Read Mofa New Testament Hebrews 7 Bible Online

Hebrews 7 - Mofa New Testament bible

Hebrews 7

¹Melchisédek haha, nenga'a bi Salem, ndo mvi skwi a Zhiklè, Bi Zhiklè a géƋ bi tèlè. Aman Abraham a mshkè a deɓa a ngwai te ngi var a nda bihai, a mdo aman ta zli gèƋ a vna, a mpshè na ma.

²A Abraham a mva na skwi staƋ te va kula, te skwi tèlèba. NzlembaƋ nenga'a nshèlèkura'a: Bi ngizura'a. Te deɓa'a: Bi Salem, ara ngèƋè: Bi gumai.

³Bab na azɓai, man na azɓai, verzi na azɓai, nhinkaƋ patshi na azɓai, n'ndikèma nshèffè na azɓai. Gar haha a gi lèmèlèmè ara kra Zhiklè: a nzi a ndo mvi skwi a Zhiklè a mèdèp.

⁴Vapu di a mbi nenga'a, a géƋ man Abraham, babab mbia'a, a mva na skwi staƋ te va kula, te skwi man a dumkoƋi tèlèba.

⁵Ma kita Zhiklè a gaƋa: wudahi Lévi, man ta ngots mizlinè mvi skwi a Zhiklè, ta cè skwi staƋ te va kula, te ri ndohai, man gwoli ta; ko tenga'a ba ta shkè te verzi Abraham.

⁶Aman nenga'a, man te verzi Lévi ka ɓai, a mco skwi staƋ te va kula te ri Abraham, a mpshè na ma, nenga'a man a ngots mahi mpèsl rai.

⁷Anai ndèvèƋ ma azɓai: ndo mbia'a a pshè na ma a ndo nkèshèa.

⁸A haha ndohi man a di ta metsi ta, ta cè skwi staƋ te va kula. Aman asam ngiƋè, nenga'a man a nzi a nshèffè, ara man Ƌèlèwèr Zhiklè a gaƋa.

⁹Nga slaha nga gaƋa, te Abraham ko Lévi, man a nco skwi staƋ te va kula a ri na, a mvau skwi staƋ te va kula.

¹⁰A pats man Melchisédek a mdo, aman ta zli gèƋ a vna, Lévi a msnkè auda te verzi Abraham di ɓai.

¹¹Aman agassa mizlinè mvi skwi a Zhiklè te Lévi n'nga'a jèlèlè'a maa sam nenga'a ndohi ta ngots ma kita Zhiklè ar ta fèda ndo mvi skwi a Zhiklè ngiƋè ara Melchisédek èhèmè? Ara Aaron azɓi èhèmè?

¹²Aman ta ngwèdè mizlinè mvi skwi a Zhiklè, sèi ta ngwèdè ma kita Zhiklè ba.

¹³Nenga'a man ta gèƋè ma haha a géƋ nenga'a, nte verzi ndo ngiƋè. Te va tenga'a ko ndo staƋ a n'nga mizlinè mvi skwi a Zhiklè ɓai.

¹⁴A vava, Bi nga a mshkè auda te verzi Juda, verzi man Moise a ngaƋa ta a géƋ mizlinè mvi skwi a Zhiklè ɓai.

¹⁵A skwi haha a ngreda auda amba holhola'a, aman ndo mvi skwi a Zhiklè ara Melchisédek a mshkè.

¹⁶Aman a gu a ndo mvi skwi a Zhiklè a géƌ ndo, a ma kita Zhiklè ka ɓai, aman a géƌ wuƋi nshèffè man a ndivè azɓai a mèdèp.

¹⁷Ma malwuƋi a haha: Ka ndo mvi skwi a Zhiklè a mèdèp, ara Melchisédek.

¹⁸Aranta ma nkwèr zlèzlèa klèng, te man wuƋi na azɓai, a ntakaha ndo ɓai.

¹⁹Ma kita a slaha a ntil skwi jèlèlè'a azɓai; a ta cko skwi man nga zhèrè te ndav, amba holhola'a, te nenga'a nga herda na va a Zhiklè.

²⁰A ngau a m'mbèƋè. Tengahi ngiƋè ta ga'a a ndo mvi skwi a Zhiklè te m'mbèƋè ka ɓai;

²¹aman ndo haha a m'mbèƋè nenga'a, man a gaƋa: Bi Zhiklè a goƋ a mbèƋè, a mindè a deɓa azɓai: Ka ndo mvi skwi a Zhiklè a mèdèp.

²²Gar haha Yèsu n'nga'a a skwi mvi ahai, agéƋ nderzlèma man amba holhola'a.

²³Tengahi ngiƋè kumba man ta ge ta a ndohi mvi skwi a Zhiklè. Aman a géƋ m'metsai ta nza ɓai.

²⁴Aman ndo haha, a géƋ man a nzi a mèdèp, a n'ngots mizlinè mvi skwi a Zhiklè, man a ndivè azɓai.

²⁵Gar haha a slaha a m'mbel ta tenga'a man ta shkè a sam Zhiklè a nzlembaƋ nenga'a, a mèdèp, te man nenga'a a nzi a nshèffè a mèdèp, aman a tsi ri a géƋ tenga'a.

²⁶A vava, sèi bi ndohi mvi skwi a Zhiklè aranta ambaba nga: ndo man a gi skwi ambaba Zhiklè, malai, a derƌa, az a sam na ɓai, va nkezla a sam ndohi malihai, a ta da'a a géƋè'a, a zhiklè.

²⁷Nenga'a ara bihi ndohi mvi skwi a Zhikle ngiƋè ka ɓai; nenga'a a zli skwi a Znikle a nciƋ sam a nciƋ sam a géƋ malihi na nshèlèkura'a azɓai, ga ta gia'a a géƋ mali ndohi ngiƋè. Skwi haha a ngau sak staƋ, man a vau nshèffè na a ri na, te deɓa'a klèng.

²⁸Ndohi man ma kita Zhiklè a pe ta a bihi ndohi mvi skwi a Zhiklè, wuƋi ta azɓai. Aman ma m'mbèƋè haha, man a shkè te deɓ ma kita Zhiklè, a mfeda kra Zhiklè a pa, man a zhè jèlèlè'a a mèdèp.