Read Mofa New Testament Ephesians 4 Bible Online

Ephesians 4 - Mofa New Testament bible

Ephesians 4

¹Gar haha i fa kinè ma a gèƋ, iyè ndo dangai a géƋ Bai Yèsu: Vanza a maya, ara man kin njèl Zhiklè man a baba kinè.

²Vamanda gèƋ a hai, a ndav nlüɓekwa'a, vozhor skwi a ma ma, valèɓèslè a va kinè, ngiƋè a sam ngiƋè, te mwoy-ndo.

³Vagu maya a vata, aman gumai a humde kinè te Mèzhèɓ te va staƋ, te Mèzhèɓ staƋ,

⁴ara man Zhiklè a baba kinè a sam nzhèrè te ndav kinè staƋ.

⁵Bai staƋ, ncè-a-ndav staƋ, baptême staƋ,

⁶Zhiklè staƋ, Bab ndo tèlè, nenga'a man a zhè a géƋ skwi tèlèba, a sam skwi tèlèba, te skwi tèlèba.

⁷Aman ndo staƋ staƋ te ndev nga a n'ngots pombai, ara man Kristi a va na.

⁸Gar haha ta windo: Ndè naa géƋè'a, a hulta ndohi dzawa'a a skwi man a verzai, a mva ta pombi tsaƌ tsaƌ a ndohai.

⁹Aman a 'dè a géƋè'a', lèmèlèmè ara man a do, a herkeda a hwaƋa'a ba.

¹⁰Nenga'a man adoa hwaƌa, a ndo a géƋè'a, a géƋ zhiklèhi tèlèba, aman a ndhè tèlèba.

¹¹Tengahi ngiƋè a pe ta a ndohi sak, tengahi ngiƋè a ndohi nhadka ma; tengahi ngiƋè a ndohi njè ma Zhiklè; tengahi ngiƋè a ndohi mɓir ndohai; tengahi ngiƌè a ndohi njèngè,

¹²aman a til ta ndohi Zhiklè nkezla'a a sam mizlinè ta. Arsa va Kristi a grè a ma ma,

¹³ba nga tèlèba nga staƋ te ncè-a-ndav, te nshin kra Zhiklè; a nga ga a ndo nshfa'a, man skwi Kristi tèlèba n'nga'a jèlala'a a sam nenga'a.

¹⁴Te deɓa'a nga wudahi ka ɓai, a njè ma ambali tsaƌ tsaƌ, a shèwa ndohi man ta ngwèdè ndo, a maya ambaɓia'a man ta pe nga a wi a vna, a wutèma nga gèƌ azɓai.

¹⁵Ngogoƌokoy ma nzura'a te mwoy-ndo, ngogrokoya te skwi tèlèba a sam Kristi, nenga'a gèƌè'a.

¹⁶Nenga'a a gshè va tèlèba, a nfèfènva staƌ a nkèlè ma a nfèfènva ngiƌè, a dèrzlè gèƌ vatasl, a nfèfènva staƋ staƋ tèlèba ta tèkè a va, ara man ta slaha, a va a grè a ma ma, a Ƌizlè va na a ri na, te mwoy-ndo.

¹⁷Gar haha i gaƋa kinè, a i ngreda te Bai Yèsu, anai kin nza ara ndohi nte deɓa ɓai, man ta hér skwa ambalai.

¹⁸Maya ta te ruva, ta dra a sam Zhiklè, a gèƋ man ta sun skwa ɓai, ndav ta ngwora,

¹⁹ndav ta nsassaya, a ta vi va ta a mphömè, a ta gi skwi nlizhè'a tèlè a ntétékè kumba.

²⁰Aman nga senda kinè Kristi arsa ɓai,

²¹kin tsena te nenga'a tsaƋ, a kin slebau tsaƋ, ara ma Yèsu nzura'a a vava.

²²VasuƋda skwi nhala'a a hai, a maya nshèffè kinè nhala'a, man a gedas na a ri na, a ntétékè ncèkèlma.

²³Aman ara ndo mɓua'a te nhér gèƋ kinè,

²⁴vafeda skwi mɓua'a a va, man n'nga'a ara Zhiklè man a woya'a, a ndo nzura'a, amba, nkezla'a.

²⁵Gar haha vajèkeda ncèkèlma, vogoƌ ma nzura'a, staƌ staƌ a sam ko wa wa, te man nga tèlèba nfèfènvahai.

²⁶Aman kin gi ndav, mali da kala a pa ɓai, vagu aman pats da kala na gèƋ a ndzoan kinè ɓai.

²⁷Kin va na civèƋ a bi madzagi ɓai!

²⁸Ndo man a ngu metsar, da gu metsar te deɓa'a asaɓai, aman da gu mizlinè, da gu skwi man amba a ri na, aman a ngècè skwai, a va ta ndohi ntawassa'a.

²⁹Vagu aman ma ambaɓia'a da shkè auda te ma kinè ɓai, sèi ma mbela'a, man a gi aman kin grè a ma ma a vna. VogoƋ ma, aman a takaha ta ndohi man ta cinè'a.

³⁰Kin Ƌawarama na ndav Mèzhèɓ Zhiklè nkezla'a ɓai, aman nenga'a n'ndea te kinè, ba pats mpil gèƋ kinè.

³¹Kin gu ndav worwora ɓai, kin gu shèwa ɓai, kin gu ndzoan ɓai, kin ngur ndo ɓai, kin durƌo ndo ɓai!

³²Aman vagu skwi a ndav amba, nlèɓeslè, ngiƌè a ngiƋè, vapra mali ngiƋè a ngiƋè, lèmèlèmè ara Zhiklè a pra kinè malai te Kristi.