Read Mofa New Testament 2 Corinthians 6 Bible Online

2 Corinthians 6 - Mofa New Testament bible

2 Corinthians 6

¹Nga ndohi man nga mbi a mizlinè a nenga'a, a nga bid kinè, kin co pombi Zhiklè ambali ɓai!

²Aman nenga'a a gaƋa: A pats man amba, i co ntsi ri ngaya. A pats m'mbélè, i takaha ka. Na haha, antanta pats man amba, na haha, pats m'mbélè.

³Nga woya a nga slafaƋama na sak a ndo ngiƋè ɓai, a ta da tsa nga demgasl a gèƋ mizlinè nga azɓai.

⁴Aman te skwi teleba nga ngreda va nga auda ara ndohi mizlinè Zhiklè: te nzhèr skwia dai a ma ma, te matakwan, te skwi mwuƋitpa, te zlau,

⁵a sam man ta ndah nga, te gi dangai, a sam nrubai, man ntulè a keƋ nga, te n'nzi a dai, a ntiƋè a mai,

⁶te mɓer va, te nshin skwai, te nzhèr skwi a ma ma, a ndav amba, te Mèzhèɓ nkezla'a, te mwoy-ndo a ndav man a vava,

⁷te ngèƋè ma nzura'a, a wuƋi Zhiklè. Nga ngots skwi var ngizura'a te ri mandai, te ri gula,

⁸a sam man ta nzal nga, a sam man ta pa nga hori a dai. Ta gèƌè a gèƌ nga, gar amba, gar ambaɓai. Ta gèƌè a gèƌ nga: Nga ndohi mpi ndo a wai, aman nga gèƌè ma nzura genè.

⁹Nga ndohi man ta sen nga ɓai, aman ta sen nga genè. Nga ndohi man nga metsi nga, a nga nzi a nshèffè genè. Nga ndohi man ta ga a nga matakwan, aman nga metsa ɓi genè.

¹⁰Nga ndohi man nga kuƌai, aman nga wuffè pèc pècèk ba. Nga ndohi ntawassa'a, aman nga ga ta ndohi kumba a ndohi mèshèlè genè. Nga ndohi man nga ngatsa skwi ɓi fèt, aman skwi tèlè a nga genè.

¹¹Kinè ndohi Corinthe, nga goƌ ma kumba a sam kinè; ndav nga mwina twèng.

¹²Kin ngots sam kumba te ndav nga. Aman ndav kinè a mwinè kètè a geƌ nga.

¹³I gèƌè a nda kinè ara a nda wudahi ga. Vagu lèmèlèmè arsa, vawina ndav kinè ba twèng!

¹⁴Kin humda va ɓai a nda ndohi man ta ca a ndav ɓai. Ngizura' a a ngizura ka ɓai, ta hümdè te mè? Skwi nhél sam a ruva ta hümdè te mè?

¹⁵Nda Kristi a Sadan ta mbi a ma ƌè? Ndo ncè a ndav, a ndo man nca a ndav ɓai, ta hümdè dè?

¹⁶Gi Zhiklè a vrihai ta hümdè te mè? Aman nga, gi Zhiklè man a zhè a nshèff e. Ara Zhiklè man a gaƋa: I war a i nzi a sam tenga'a, i shèwèlè te ndev tenga'a, a i gi a Zhiklè ta, a tenga'a ta gi a ndohi ga.

¹⁷Gar haha vodo kinè auda a sam tenga`a, vakezla va kinè, Bi Zhiklè a gaƋa, kin lama na skwi nlizhèa ɓai, a i woy a i ce kinè,

¹⁸a i gi a Bab kinè, a kin gi a wudahi a dalahi ga, Bi Zhiklè wuƋi tèlèba a gaƋa.