Read Mofa New Testament Ephesians 2 Bible Online

Ephesians 2 - Mofa New Testament bible

Ephesians 2

¹Kinè hala`a ndohi m'metsa'a a gèƋ maharam a malai.

²Kin dzadzara skwi herkeda, kin fe gèƋ a madzagai, man a gi bai t'hwaƋ giƋfèk, man a gi mizlinè na antanta te ndav ndohi man ta gi mèdègèƌ a sam Zhiklè.

³Nga ba, nga gu arsa zlèzlé'a, nga dzadzara ntétékè te va nga. A nga gu skwi man va nga, a nhèr gèƋ nga a woya'a. Nga ndohi man ndzoan Zhiklè a gèƋ, te nyakaƋ nga, lèmèlèmè ara ndohi ngiƋè.

⁴Aman Zhiklè, man ndo a sia te va kumba, a géƋ mwoy-ndo nenga'a mbia'a, man a woy nga a vna,

⁵nga ba ndohi m'metsa'a a géƌ, malai — a mva nga nshèffè ba a nda Kristi (a pombai kin mbel kinè),

⁶a nslambaƌkaƌ nga auda a nda nenga'a, a mva nga sam n'nzi te zhiklè a nda nenga'a te Yèsu Kristi.

⁷Pombi nenga'a mbia'a arsa a ngreda nga te mwoy-ndo nenga'a a sam nga te Kristi Yèsu.

⁸Aman a pombai kin mbel kinè, a ncè-a-ndav; a ri kinè ka ɓai; Zhiklè a mva kinè;

⁹a mizlinè kinè ka ɓai, aman ndo dadzugorvaɓai.

¹⁰Aman nga skwi ri na, n'nga'a te Yèsu Kristi, aman nga gi mizlinè man amba, man Zhiklè a ntila nshèlèkura'a, a woya a nga gia'a.

¹¹Gar haha vahuro, kinè man zlèzlèa ndohi nte deɓa, man ndohi n'ngela ngwon (man ri ndo a ngau) ta baba kinè ndohi man ngwon n'ngel ɓai:

¹²Te ndev nasa Kristi az a sam kinè ɓai, kinè ndohi Israel ka ɓai, kin sun nderzlèma Zhiklè man a mpasla nga ri ɓai. Gar haha kin zhera skwa ɓai, kin sun Zhiklè ɓai.

¹³Aman antanta te Kristi Yèsu, kinè man zlèzlè'a dra, kinè ndul ndul ma te pombaz Kristi.

¹⁴Aman nenga'a gumi nga. A ngu te skwi cèw, skwi staƋ. A m'mbeƋa zlazlar man a zhè te ndeva'a (zlazlar nara mayam), te va na.

¹⁵A nco ma kita a ma nkwèrè man a fa nga a gèƌ, aman te va nenga'a a nderzla cèw a ta gi a ndo mɓua'a staƋ, a ntsu gumi arsa,

¹⁶a m'menda gumi a hai a Zhiklè, te va staƋ, a sam wof ngèzlèlè; a sama'a a ngedasa skwi mayam.

¹⁷Nenga'a a mshkè, a njè kinè ma gumai te ma mbela'a, a kinè man kinè dra, a tenga'a man ta ndul ndul.

¹⁸Aman te Kristi, nga cèw ba, nga ngots civèƋ a sam Bab nga te Mèzhèɓ staƋ.

¹⁹Gar haha kinè ndohi mbrokihai a ndohi nshèwèlè ambali asakaɓaî. Kinè wud ngwihi ma, te va ndohi Zhiklè, man ta slébèrdè Zhiklè pèc pècèk, wud ngwi Zhiklè,

²⁰man ta Ƌizl ta a gèƋ ndohi sak a ndohi nhadka ma te verzia'a. Yesu Kristi, kwa verzi gai a ri na.

²¹A gèƋ nenga'a gi tèlèba a grè a ma ma. Nenga'a a gshè'a, aman a gi a gi Zhiklè nkezla'a te Bai Yèsu.

²²Te nenga'a kinè ba ta Ƌizl kinè ara gi Zhiklè te Mèzhèɓ.