Read Mofa New Testament 1 Thessalonians 3 Bible Online

1 Thessalonians 3 - Mofa New Testament bible

1 Thessalonians 3

¹Gar haha nga slaha nga dishè a ma ma asaɓai. Nga huro, nga da nzi a géƌ nga te kokwar Athènes mènè,

²a nga zlinda kinè Timothée, kramam nga, ndo mizlinè Zhikle te ma mbela'a man a Kristi, aman a va kinè wuƋai, a bid kinè te ncè-a-ndav kinè.

³Ko staƋ da ngeza ɓai te matakwan haha! Aman kin suna, sèi nga si matakwan ndèzl.

⁴Te va man nga zhè a sam kinè dai, nga gaƋa kinè: a di nga si matakwan. Te deɓa'a nga sau, kin suna.

⁵Gar haha i slaha a i ƌishè a ma ma asaɓai, a i zlindè a sam kinè, aman i cinè ma ncè-a-ndav kinè: ndo mpi ndo a wai a pe kinè a wi Ƌè, nga gu mizlinè ambali Ƌè?

⁶Aman antanta Timothée a mshkè a deɓa a sam kinè ma, a ngaƋa nga labar ma kinè man amba, te ncè-a-ndav kinè, te mwoy-ndo kinè, ara man kin hér nga pèc pècèk amba, a mpataka nga a keƋ kinè lèmèlèmè ara mpataka kinè a keƋ nga.

⁷A géƋ nasa, dalahimam nga, nga ngots skwi mbid nga te matakwan, te skwi ndzi nga. Ncè-a-ndav kinè a bid nga.

⁸Aman antanta nga wuffè za'a, te man kin zlatsa tara'a te Bai Yèsu.

⁹Nga slaha nga shid gèƋ a Zhiklè a géƋ kinè a mè, a géƋ mwuffè tèlèba man nga ngots a sam kinè, a sam di Zhiklè.

¹⁰Nga tsi rai a pats a vaƋ a vata, aman nga slaha nga rka kinè, a nga takaha kinè te skwi man kin ngatsa te ncè-a-ndav kinè di ɓai.

¹¹Aman Zhiklè, Bab nga, nenga'a a ri na, a Bi nga Yèsu, da wina nga civèƋ a sam kinè.

¹²Aman kinè, Bai Yèsu da gu aman kin grèa ma ma, a kin gi jèlèlè a ma ma te mwoy-ndo a ndav, ngiƋè a sam ngiƋè, lèmèlèmè ara nga a sam kinè.

¹³Da nzala ndav kinè, mali da nza a pa ɓai, nkezla'a a sam Zhiklè, Bab nga, a sam Bai Yèsu a ndohi nenga'a tèlèba.