Read Mofa New Testament 2 Timothy 3 Bible Online

2 Timothy 3 - Mofa New Testament bible

2 Timothy 3

¹Aman sèi sun skwi haha: a pats man ndul ndul ndikèma skwi tèlèba, pats mwuƋitpa holhola'a.

²Ndohi ta hér va ta genè, ta woy suli genè, ta jégèr va, ta fi va, ta derƋe ndo, ta fi gèƋ a ma bab ta a mam ta azɓai, a ta shid gèƋ te skwa azɓai, ta woy skwi Zhiklè ɓai;

³ndo a se ta te va azɓai, ta tsi gumi azɓai, ndohi ngre ndo, ta gi wuƋai, ta gi shèwa, ta woy skwi mbela'a ɓai;

⁴ta ti ƌaf a gèƌ a ndo, ta wosla na va a skwi a ri ta, ta grè gèƌ, ta woy skwi herkeda a fena Zhiklè.

⁵Ta fi va ta a ndohi Zhiklè, aman ta sun wuƌi Zhiklè ɓai. Menda va ngaya a deɓa a sam ndohi sa!

⁶Te ndev tenga'a ndohi man ta wuckaƌa va'a a metsar, a ta pe ta ngwozi man wuƌi ta azɓai, a wai, ngwozi man mali kumba a gèƌ ta, a ntétékè tsaƌ tsaƌ a ga ta,

⁷man ta shindè skwi pèc pècèk, aman ta ndikè a sam man ta shin ma nzura'a azɓi fèt.

⁸Lèmèlèmè ara Jannès a Jambrès, ta sala na va a gèƌ a Moise, tenga'a ba ta sala na va a gèƌ a ma nzura'a. Ndohi man gèƌ ta ndzakaɓa, ncè-a-ndav ta azɓai.

⁹Aman ta slaha ta gi arsa a ma ma azɓai. Nrzlè tenga'a a di a ngredè auda a sam di ndo tèlè, lèmèlèmè ara man a gu a sam tenga'a cèw haha, nda Jannès a Jambrès.

¹⁰Aman ka, ka dzodzor njèma ga, maya nshèffè ga, skwi man i huro, ncè-a-ndav ga, nzhèr skwi man i zhèrè'a a dai, mwoy-ndo a ndav ga, nzhèrè te ndav ga,

¹¹te va man ta parahayè, a ta gay matakwan te Antioche, te Icone, te Lystre. Te pa ta parahayè kumba. Te skwi tèlèba Bi Zhiklè a mɓeryè.

¹²Ndohi tèlè man ta woy a ta nzi a nshèffè a zlau Zhiklè te Yèsu Kristi, ta da ga ta matakwan.

¹³Aman ndohi ambaɓihia'a a ndohi ncèkèlma ta gi ambaɓi holhola'a a ma ma Ta pi ndohi a wai, a ndohi ngiƌè ta pe ta tenga'a a wai.

¹⁴Aman ka, sèi nza te skwi man ka jongo, a ka sun te ndav ngaya a vava, te man ka sun ndohi man ta senda ka.

¹⁵Ka sun Ƌelèwèr Zhiklè daga man ka kra, a nenga'a a slaha a nslebda ka, a de ka a sam m'mbel ndo te ncè Yèsu Kristi a ndav.

¹⁶Aman ma Ƌèlèwèr Zhiklè tèlèba, Mèzhèɓ Zhiklè a mvau, amba man a senda nga, a ngreda nga malai, a ngatsa nga maya, a nje nga te ngizura'a,

¹⁷a géƌ man ndo Zhiklè a gi njèlèle'a, ntila a mizlinè man amba tèlèba.