 Bible Online

2 Corinthians 10 - Mofa New Testament bible

2 Corinthians 10

¹lyè, Paul, i bid kinè a ri ga a ndav nlüɓekwa'a, a maya man amba te Kristi. Aman i a sam kinè, i gi huyo koko'a; aman i dra a sam kinè, i gèƌe a wuƌai.

²I tsa kinè rai, kin fay a gèƌ ɓai, aman i Ƌè gèƌè a wuƌai, man i do do a sam kinè. I gi hérè'a, i slaha a i gi a wuƌai a sam tenga'a man ta rka nga ara ndohi man ta jèjèr ntétékè ta.

³Ko nga fherkeda hahadai, ngagi var a ndohi herkeda ka ɓai.

⁴Aman skwi var man nga gi var a vna, skwi ndo ka ɓai, aman wuƌi te ri Zhiklè, man a gedassa skwi nzala'a aussa.

⁵Nga géƌèshè skwi man amba man ta huro amba man a woya a gre gèƌ na a sam nshin Zhiklè, a nga gseda nhér gèƌ ndohi tèleba a hai a ta fì gèƌ a ma Kristi.

⁶Te deɓa'a man kin fi gèƌ a Zhiklè zura ma, nga da gi kita a géƌ ngi mèdègèƌ tèlèba.

⁷Kinè, kin dèl skwi ma a deɓa genè! Ndo man a huro, iyè a Kristi, da suna, nga a Kristi lèmèlèmè.

⁸Ko i jégèr va a va'a a géƋ wuƋibi nga man Zhiklè a va nga, aman nga gi a ki n grè a ma ma nga gedas kinè ka ɓai — i gi hori azɓai.

⁹I woya man i pra kinè zlau avaa ƌèlèwèr ga ɓai.

¹⁰Ta gaƌa: Te ƌèlèwèrhi nenga'a a gèƌè a wuƌai; aman te deɓa'a man a sam nga, a ged ngede man wuƋi a te pa ɓai.

¹¹Ndo man a gèƋ aranta, da suna, nga gèƋè te Ƌèlèwèr man nga dra a sam kinè lèmèlèmè ara man nga zhè a sam kinè.

¹²Nga gi zlau aman nga ngré va nga a va ndohi man ta slébèrdè va ta a ri ta, a nga lèmdè va nga a tenga'a. Ta rzla, a géƋ man ta Ƌèl skwi ta a ri ta, a ta lèmdè va ta a va tenga'a.

¹³Aman nga woy a nga jégèr va kumba azɓai, sèi ara sam mizlinè man Zhiklè a Ƌèlè nga a rai, a va nga, a nga ndikè a sam kinè ba.

¹⁴Nga ngelka na di ɓai; nga ndika a sam kinè. Aman a vava, nga ndika a sam kinè a ma mbela'a te Kristi ma.

¹⁵Nga jégèr va a géƋ mizlinè ndo ngiƋè azɓai; aman nga zhèrè te ndav, ara man ncè-a-ndav kinè a grè a ma ma, kin slebarde nga ba, ara mizlinè man nga gau.

¹⁶Nga woya a nga njè ta ma mbela'a a tenga'a ba te deɓ kokwar kinè; aman nga jégèr va azɓai a géƌ mizlinè man ndo ngiƌè ntila ma.

¹⁷Aman ndo man a jégèr va, da dzugor va a géƋ Bai Yèsu.

¹⁸Ndo amba a géƋ man a slébèrdè va na a ri na ka ɓai; aman a géƋ man Zhiklè a slébèrdè'a.