Read Mofa New Testament 2 Thessalonians 2 Bible Online

2 Thessalonians 2 - Mofa New Testament bible

2 Thessalonians 2

¹A gèƋ mshkè Bi nga Yèsu Kristi, a gèƋ mɓicèva nga a nenga'a, nga tsa kinè rai, dalahimam nga:

²Skwi man ta gaƋa kinè, a ma, te Ƌèlèwèr, ara man nga zlinda kinè, a kin huro a kin gaƋa, pats Bi Yèsu a zhè ma, da dzakaɓama kinè gèƋ ɓai, kin gu zlau ɓai.

³Vagau, aman ko staƋda pe kinè awi ɓai, pal ba. Aman patsa'a a shkè di azɓai, sèi ndohi ta gi mèdègèƌ a sam Zhiklè holhola'a, a ndo malai mbia'a a ngredekaƌ na auda, nenga'a ndo ngedas ndo.

⁴Nenga'a mayam, man a fi va a géƌ skwi Zhiklè tèlèba, a gèƌ ntsi ri Zhiklè ba, a nzi a hai te gi Zhiklè, a da fi va na a Zhiklè.

⁵Mpca kinè a gèƌ ƌè, aman i gaƌa kinè ma'a, te va man i zhè a sam kinè dai?

⁶Antanta kin suna, skwi man a gedassa civèƋ nenga'a, a gèƋ mè man n'ngredkaƋauda di ɓai; a géƌ man pats nenga'a di ka ɓai.

⁷Skwi n'ngheda'a a sam skwi malai, a hinè mizlinè na ma, aman sèi ta ceda nenga'a man a gedassa civèƋè'a auda dai.

⁸Te deɓa'a tsam tsam ndo nderdè Zhiklè a da gudko va, a Bai Yèsu a di a keƌa'a a nshèffè man a shkè auda te ma na; ngedè va Yèsu a zeda langa.

⁹Aman ndo nderdè Zhiklè a di a slèmbèƌè a wuƌi SaƋan, a wuƌihi ncèkèlma tsaƌ tsaƌ,

¹⁰a skwi man zura ka ɓai a sam tengahi man ta ze ta, a géƌ man ta woy ma nzura'a a ndav ɓai, ta cè aman ta mbel ta azɓai.

¹¹Gar haha Zhiklè a zlinda ta skwi nzlakede ta, aman ta cè ncèkèlma a ndav.

¹²Aranta tengahi tèlèba man ta ca ma nzura ɓai, aman ta woy skwi man zura ɓai, ta ngècè kita ta.

¹³Aman sèi nga shid gèƋ a Zhiklè pèc pècèk a géƋ kinè, dalahimam nga, man Bi Zhiklè a woy kinè, man Zhiklè a mpar kinè te nhinkaƋ na, a kin ndikè a sam m'mbel ndo, a sam nkezla'a te Mèzhèɓ Zhiklè, te ncè ma nzura'a a ndav.

¹⁴Ma nzura'a man Zhiklè a baba kinè a pa, a géƋ ma mbela'a man nga njè kinè, a kin ngècè n'njèl Bi nga Yèsu Kristi.

¹⁵Gar haha vazlatsa tara'a, dalahimam nga, vogso njèma man nga njè kinè, ko a ma, ko te Ƌèlèwèr.

¹⁶Aman nenga'a, Bi nga Yèsu Kristi, a Zhiklè, Bab nga, man a woy nga a ndav na, a va nga skwi mbid nga man a nzi dai a mèdèp, a skwi man nga zhèrè te ndav,

¹⁷da büdo ndav kinè, da va kinè wuƋai te mizlinè, te ma kinè man amba tèlèba.