Read Mofa New Testament 2 Timothy 4 Bible Online

2 Timothy 4 - Mofa New Testament bible

2 Timothy 4

¹Gar haha i bid ka, a vata ba, a sam di Zhiklè a Yèsu Kristi, man a di a shkè, a gi kita ndohi a nshèffè a ndohi m'metsa'a, aman nda gudko va te kokwar-Bi nenga'a:

²Nju ma Zhiklè, gu malwuƋi nenga'a, ko a sam man amba, ko a sam man ambaɓai: ngatsa na maya a ndo, guv ta, bid ta, a nzhèr skwia dai, a mizlinè n'njè ma.

³Aman pats a di a shkè, man n'njè ma man nzlerƌak a te pa ɓai, ambaba ta ndohi ɓai. Aman ta jèjèr skwi man ambaba ta tenga'a, a ta ngècè ndohi njèngè ma tenga'a, man ma tenga'a a pa ta kocè kocè.

⁴Ta da pizlè zlembaƋ a sam ma nzura`a, a ta menda va ta a deɓa a ta woy tsaval ambalai.

⁵Aman ka, sèi hur skwi nzura'a, te skwi tèlèba, zuɓ matakwan a ndav amba, gu mizlinè n'njè ma mbela'a, rufa mizlinè ngaya man Zhiklè a baba ka a pa, te nlèɓèslè.

⁶lyè, i ara skwi man ta va na Zhiklè ma, pats m'metsi ga kalka ma.

⁷I gu var man amba, i ndeva nhi ga, i ɓür ncè-a-ndav;

⁸anai skwi mpèƋè gèƋ ngizura'a ntila t'hi a géƋ ga, nenga'a man Bai Yèsu, man agi kita zura'a a da vayè a pats nasa, a ga genè ka ɓai, aman a ndohi tèlèba, man ta woya'a, a pats man a da gudko va a dai.

⁹Vaska va a sam ga!

¹⁰A gèƋ man Dèmas a njèkyè ma, te man a woy skwi herkeda, a mdo a kokwar Thessalonique. Crescens a mdo a kokwar Galates, Tite a kokwar Dalmatie.

¹¹Sèi Luc staƋgenè man a zhè a sam ga. Foko Marc a verzai, aman ka da shkè asam ga; aman nenga'a a takahayè te mizlinè ga.

¹²Tychique i zlinda a kokwar Ephèse.

¹³Suƌkova, man i jèkeda a sam Carpus, a kokwar Troas, ckoƌa rai, aman ka da shkè. Hulko ƌèlèwèrhai, holhola'a ƌèlèwèr hutèƌ!

¹⁴Alexandre, ngwozla, a ngay skwi man ambaɓi kumba. Bai Yèsu a da pela na araskwi man agau.

¹⁵Ka ba, gu maya a sam nenga'a; aman nenga'a a sala va kumba a sam ma nga.

¹⁶A sam kita ga nshèlèkura'a, ko ndo staƌ a ntakahayè ɓai. Ta jèkyè tèlèba. I fa ta mali a gèƋ azɓai.

¹⁷Aman Bai Yèsu a ntakahayè, a mvay wuƋai, aman i slaha a i njè ma kumba, a ndohi nte deɓa tèlèba ta tsena'a. Gar haha i mbelkaƋauda te ma marizhèlè.

¹⁸Aman Bai Yèsu a da ɓeryè te skwi ambaɓia'a tèlèba, a da mbelyè, a diyè a kokwar Bi nenga'a te zhiklè. A sam nenga'a n'njèlè te nhinkaƌ na a mèdèp! Amen!

¹⁹Ga na mbalai a Prisca a Aquilas, a ndohi gi Onèsiphore!

²⁰Eraste nte Corinthe. Trophime i jèkeda a Milet, mbelakaɓai.

²¹Sèi ka gi maya, aman ka shkè, ga via. Eubulus, Pudens, Linus, ClauƋia a kramamhi tèlèba ta ga ka mbalai.

²²Bi Zhiklè da zhè a nda mèzhèɓ ngaya! Pombi da zhè a nda kinè tèlèba!