Read Mofa New Testament 2 Corinthians 12 Bible Online

2 Corinthians 12 - Mofa New Testament bible

2 Corinthians 12

¹I woy a i jégèr va, ko ambaɓi ba. I woy a i Ƌè a ma ma a i ngréƋè skwi man Bai Yèsu a ngrayè.

²I sun ndo ngiƋè staƋ te Kristi. A gi mvi 14 ma, gar nte gaƋa va na, gar nte gaƋa va na ka ɓai, i sun ɓai, aman Bi Zhiklè a suna. A ta ceda a zhiklè a géƋè'a.

³I sun ndo sa gar nte gaƋa va, gar nte gaƋa va ka ɓai, i sun ɓai, aman Bi Zhiklè a suna.

⁴Ta da'a a géƌè'a, a sam mbela'a, a ntsena ma, man amba a ngèƌ ɓai.

⁵I war i jégèr va a géƋ va ga ka ɓai, sèi a gèƋ ndo sa za'a, i war aman i jégèr va a géƋ va ga ka ɓai, sèi a géƋ man wuƋi ga azɓai.

⁶Ko i wasl te ma ɓai, aman i sun skwi te gèƌ, a géƌ man i goƌ a nzura'a. Aman i gèƌè azɓai. Ndo ngiƌè man a tsena ma ga, da rkayè ara ndo mbia ɓai.

⁷A gèƌ man i dzogor va azɓai, te man skwi mbia'a a erkayè a dai, skwi man a tezay va ga a zhè; gol Sadan, man a ƌutsyè, man i grè gèƌ ɓai.

⁸l tsu ri a Bi Zhiklè a géƋ nenga'a sak makar, aman a jèkyè;

⁹a nenga'a a ngaƋayè: Pombi ga da dè'a ka, aman wuƋi ga a gi te ndohi man wuƋi ta azɓai. Gar haha i woya man i jégèr va nshèlèkura'a a gèƋ man wuƋi ga azɓai, a wuƋi Kristi a nzi a sam ga.

¹⁰Gar haha ndav ga langlanga'a a sam man wuƋi ga azɓai, a sam man ta derƋyè, a sam matakwan, a sam man ta parahayè, a sam skwi mwuƋitpa a géƋ Kristi. Man wuƋi ga azɓai, wuƋi Kristi a zhè.

¹¹I nda'a a ndo nrzla ma! Kin fay a gèƋ arsa! A woy kin slebardyè, te man ndohi sak kinè mbibihia'a ta fenyè azɓai, ko iyè ndo ambalai.

¹²Aman skwi malwuƋi mizlinè ga ara ndo sak a ngu a sam kinè kumba, a skwi man n'ngreda auda, a nrkedai, a wuƋai.

¹³Skwi man kin ngatsa ara mpi ndohi Zhiklè ngiƋè ɓai, mè? Sèi man i dzhaƌa skwi te ri kinè ɓai. I yak ga sèi kin pray mali ga.

¹⁴Na haha i til va man i Ƌè a sam kiné mamakara'a, a i woy skwi te ri kinè ka ɓai. l woy skwi kinè ka ɓai, aman i woy kinè. Ambaɓai aman wudahi ta ɓica skwi mèshèlè a bab ta a mam ta. Sèi bab a mam wudahai ta va ta wudahai.

¹⁵A ga ambahayè, man i vi skwai, a i vi nshèffè ga a géƌ kinè. Aman i woy kinè holhola'a. Kin woy iyè arsa azɓai ƌè?

¹⁶Arsa ka ɓi dè: i dzhada skwi te ri kinè ɓai. Aman kin gaƋa: i bid kinè a maya ngwèdè ndo, a i ngats kinè.

¹⁷I zlündo ndo a sam kinè man a nda ngwod kinè pats ngiƌè ƌè?

¹⁸zlündo Tite a sam kinè, a kramam ngiƌè. Kos Tite n'ngwode kinè ƌè? Nhèr gèƌ nga lèmèlèmè ka ɓi ƌè? Mizlinè nga lèmèlèmè ka ɓi ƌè.?

¹⁹Gar kin hérè'a, n'nzi a zhè nga goƋ ma man nga tsoko gèƋ nga auda a sam kinè genè. Aman nga gèƋè te Kristi asam di Zhiklè. Dalahimam ga, skwi tèlèbaagi aman a kin grè a ma ma.

²⁰I gi zlau man i da shkè, i da ngats kinè ɓai, ara man i woya'a. A kinè ba, kin da ngatsyè azɓai, ara man kin woya'a: ngi ndav, srak, shèwa, ndzoan, ntsi demgasl, ngre ndo, nfi va, skwi ndzakaɓa'a, a zhè.

²¹l gi zlau man i Ƌè za'a, Zhiklè a da pay hori a dai a sam kinè, a i lèyè a gèƋ ndohi kumba, man ta gu malai te va nasa, a ta ngwode ndav ta ɓai, a géƋ skwi man ta lizha va ta a vna, man ta beza zlawa a ta gu mphömè.