Read Mofa New Testament 1 Thessalonians 2 Bible Online

1 Thessalonians 2 - Mofa New Testament bible

1 Thessalonians 2

¹Aman kin sun te gèƋ kinè, dalahimam nga, nga ngots civeƋ a sam kinè; ngo do ambali ka ɓai.

²Ko nga sau matakwan nshèlèkura'a, a ta keƋ nga te kokwar Philippes, ara man kin suna, nga ngots wuƋai a sam Zhiklè, a nga ga zlau ɓai, a nga nju ma mbela'a man a Zhiklè a sam kinè ba, a vazaza a va kumba.

³Nga nju ma Zhiklè a sam kinè, nga tsakalma ka ɓai, nga ngwoda kinè ka ɓai, nga pe kinè a wi ɓai.

⁴Aman ara ndohi man Zhiklè a jkede nga, man a mva nga ma mbela'a a rai, nga geƋè arsa: nga woy a nga gi ambaba ta ndohi genè ka ɓai, aman nga gi ambaba Zhiklè man a wèr ndav nga.

⁵Kin suna, nga shkè a mpètè skwi te ri kinè ka ɓai, pal ba. Nga shkè a ntètèkè suli ka ɓai, — Zhiklè a suna —

⁶Nga pu di a ndohi man ta slebarde nga ka ɓai, ko kinè, ko ndohi ngiƋè.

⁷Ar nga slaha nga fi va a gèƋ man nga ndohi sak Kristi; aman nga nza a sam kinè a maya, ara mam wudahai man a wèr di wudahi na.

⁸Gar haha nga fe kinè a ndohi nga, a nga woya aman nga njè kinè ma mbela'a man a Zhiklè genè ka ɓai, aman ko nshèffè nga nga via a gèƌ kinè, te man nga woy kinè kumba.

⁹Dalahimam nga, vahur mizlinè nga, a ntulè nga, ara man a pats a vaƌ nga gu mizlinè, a nga rzla kinè va a gèƌ ɓai, ko a ndo staƌ, a nga nju ma mbela'a man a Zhiklè a sam kinè.

¹⁰Kin suna, a Zhiklè ba a suna, ara man nga nza a sam kinè, ndohincè Yèsu a ndav; nkezla'a, zura'a, a nga ga mali a sam kinè ɓai.

¹¹A kin suna, nga gu a sam kinè staƌ staƌ tèlèba, ara bab man a bidè wudahi na.

¹²A nga fa kine ma a gèƌ, aman sèi kin nza a kin nzala Bi Zhiklè, man a baba kinè a sam kokwar-Bi nenga'a, a sam n'njèl nenga'a.

¹³Gar haha nga shid gèƋ a Zhiklè pèc pècèk, a géƋ man kin co ma Zhiklè, man nga njè kine, a kin ngotso a sam nga, ara ma ndohi ka ɓai, aman a vava ma Zhiklè, man a gi mizlinè te ndav kinè, man kin co a ndav.

¹⁴Gar haha kinè, dalahimam nga, lèmèlèmè ara mpi ndohi Zhiklè tsaƋ tsaƋ te kokwar Judée man ta zhè te Yèsu Kristi, a ta su matakwan te ri ndohi Juif, kin sau matakwan te ri gwoli kinè.

¹⁵Ndohi Juif ta keƋa Bai Yèsu, a ndohi nhadka ma, a ta paraha nga. Ta ambaba Zhiklè ɓai, mayamhi ndohi tèlèba.

¹⁶Ta gi mali a ma ma, ta va nga civèƋ azɓai, aman nga njè ta ma m'mbel ta a ndohi nte deɓa. Aman ndzoan Zhiklè, na gèƌ tenga'a ma.

¹⁷Aman nga, dalahimam nga, aman nga dra a sam kinè kètè, ko man nga rka kinè a di ɓai, aman te nhèr gèƌ nga nga zhè a nda kinè genè. Nga woy a nga rka kinè, mpataka kinè a keƌ nga kumba.

¹⁸Gar haha nga woy a nga dè a sam kinè, holhola'a iyè Paul a gi sak cèw. Aman SaƋan a ngedassa civèƌ nga.

¹⁹Skwi man nga zhèrè te ndav, mwuffè nga, mpèƌè gèƌ man a slebarde nga, wa? Kinè ba, a sam Bi Yèsu ka ɓi ƌè?

²⁰Kinè skwi nslèbèrdè nga, mwuffè nga.