Read Mofa New Testament 1 Peter 1 Bible Online

1 Peter 1 - Mofa New Testament bible

1 Peter 1

¹Pierre, ndo sak Yèsu Kristi, a sam ndohi Zhiklè man ta ksar ta a kokwar Ponte, Galatie, Cappadoce, Asie, Bithynie,

²man Zhiklè, Bab nga, a mpar ta ara man a hur hala'a te Mèzhèɓ nenga'a, a ta, pi ndav a nenga'a, ta pana a pombaz Yèsu Kristi. Zhiklè da va kinè pombai a gumi kumba!

³Susai a Zhiklè, Bab Bi nga Yèsu Kristi, man nga su te va, man a yeka nga macecèwa'a a nshèffè te nslambaƋkaƋ Yèsu Kristi auda te ndev ndohi m'metsa'a; te nzhèrè te ndav,

⁴a skwi man nga ngècè te ri Zhiklè man a gedèshè azɓai, a lizhè azɓai, a zi azɓai, ta ɓera kinè te zhiklè te géƌè'a,

⁵a kinè man a géƌ ncè-a-ndav, wuƌi Zhiklè a ɓer kinè a sam m'mbel ndo, man ntila, man a di a gudko va a dai a pats ndikèma skwai.

⁶Mwuffè kinè a zhè a géƋ nenga'a, ko man antanta kin kuƋai a géƋ skwi tsaƋ tsaƋ man a pe kinè a wai.

⁷Ndo a wèsl guro, man a di a ndiv na; man a shkè auda, man ta jkeda ma. Aman ncè-a-ndav kinè m'mbi holhola'a, a fena guro, sei ta jkedè'a aranta, a ndi a nshid gèƌ, a nslébèrdè n'njèl Yèsu Kristi a pats man a gudko va a dai.

⁸Ko man kin rka nenga'a di ɓai, aman kin woya'a a ndav kinè genè. Antanta kin co a ndav, ko kin rka'a a di di ɓai, a kin wuffè a mwuffè mbia'a, a n'njèlè te pa,

⁹a kin ngots ndikèma ncè-a-ndav kinè, nenga'a skwi m'mbel nshèffè kinè.

¹⁰Ndohi nhadka ma, man ta hodko kinè pombi Zhiklè, man Zhiklè a fèdahi a géƋ kinè, ta woy skwi m'mbel ndo haha mwoy mwoyè, ta woy man a ta erka'a.

¹¹Ta woy nshin patsa'a, man Mèzhèɓ Kristi a ngreda ta te ndav ta, a nhodko ta skwi ndzi man a di a dza na Kristi, a n'njèl nenga'a te deɓa.

¹²A Zhiklè a n'ngreda ta, ara man ma haha ma tenga'a ka ɓai, aman ma kinè. Antanta ndohi njè ma Zhiklè kinè ta njè kinè te Mèzhèɓ Zhiklè nkezla'a, man Zhiklè a zlündkoƌi te zhiklè te géƌè'a. Ko golahi Zhiklè ta woy nshinè'a.

¹³Gar haha vadzawa va te nhér gèƋ kinè, vanza a maya, vaciƋe dai, vagso va a pombi man kin zhèrè te ndav, a wuƋi tèlè; pombi man kin ngècè'a, a pats man Yèsu Kristi a da shkè.

¹⁴Skwi haha vagu ara wudahi man ta fi gèƋ a ma Zhiklè, kin 'utüke skwi nhala'a ɓai, ara man kin gau, te va man kin sun maya di ɓai.

¹⁵Aman ara man nenga'a man a baba kinè, nkezla'a, kinè ba a woy kin kezla te maya nshèffè kinè tèlèba.

¹⁶Aman ƌèlèwèr Zhiklè a gaƌa: Sèi kin kezla ndav kinè, te man iyè, i kezla.

¹⁷Aman kin baba na nenga'a, man a pèr ndo a mpèrè a sam kita azɓai: Ɓab nga', vanza a maya te nshèffè kinè a zlau, man kin t'herkeda dai.

¹⁸Kin suna, skwi man a sumka kinè a deɓa te maya nshèffè bababhi kinè nhala'a, man skwi ambalai: ara verzhègènè a guro man a di a géƌèsh na ka ɓai;

¹⁹aman pombaz Kristi nzala'a, nara kra tambak man mohtsomb skwi ka ɓai,

²⁰Zhiklè a n'ngatseda nenga'a a hai, ga herkeda a gai, nenga'a man a ngudkoƌauda toktok haha a géƌ kinè.

²¹Te nenga'a kin co Zhiklè a ndav, man a slambaƌda te ndev ndohi m'metsa'a, a mva na n'njèlè, aman kin slaha a kin cè Yèsu a ndav, a kin zhèr Zhiklè te ndav.

²²A géƋ man ndav kinè mpana, vafu gèƋ a ma nzura'a, vawoy kramam kinè te Kristi! Vawoy va kinè, ngiƋè a ngiƋè, pèc pècèk a ndav tèlè!

²³Kinè ndohi man ta yaka kinè macecèwa'a, te tser skwi nhusla'a ka ɓai, aman te tser skwi man a huslè azɓai, nenga'a ma nshèffè Zhiklè, man a nzi dai a mèdèp.

²⁴Aman ndohi tèlèba nara kuza, n'njèl tenga'a tèlè ta ara mwurzhè wof. Kuza a di a gwèr na, a nwurzhè a di a wush na.

²⁵Aman ma Bi Zhiklè a nzi a mèdèp. Nenga'a ma mbela'a man ta nja kinè.