Read Mofa New Testament Galatians 5 Bible Online

Galatians 5 - Mofa New Testament bible

Galatians 5

¹Kristi a mpre nga, aman nga pra'a a vava. Gar haha vanze tara'a, kin gu ɓèlè ara hala ɓai!

²Na haha, iyè Paul, i gaƋa kinè: Aman kin ngél ngwon, ara ndohi Juif, Kristi skwi ambalai a sam kinè.

³I ngreda na ndo staƋ staƋ tèlèba za'a; aman a ngél ngwon sèi man a jèjèr ma kita tèlèba ndèzl.

⁴Aman kin woy a kin ngècè ngizura'a te ma kita Zhiklè, kin kezla a nda Kristi, a kin kèlè auda te pombai.

⁵Nga zhèr ngizura'a te ndav. Aman sèi nga zhèrè'a te Mèzhèɓ a ncè-a-ndav.

⁶Aman te Kristi Yèsu, ko ngwon n'ngela, ko ngwon n'ngel ɓai, skwi ambalai; sèi ncè-a-ndav te mwoy-ndo.

⁷Kin hüno amba amba. Nzlatsede kinè a hi wa, a kin fi gèä a ma nzura'a azɓai?

⁸Ma man ta fa kinè a gèƋ arsa, a shkè te nenga'a man a baba kinè ka ɓai.

⁹Movar mɓesla'a kèshkata a ɓesla movar tèlèba.

¹⁰I huro, te Bi Zhiklè, kinè ba kin hur ara ga. Aman ndo man a dzakaɓama kinè gèƌ, a ngècè kita Zhiklè, ko wawa.

¹¹Aman iyè, dalahimam ga, man i njè ma n'ngél ngwon, ndohi Juif ta parahayé èhèmè? Man arsa, njèma ga a gèƌ wof ngézlèl Yèsu nara skwi nslafaƌama ta sak asakaɓai.

¹²Dara tenga'a man ta dzakaɓa kinè, ta tsuɓa va ta a ri ta.

¹³Aman kinè, dalahimam ga, Zhiklè a baba kinè a sam mpra'a. Aman vagu maya, aman a géƌ man kin pra t'uda ma, kin va na civèƌ a ntétékè te va kinè ɓai. Aman te mwoy-ndo, ngiƌè da takaha ngiƌè, ngiƌè da takaha ngiƌè.

¹⁴Aman ma kita Zhiklè tèlèba nhumda te ma staƌ: Woy ndo a ndav ngaya ara man ka woy nshèffe ngaya.

¹⁵Aman kin bèzl va, a kin ndi va kinè a ma dai, vagu maya, man ɓai kin ndeva va kinè!

¹⁶Aman i gaƋa: Vodo te Mèzhèɓ, kin dzodzor ntètèkè va kinè ɓai!

¹⁷Aman ntètèkè ndo a gi var a Mèzhèɓ, a Mèzhèɓ a ntètékè ndo. Ta cèw ta bèzl va, a kin gi skwi man kin woya'a azɓai.

¹⁸Aman Mèzhèɓ Zhiklè a gi bi kinè, kinè t'hwaƋ ma kita Zhiklè ka ɓai.

¹⁹Skwi man ndohi ta gia'a te ntétékè ta, a ngrédè auda ara: ngi mpnömè, skwi nlizhèa, mbizhè zlawa,

²⁰ngi vrai, m'mbèh skwai, ngi mayam, ngi ndav, srak, ndzoan, mbèzl va, tiflè man a kezla ta ndohai, njèjèr ma civèƋ Zhiklè ngiƋè,

²¹ntètèkè, njèjèr zom, n'ndi skwi ketsamketsama'a, a skwi tsaƋ tsaƋ aranta man i gaƋa kinè nshèlèkura'a, a i gèƋè za'a: Tengahi man ta gi arsa, ta da ndi kokwar-Bi Zhiklè azɓai.

²²Skwi man a shkè auda te Mèzhèɓ: Mwoy ndo a ndav, mwuffè, gumai, nzhèr skwi a ma ma, ndo a se ka te va, ndav amba, nlèɓèslea,

²³ndav nlüɓekwa'a, ngshè va; ma kita Zhiklè a gedassa skwi haha azɓai!

²⁴Aman ndohi man te Yèsu Kristi, ta gezlala ntétékè va tenga'a, a skwi man a woya'a.

²⁵Aman nga nzi a nshèffè te Mèzhèɓ, sèi nga jèjèr Mèzhèɓ ba.

²⁶Nga da woy n'njèl ambali ɓai, nga da poko ta gèƋ auda a ndohi ɓai, nga da gu srak a gèƋ ndo ngiâè ɓai!