Read Mofa New Testament 2 Corinthians 9 Bible Online

2 Corinthians 9 - Mofa New Testament bible

2 Corinthians 9

¹Ko man i windè kinè ma a géƌ mizlinè ntakaha ta ndohi Zhiklè ɓai, a gi skwo a ɓai.

²Aman i suna, kin gi gazawa, aman kin takaha ta ndohi Zhiklè; a i jégèr va a géƌ kinè a sam ndohi Macédoine, a i gaƌa: Achaie ntila skwi tèlèba ma, daga man atutsa. A skwi man kin gau a gazawa, a mpoko ta gèƌ auda a ndohi kumba, a ta gia lèmèlèmè arsa.

³Aman i zlinde ta kramamhi haha, a i woya kin tila a vava, ara man i goƌ a géƌ kinè; ma man nga slebarde kinè te skwi haha a vna, da nde na a ma ambali ɓai.

⁴A ndohi man nga da Ƌè a nda tenga'a te Macédoine, ta ngats kinè ntil ɓai, ta pa nga hori a dai te skwi man nga fu gèƌ a vna haha; a kinè ba, hori a dai.

⁵Gar haha i hur amba, a i bid ta kramamhai, aman ta Ƌè a ma ma a sam kinè, a ta til mpshè ma man kin pasla nga rai, aman ntila a vava, da gu a skwi man kin vau a mpshè ma, man kin ga keda a pa ɓai.

⁶Va suna: Ndo man a zleki skwi keshkata genè, a da ɓicè skwi kèshkata arsa; ndo man a zleki skwi a vata, a da ɓicè skwi a vata.

⁷Ndo staƌ staƌ da vau ara man a woya a ndav na, a ndav man a vi skwi a mwuffè te ndav, nenga'a ambaba Zhiklè.

⁸Zhiklè a slaha a va kinè pombai a vata ba, aman te skwi tèlèba kin ngèzhè, a kin ngots skwi mèshèlè, a kin slaha kin gi mizlinè man amba a vna,

⁹ara man âèlèwèr Zhiklè a gaƋa: Nenga'a a nkezla skwi na, a mva ta ndohi ntawassa'a; ngizura'a nenga'a a nzi a mèdèp.

¹⁰Aman Zhiklè man a va na tser skwai a ndo nzleki'a, a movar man a ndia'a, a slaha a mvi tsera a kinè, a tsera a ngi a vata, a ngizura'a kinè a yi wuda a ma ma.

¹¹Gar haha kin gi a ndohi mèshèlè te skwi tèlèba, a kin slaha a kin vi skwi a ndav amba, a ndohi kumba ta shid gèƌ a Bi Zhiklè a géƌè'a.

¹²Ngi mizlinè Zhiklè haha a takaha ta ndohi Zhiklè te skwi man a ngeza ta genè ka ɓai, aman a gi aman ndohi kumba ta shida na gèƌ a Zhiklè.

¹³Mizlinè kinè haha a gi malwuƌai, a ndohi kumba ta slébèrdè Zhiklè, aman ta rka, ara man kin fi gèƌ a ma nenga'a, a kin njè ma mbela'a te Kristi. A ta shid gèƌ a nenga'a, a géƌ man kin takaha ta te skwi man ta ngatsa ɓai,

¹⁴te skwi tèlèba ba, a sam ndohi tèlèba a ndav amba. A ta tsi rai a géƌ kinè, a ta woy kinè, a géƌ pombi Zhiklè mbia'a a sam kinè.

¹⁵Aman nga shid gèƌ a Zhiklè a géƌ skwi mbia'a holhola'a man a va nga.