Read Mofa New Testament 2 Thessalonians 3 Bible Online

2 Thessalonians 3 - Mofa New Testament bible

2 Thessalonians 3

¹A va'a, dalahimam nga: Vatsu rai a gèƋ nga, aman ma Zhiklè a zlèzlèmè tsam tsam, a ndohi ta slèbèrdè'a, ara man a ga a sam kinè,

²a nga pra te ri ndohi man ambaɓai, a ndohi shèwa. Aman ncè-a-ndav ambaba ta ndohi tèlè ɓai.

³Aman Bi m'mbel nga, nenga'a nlèbèslè'a, a di a va kinè wuƌai, a ɓer kinè te skwi man ambaɓai.

⁴Aman nga fi gèƌ a kinè te Bai Yèsu, aman skwi man nga fa kinè a gèƌ, kin gia'a, a kin da gi a ma ma ba.

⁵Aman Bai Yèsu da ngwodkoƌi ndav kinè a sam mwoy-ndo Zhiklè, a sam nzhèr skwia dai te Kristi.

⁶Nga fa kinè ma a gèƋ, dalahimam nga, a nzlembaƋ Bi Yèsu Kristi, aman kin mende va a deɓa a sam kramam kinè staƋ staƋ tèlèba man ta jejèr civèƋ Zhiklè a falai, a njejèr njèma man kin ngotso a sam nga ka ɓai.

⁷Kin suna, ara man kin lèmdè va kinè a nga, a nga nza a sam kinè, nga ga fali ɓai.

⁸Nga nda skwi ndo ngiƌè ambali ɓai, aman nga gu mizlinè a ri nga a pats a vaƌ, a vazaza a va a nga rzla kinè va a gèƌ ɓai.

⁹Ar nga slaha nga gi arsa; aman nga woy a kin lèmdè va kinè a nga, a kin dzadzar nga.

¹⁰Aman nga nza a sam kinè dai, nga fa kinè ma a gèƌ: Ndo man a woya a ngi mizlinè ɓai, da ndu skwa ɓai.

¹¹Aman nga tsena'a, matrhia'a te ndev kinè ta gi falai, ta gi mizlinè azɓai, a ta kèlè a skwi ndohi ngiƌè, a ta gi a tenga'a azɓai.

¹²A sam tenga'a nga fa ta ma a gèƌ, a nga bid ta te Bi Yèsu Kristi, da gu mizline, da nza ɓislè'a, a ta ngèce skwi n'ndi a ri ta.

¹³Aman kinè, dalahimam nga, kin ngez ɓai te ngi skwi man amba!

¹⁴Aman ndo ngiƋè a fí gèƋ a ma te Ƌèlèwèr haha azɓai, kin humda va a nenga'a ɓai, hori da keƋa'a hovkomgwa'a.

¹⁵Aman kin rka'a ara ndo mayam ɓai, vangra na maya ara kramam kinè.

¹⁶Aman nenga'a, Bi gumai, da va kinè gumi a sam tèlèba, a maya na tsaƋ tsaƋ. Bi Zhiklè da zhè a nda kinè tèlèba!

¹⁷Mbali man i windo a ri ga, iyè Paul. Na haha sam ri ga man i geda a Ƌèlèwèrhi ga staƋ staƋ tèlèba. Aranta i windè'a.

¹⁸Pombai Bi Yèsu Kristi da zhè a nda kinè tèlèba!