Read Mofa New Testament 1 Timothy 1 Bible Online

1 Timothy 1 - Mofa New Testament bible

1 Timothy 1

¹Paul, ndo sak Kristi Yèsu, ara man Zhiklè, ndo m'mbel nga, a woya'a, Bi Yèsu Kristi, man nga zhèrè te ndav,

²a sam Timothée, kra ga nzura'a te ncè-a-ndav: pombai, nsi ndo te va, gumai te Zhiklè Bab nga, te Yèsu Kristi Bi nga!

³A pats man i kala Macédoine, i fa ka ma a gèƋ, aman ka nzi te kokwar Ephèse, a ka gaƋa ta ndohi ngiƋè tsaƋ tsaƋ, aman ta njè ma ngiƋè azɓai,

⁴a ta hér ma tsaval ngiƋè azɓai, a ma te verzi babab ta man a ngeslè azɓai. A géƋ nenga'a ndohi ta gi gèjau, a mizlinè Zhiklè te ncè-a-ndav a dè a ma ma azɓai.

⁵Ndikèma ma nkwèr Zhiklè: mwoy-ndo a ndav, man a shkè te ndav mpana, mèzhèɓ ndav man amba, ncè-a-ndav mberzlalaha'a genè ka ɓai.

⁶Ndohi ngiƌè ta mende va ta a deɓa te skwi haha, ta zi ta a tsaval ma ambalai.

⁷Ta woy a ta gi ara ndohi njèngè ma kita, aman ta sun skwi man ta gèƌè ɓai, ta sun verzia ɓai.

⁸Nga suna, ma kita amba a vata, a sam ndo man a gi ara man ma kita Zhiklè a gaƌa.

⁹Aman nga suna, ta va ma kita Zhiklè ɓai a géƌ ndohi nzura'a, aman a géƌ ndohi ambaɓihia'a, a ndohi man ta tsena gèƌ ɓai, ndohi man ta woy ma Zhiklè ɓai, ndohi malihai, ndohi man ta woy Zhiklè ɓai, ndohi man ta dérƌè Zhiklè, ndohi man ta fì gèƌ a mam ta a bab ta azɓai, ndohi nkeƌ ndo, ndohi man ta gi ngwoz a dala, ndohi ngi mphömè ngura'a a ngura'a,

¹⁰ndohi ngi metsar ndo, ndohi ncèkèlma, ndohi m'mbèƌè a ncèkèlma, a skwi ngiƌè tsaƌ tsaƌ, man njèma nzura ka ɓai,

¹¹ara ma mbela'a te n'njèl Zhiklè, Zhiklè mwuífè, ma mbela'a man Zhiklè a mvay a rai.

¹²l shid gèƋ a Kristi Yèsu, Bi nga, nenga'a man a mvay wuƋai, te man a rkayè, i lèɓèslè'a, aman a vay mizlinè nenga'a.

¹³Iyè man hala'a i ndo ndèrƌè'a, i ndo njèrè'a, i ndo medègèƋ. Aman i su Yèsu te va, te man skwi man i gau, i sun ɓai, a i ca Yèsu a ndav di ɓai.

¹⁴Aman pombi Bi nga a zhè mbia holhola'a a sam ga, a ncè-a-ndav, a mwoy-ndo a ndav, man a zhè te Yèsu Kristi.

¹⁵Nasa ma nzura'a, amba aman nga cè'a: Yèsu Kristi a mshkè a herkeda, aman a mbel ta ndohi malihai man i tsuvom tenga'a.

¹⁶Aman i su Zhiklè te va, a géƋ man a ngrédè auda te va ga, ara man Yèsu Kristi a zhèr ndo dai, a i gi a ndo malwuƋai a sam tengahi ngiƋè man ta da cè Yèsu a ndav, a ta ngècè nshèffè a mèdèp.

¹⁷A sam Bi Yèsu man a zhè a mvi a mvai, man a ndivè azɓai, man nga rka a di ɓai, Zhiklè, man maya na zhè staƋgenè, nslébèrdè a n'njèlè pèc pècèk a mèdèp! Amen!

¹⁸Ma haha i va ka a rai, Timothée, kra ga, ara man ta hodko hala'a a géƌ ngaya, a ka gi var man amba;

¹⁹ɓür ncè-a-ndav, ɓür mèzhèɓ ndav man amba! Skwi haha ndohi ngiƋè ta kwola'a, a ncè-a-ndav tenga'a ngedas na.

²⁰Te va tenga'a Hyménée a Alexandre, man i pe ta a ri a SaƋan, a ta ngècè maya, aman ta dèrƌé Zhiklè azɓai.