Read Mofa New Testament Galatians 4 Bible Online

Galatians 4 - Mofa New Testament bible

Galatians 4

¹Aman i gaƋa: Aman ndo n'ndi gai ngra di ɓai, ko a gi bai a géƌ skwi tèlèba, a fena ɓèlè di azɓai.

²Na zhè te ri ndohi mber gai, ba pats man bab na a hèrè'a.

³Lèmèlèmè nga: aman nga gra di ɓai, nga belèlihi wuƋi skwi herkeda.

⁴Aman tidè sama ma, Zhiklè a nzlündo kra nenga'a, man ngwoz a myau, a mfèda a hwad ma kita,

⁵aman a preka ta man ta t'hwaƋ ma kita auda, aman nga ndi a wud hwadgai.

⁶Anai kinè wudahai, man Zhiklè a zlündo Mèzhèɓ kra nenga'a a ndav kinè, man a gaƋa: Abba, bab ga!

⁷Gar haha anai ka ɓèlè asakaɓai, aman kra, kra hwaƌ gai. Te deɓa'a Zhiklè a nge ka a ndo n'ndi gi ba.

⁸Te va nasa, aman kin sun Zhiklè ɓai, kin gu ɓèlèlihi zhiklèhai, man ta a vava zhiklèhi ka ɓai. Aman antanta kin sun Zhiklè

⁹man ɓai Zhiklè a sen kinè, kin men kinè a deɓa za'a a sam skwi man wuƋi na azɓai, ntawassa'a, a kin woy a kin gi ɓèl tenga'a za'a èhèmè?

¹⁰Kin jèjèr mapatshai, akia, a ngolala, a via.

¹¹I gi zlau, i geda matakwan a va ga a sam kinè ambalai.

¹²Dalahimam ga, i tsa kinè rai, vanda lèmèlèmè ara ga.

¹³Kin gay skwi ambaɓia ɓai. Kin suna, aman i njè kinè ma mbela'a nshèlèkura'a, i mbelakaɓai.

¹⁴A kin kwolyè ɓai a géƌ matakwan ga, a skwi te va ga a n'ndara kinè ɓai; aman kin ciyè ara man i gol Zhiklè, a vava ara Kristi Yèsu.

¹⁵A pats nasa mwuffè kinè a zhè a vata ba! I gi malwuƋai, aman agassa kin slaha, ko dai, a kin vedotkoƋauda a kin vayè.

¹⁶Aman a géƋ man i ngreda kinè ma nzura'a, i ndo mayam kinè Ƌè?

¹⁷Ta woy a ta bid kinè a verzai. Ta woy a ta hel kinè auda te ri ga genè, a kin fi gèƋ a ma tenga'a.

¹⁸Aman kin gi gazawa a géƋ skwi man amba, pèc pècèk, amba genè, ko i zhè a sam kinè, ko i az a sam kinè ɓai.

¹⁹Kinè wudahi ga, man i Ƌish va a géƋ kinè genè, ba pats man Kristi ngra te ndav kinè.

²⁰A woy i zhè a sam kinè antanta, a kin tsena da'ai ga, te man i hér gèƋ a géƋ kinè.

²¹VagaƋayè, kinè man kin woy a kin jèjèr ma kita Zhiklè: Kin tsena ma kita ɓi Ƌè?

²²Aman ta windo, wudahi Abraham cèw, staƋ a myau t'hwaƋ ɓèl na, ngiƋè t'hwaƋ ngwoz ri na.

²³Aman nenga'a man a myau t"hwaƋ ɓèlè, a myau ara mataka'a; aman nenga'a man a myau t'hwaƋ ngwoz ri na, a myau te mpèsl rai.

²⁴Verzi ma haha a zhè. Na haha nderzlèma cèw: staƋ te za Sina, man a yia'a t'hwaƋ ɓèlè, nenga'a Agar.

²⁵Aman Agar, a ma arabe, ara za Sina. Sina za te kokwar Arabe, a lèmdè a kokwar Jérusalem, man a zhè a patsna. Nenga'a a wudahi nenga'a ta gi ɓèlè.

²⁶Aman Jérusalem man a zhè te géƋè'a, nenga'a ngwoz gai, nenga'a mam nga.

²⁷Aman Ƌèlèwèr Zhiklè a gaƋa: Wuffa, ka ka delai, man ka yi kra azɓai! Washkè a ka boho, ka man ka Ƌish va azɓai! Aman ngwoz delai a n'ngots wudahi kumba, a fena nenga'a man baki na a zhè.

²⁸Aman kinè, dalahimam ga, kinè ara lsaac, man Zhiklè a mpasleda ria a hai.

²⁹Aman ara man a pats nasa, ndo man ta yau ara mataka'a, a mparaha ndo man ta yau te Mèzhèɓ, lèmèlèmè a patsna.

³⁰Ɗèlèwèr Zhiklè a gaƋ kè? Vadzarda ngwoz, man ɓèlè, a kra nenga'a, auda; aman kra ɓèlè da ndu gai a nda kra ngwoz gi ɓai.

³¹Gar haha anai, dalahimam ga, nga wudahi ɓèlè ka ɓai, aman wudahi ngwoz gai.