Read Mofa New Testament 1 Peter 5 Bible Online

1 Peter 5 - Mofa New Testament bible

1 Peter 5

¹I bid ta ndohi mɓer ndohi Zhiklè te ndev kinè, iyè ndo mɓer ndohi Zhiklè a nda tenga'a ba, ndo malwuƋi matakwan Kristi, ndo man i ngècè skwi n'njèlè man a da gudko va a dai.

²Vawar rèwè ndohi Zhiklè man ta va kinè a rai, ara Zhiklè man a woya'a, a ndav amba, te man ta fa kinè a gèƋ ka ɓai, a géƋ suli ka ɓai, aman a géƋ man kin woya a ndav kinè;

³a ngi bi a géƋ ndohi Zhiklè kinè ka ɓai, aman vanza ara ndohai, man rèwè ndohi Zhiklè ta slaha a ta lèmdè va a kinè.

⁴Gar haha a pats man ndo mɓer skwi mbia'a a da gudko va a dai, kin ngècè skwi mpèƋè gèƋ n'njèlè man a géƌèshè azɓai.

⁵Lèmèlèmè kinè golahai, vamanda gèƋ a hai a sam babgihai. A vava, kin tèlèba, vamanda gèƋ a hai a sam tèlèba! Aman Zhiklè a sassaya ndav a sam ndohi nfí va, a va ta pombai a ndohi m'manda gèƋ ta a hai.

⁶Anai vamanda gèƋ kinè a hai t'hwaƋ ri wuƋi Zhiklè, aman a pats ngiƋè a da slambaƋda kinè gèƋ.

⁷Nhér gèƋ zlau kin tèlèba, vakalda a géƋ nenga'a; aman nenga'a a wèr di kinè.

⁸VaciƋe dai, vanza a dai aman madzagai, ndo mayam kinè, a tèuda kinè a pa ara marizhèlè man a kuƋkaƋarai, a rka ndo man a slaha a ndia'a.

⁹Vasassaya va a sam nenga'a! Vanza tara'a te ncè-a-ndav! Vasuna, matakwan arsa aga ta kramamhi kinè lèmèlèmè t'herkeda tèlèba.

¹⁰Aman Zhiklè pombi tèlèba, man a baba kinè a sam n'njèl nenga'a man a nzi a mèdèp te Kristi, a di a til kinè, a nzal kinè, a va kinè wuƋai, a pi verzi nsheffè kinè man a gidè va azɓai, kinè man antanta skwa a dza kinè kèshkata.

¹¹WuƋai a nenga'a te nhinkaƋ na a mèdèp. Amen.

¹²Ma nkèshèa man i winda kinè haha, i zlinda kinè a ri a Silvain, kramam nga, ndo man i hur nlèɓèslèa. A i bid kinè a vna, a i gi malwuƋi ara man pombi Zhiklè man kin nzi te pa, pombi nzura'a.

¹³Ndohi man Zhiklè a mpar ta mpèrè te Babylone, lèmèlèmè ara kinè, ta ga kinè mbalai, a Marc ba, man i fu a kra ga.

¹⁴Vagu mbalai a va, te mwoy-ndo a ndav, a nkèlèw ri a da'ai ndohi Zhiklè. Gumi da zhè a nda kinè, man kinè te Kristi, tèlèba!