Read Mofa New Testament Hebrews 11 Bible Online

Hebrews 11 - Mofa New Testament bible

Hebrews 11

¹Aman ncè-a-ndav, nenga'a man nga suna, nga ngècè skwi man nga zhèrè te ndav, skwi man nga rka a di ɓai, aman nga sun te ndav nga, na zhè a vava.

²A géƌ ncè-a-ndav arsa, ndohi hala'a ta ngots skwi man Zhiklè a ngreda ta.

³A géƋ ncè-a-ndav nga suna, ma Zhiklè a ngu herkeda, a skwi man nga rka'a, n'nga'a te skwi man nga rka a di ɓai.

⁴A géƋ ncè-a-ndav, Abel a nzla na skwi man ambaba Zhiklè holhola'a, a fena Cain. A géƋ ncè-a-ndav nenga'a, Zhiklè a n'ngreda auda ara ndo nzura'a, a nco skwi man a va na; a Abel, ko m'metsa ma, a gèƋè.

⁵A géƋ ncè-a-ndav, Zhiklè a nco Enoch, m'metsahi ɓai, a ta ngatsa a géƌ herkeda ɓai, aman Zhiklè a mco. Ga Zhiklè a ncè'a, a n'ngra na, ka ambabayè.

⁶Aman ndo man a nca a ndav ɓai, ambaba Zhiklè ɓai. Ko wawa man a herda na va a Zhiklè, sèi do co a ndav na, Zhiklè a zhè, a va ta skwi ntul ta a tengahia'a man ta hèshè'a.

⁷A géƋ ncè-a-ndav na, Noé a ngu zlau Zhiklè, a ngu wurom, man a mbela gi nenga'a, aman a ntsena ma Zhiklè, a géƋ skwi man n'nga di ɓai. Ncè-a-ndav nenga'a a nfa na mali a gèƋ a herkeda; aman nenga'a a ngots ngizura'a, man nga ngècè'a, a géƋ man nga co Zhiklè a ndav nga.

⁸A géƋ ncè-a-ndav na, Abraham a ndzodzor ma Zhiklè, aman a baba na, a ndo a sam man Zhiklè a gaƋa na do a pa, aman a da ngècè'a a nda ndohi n'ndi gi nenga'a. A nenga'a a mdo, ko a sun sam man a dè a pa ɓai.

⁹A géƋ ncè-a-ndav na, a n'nza te kokwar man Zhiklè a ngaƋa a woya a mva na, ara mbrok, a n'nza a gèjèkdakhai, ara Isaac a Jacob, ndohi n'ndi mpèsl ri Zhiklè ara nenga'a.

¹⁰Aman nenga'a a zhor kokwar, man verzi na tara'a, man Zhiklè a ngau, a nƌüzlo.

¹¹A géƌ ncè-a-ndav na, Sara a n'ngots wuƋai man a ngècè kra, ko nhala ma, te man a gaƋa: nenga'a man a mpaslay rai, nlèɓèslèa.

¹²Gar haha te ndo staƋ man zhuwa'a a ma vèvèƋ ma, wudahi kumba ta shkè auda, ara bantihi te giƋfèk, a wyak a ma woyam mbia'a, man a ngrè azɓai.

¹³Ndohi haha tèlèba ta bazl ta te ncè-a-ndav tenga'a, a ta ngatsa skwi mpèsl a ri ɓai, aman ta rka dra genè. Ta ga na mbali dra, a ta suna a vava, ta mbrokihai, ta ndohi nshèwèlè a géƋ herkeda genè.

¹⁴Ndohi man ta gèƋè arsa, ta ngredè'a, ara man ta woy kokwar-Bi ngiƋè.

¹⁵Aman a matsa ta woya'a, ar ta slaha ta ngècè civèƋ a ta minè a deɓa a kokwar man ta shkè auda te paƋai.

¹⁶Aman anai ta woy kokwar man amba holhola'a te zhiklè te géƌè'a. Gar haha Zhiklè a gi hori azɓai, man a gi a Zhiklè ta. A ntila ta kokwar mbela'a ma.

¹⁷A géƋ ncè-a-ndav nenga'a, Abra ham a mvau Isaac a pats marv Zmklè a njkeda, a mvau kra nenga'a, kra nenga'a staƋgenè, ko a n'ngots ma mpèsl ri a géƋ nenga'a ma.

¹⁸Te nenga'a Zhiklè a ngaƋa na: Skwi man a shkè te Isaac, ta da baba na gerzi ngaya.

¹⁹A nhuro, Zhiklè a slaha a nslambaƋdekaƋ ta ndohi m'metsa'a ba. A géƋ nenga'a ara man a ngots a deɓa te m'metsai.

²⁰A géƋ ncè-a-ndav nenga'a, Isaac a mpshè ta ma a nda Jacob a Esau, a ngoƋ a géƋ skwi man a di a shkè.

²¹A géƋ ncè-a-ndav nenga'a, Jacob a mpshè ta ma wudahi Joseph cèw, ga a metsi na, a ntsu ri a Zhiklè, a ntho gèƋ a gaƋa.

²²A géƋ ncè-a-ndav nenga'a, Joseph a ngaƋa ta wudahi Israel, ga a metsi na, a géƋ man ta da jèkeda kokwar Egypte, a ngaƌa ta aman ta da hil vatasl nenga'a a rai.

²³A géƋ ncè-a-ndav tenga'a, mam a bab Moise ta ngheda kra, man ta yau, ki makar, aman ta rka kra man amba, a ta ga zlau ma bi ɓai.

²⁴A géƋ ncè-a-ndav nenga'a, man Moise ngra ma, a woya a ndi a kra bai, kra dem Pharaon, ɓai;

²⁵a nhur dara nga da nzi a matakwan a nda ndohi Zhiklè, a géƌ man i wèl va kètè t'hwaƌ malai a géƌ herkeda.

²⁶A nrka skwi ndzi a géƌ Kristi ara skwi mbia'a, a fena skwi mèshèlè te kokwar Egypte tèlèba, te man a mpu di a skwi ntulè man a ma, man a da ngècè te deɓa'a.

²⁷A géƌ ncéandav nenga'a, a njèkeda kokwar Egypte, a n'nga zlau ndzoan bi ɓai, aman a n'nza tara'a, ara man a rka nenga'a man a rke a di azɓai.

²⁸A géƌ ncè-a-ndav nenga'a a ngu ngolala Pâque, a nguceda pombaz, aman gol Zhiklè, man a bèzlè ndo, a slaha a mbazl ta tsuvomhi Israel ɓai.

²⁹A géƋ ncè-a-ndav nenga'a ta beza a ndev woyam mbia'a nduzoa, ara man ta beza a sam man iyam az a pa ɓai. Ndohi Egypte ta woya a ta jkedè arsa, a iyam a nzede ta.

³⁰A géƋ ncè-a-ndav, zlazlar Jéricho a m'mbeƋ ria hai, aman ta tèuda pa m'mèn tsaraƋ.

³¹A géƋ ncè-a-ndav ta keƋa Rabab, fali ngwoz, a nda ndohi ncè a ndav ɓi ɓai, te man a mpe ta ndohi nzeɓi kokwar a gai a gumai.

³²A i da njè kinè a va za mè? Ri azɓai man i njè ma Géƌéon, ma Barak, ma Samson, ma Jephthé, ma David, ma Samuel, ma ndohi nhadka ma.

³³A géƌ ncè-a-ndav tenga'a ta duma kokwar-Bi ngiƌè, ta gau zura'a, a ta ngots skwi man mpasla ta rai, ta pizlèma na ma a marzihèlè,

³⁴ta mbatsa wuƋi vogwa, ta mbel ta te ri kafahi gwèsh, ta ngots wuƋai, man nshèlèkura'a wuƋi ta azɓai, ta ngots wuƋai a sam var, ta gu aman ndohi var mayamhai ta mindè va ta a deɓa.

³⁵Ngwozihai ta ngots ndohi tenga'a, man ta bazl ta, a deɓa, man ta slambaƌkaƌauda te m'metsai. Aman tengahi ngiƌé ta su matakwan m'metsai; aman ta woy a ta pre ta, ta kwola'a, a géƌ man ta ngècè nslambaƌkaƌauda man a fena'a.

³⁶Tengahia ngiƌè tsaƌ tsaƌ ta pe ta a wai, ta ngwossaha ta, ta ndah ta a mènèwèƌ, ta dzaw ta, ta de ta a gi dangai.

³⁷Ta kal ta a kwa, ta dasl ta ndèslè, ta tez ta a gwèsh, ta kal ta a tsakwal, ta sawala a bkwi tambak a bkwi ɓok a va, mi a bazl ta, matakwan a skwi mwuƌitpa a ga ta,

³⁸ara man ndohi herkeda ta slaha ta sia arsa ɓai. Ta ndima te ndev hèshèkèƌ, te za, te slrats, te vèvèƌ herkeda.

³⁹Tenga'a tèlèba, ko ta ngreda ncè-a-ndav ta auda, ta ngatsa skwi man mpasla ta ri a pa di ɓai.

⁴⁰Zhiklè a nhur skwi mbela'a holhola'a a géƌ nga; aman nga da gi a njèìèlè'a a nda tenga'a.