Read Mofa New Testament Philippians 3 Bible Online

Philippians 3 - Mofa New Testament bible

Philippians 3

¹A va'a, dalahimam ga, vawuffa te Bi Yèsu! I ngézhè azɓai, aman i windè kinè ma lèmèlèmè pèc pècèk, a kin da ngècè wuƋi a vna.

²Vagu maya a kdadihai, vagu maya a ndohi mizlinè ambaɓihia'a, vagu maya a ma n'ngél ngwon ncèkèlma.

³Aman nga ngots n'ngél ngwon nzura'a, nga man nga gi mizlinè Zhiklè te Mèzhèɓ nenga'a, a njégèr va nga a zhè, nenga'a Yèsu Kristi; nga fi gèƌ a ndo ara nyakaƌ na ka ɓai.

⁴I ba i slaha i fi gèƌ a va ga ara nyakaƌ ga, man i woya'a. Aman ndo ngiƌè a huro, a slaha a nfi gèƌ ara nyakaƌ na, iyè i slaha holhola'a:

⁵Ta ngelay ngwon te m'mèn matsamakaƌa'a; i ndo Israel, te gwoli Benjamin, ndo Hébreu te verzi Hébreu; te njèjèr ma kita Zhiklè i ndo pharisie;

⁶a géƌ srak i ndo mparaha mpi ndohi Zhiklè; a géƌ ngizura'a ara ma kita Zhiklè, i ndo man ma az a gèƌ na ɓai.

⁷Aman skwi man hala'a skwi mbia'a a sam di ga, i rka ara skwi man i kal ga a iyam, a géƌ Kristi.

⁸A vava, ko anai i rka tèlèba ara skwi man i kal ga a iyam, a gèƌ i shin Yèsu Kristi Bi ga a i rka ara zai, a i woya a i ngècè Kristi,

⁹a ta da ngatsyè te nenga'a. I ga a ndo nzura'a ga a géƌ man i fu gèƌ a ma kita Zhiklè ka ɓai; aman ngizura'a man a shkè te ncè Yèsu Kristi a ndav, ngizura'a man a shkè te Bi Zhiklè a géƌ ncè-a-ndav.

¹⁰I war a i shin wuƌi nslambaƌkaƌauda nenga'a, a nsi matakwan a nda nenga'a, a i lèmdè va ga a m'metsi nenga a,

¹¹aman i ngècè nslambaƌkaƌauda te ndev ndohi m'metsa'a, aman i slaha.

¹²Anai ara man i ngatsa di ɓai, a i ga njèlèlè'a di ɓai. Aman i hi a verzia'a, man i slaha a i gshè'a, te man Yèsu a ngsyè ma.

¹³Dalahimam ga, i rka va ga, ara man i ngatsa skwi haha di ɓai. Aman i gi skwi staƌ: Skwi nte deɓa a pcokoy a gèƋ, a i kokür va,

¹⁴a i hi a sam skwi man a zhè a ma, a sam n'ndikèma, a sam skwi ntulè, a sam man Zhiklè a baba nga a pa te Yèsu Kristi.

¹⁵Tèlèba te ndev kinè, man ta gra ma, sèi ngohurokoy arsa. Aman a sam ngiƋè kin hér skwi tsaƋ, a di Zhiklè a ngreda kinè.

¹⁶Te skwi man nga ngots ma, ngogsokoy va a vna!

¹⁷Vagu lèmèlèmè ara ga, dalahimam ga, vapu di a tenga'a man ta gi arsa! Valèmda va kinè a nga!

¹⁸Aman ta kumba ta ga a mayamhi wof ngézlèl Kristi. AgéƋ tenga'a i gaƌa kinè sak kumba ma; aman anai i gaƋa kinè a kuƋa a dai.

¹⁹Ndikèma tenga'a, sam ngéƌèsh ta. Zhiklè tenga'a, hwaƋ ta. N'njèl tenga'a, hori ta, ta hér skwi herkeda.

²⁰Aman nga ndohi kokwar Zhiklè te géƋè'a, te nenga'a nga zhèr ndo m'mbel ndo, Bi Yèsu Kristi,

²¹nenga'a man a di a ngwèdè va nga ambali haha, a va n'njèl na, te wuƋi nenga'a, man a slaha a feda skwi tèlèba a hwaƋ sak na.