Read Mofa New Testament 2 Corinthians 5 Bible Online

2 Corinthians 5 - Mofa New Testament bible

2 Corinthians 5

¹Nga suna: aman gi nga nt'herkeda haha, nenga'a va nga, m'mbed na, nga ngots gi man Zhiklè a ndüzlo, gi man ri ndo a ngu ka ɓai, man a nzi te zhiklè te gèƋè'a a mèdèp.

²A gèƋ nenga'a ba nga Ƌish va, mpatakaskwi Zhiklè man ngaƋa fi a va, a keƋ nga, a nga zhèrè te ndav,

³a skwi a va; ta da ngatse nga adi azɓai.

⁴Aman nga te gi haha dai, nga ƌish va a nga si matakwan. Nga woy a ta sudama nga skwi auda a va ɓai, nga woy a ta va nga skwi a va, a nshèffè a gérdè skwi m'metsi a hwad.

⁵Aman Bi Zhiklè a ri na a ntil nga hi a géƌ skwi sa, a va nga Mèzhèɓ a hai a gèƋ skwi man a da va nga.

⁶Gar haha nga fi gèƋ a vna pèc pècèk: nga suna, aman nga te va nga dai, nga dra a sam Bai Yèsu.

⁷Aman nga Ƌè te ncè-a-ndav, te nrkè skwi a di ka ɓai.

⁸Aman nga mana ndav nga, ko ambaba nga holhola'a aman nga jèkeda va nga a nga Ƌè ngwi a sam Bai Yèsu.

⁹A géƌ nasa nga gi maya maya, aman nga nzi a nshèffè ara man ambaba Zhiklò, ko nga te ngwi ma, ko nga te va nga haha dai.

¹⁰Aman nga tèlèba, sèi nga da zlècè a sam n'nzi kita Kristi, a sam man ndo staƋ staƋ a ngècè'a, gar amba, gar ambaɓai, ara man a gu a pats nshèffè na t'herkeda.

¹¹A zlau Zhiklè aranta, nga war a nga bid ta ndohai. A sam di Zhiklè, nshèffè nga n'ngreda t'uda ma. Aman i hur te gèƌ, ko a sam kinè ba, nshèffè nga n'ngreda t'uda ma.

¹²Antanta nga tsi wi va nga a sam kinè a ri nga azɓai; sèi nga gi aman kin slaha kin jégèr va a géƌ nga. A kin slaha kin da mbeƌa ta ma a tengahia'a man ta jégèr va a géƌ skwi man a deɓa'a, skwi te ndav ka ɓai.

¹³Aman gèƌ nga nza, a za a géƌ Bi Zhiklè. Aman nga a maya te gèƌ; a maya te gèƌ a géƌ kinè.

¹⁴Aman mwoy-ndo a ndav te Kristi a erƋe nga, a géƋ man nga huro, aman ndo staä a m'mets na te di man a ndohi tèlèba, ta tèlèba ta bazl ta.

¹⁵A nenga'a a m'mets na te di man a ndohi tèlèba, a géƋ man ndohi a nshèffè ta da nzi a nshèffè man a tenga'a genè ka ɓai, aman a géƌ nenga'a man a mets na, a nslambaƌkaƌauda a géƌ tenga'a.

¹⁶Anai nga ƌèl ndo ara nyakaƌ na a sakaɓai; ko hala'a nga sun Kristi nara ndo, antanta nga sun nenga'a ar haha ɓai.

¹⁷Gar haha man ndo a zhè te Kristi, n'nga'a a ndo mɓua'a, skwi m'mova'a kala a deɓa ma, na haha skwi tèlèba n'nga a mɓua'a.

¹⁸Aman skwi tèlèba a shkè te Zhiklè, man a menda nga gumi a hai a Kristi, a mva nga mizlinè m'mèndè gumi a hai.

¹⁹Aman Zhiklè, te Kristi, a m'menda gumi a hai a ndohi herkeda, a nhera mali ta asaɓai. A mva nga ma m'méndè gumi a hai.

²⁰Anai nga ga'a a ndohi sak te di man a Kristi, te man Zhiklè a bid ndo, te nga: Anai nga tsi ri te di man a Kristi: Vagau aman kin menda gumi a hai a Zhiklè!

²¹Aman Zhiklè a ndeda nenga'a man a sun mali ɓi fèt, a malai a géƌ nga, aman te nenga'a nga da ndi a ndohi nzura'a a sam di Zhiklè.