Read Mofa New Testament 2 Peter 3 Bible Online

2 Peter 3 - Mofa New Testament bible

2 Peter 3

¹Na haha Ƌèlèwèr macecèwa'a man i winda kinè, dalahimam ga, te nenga'a i hadka kinè ma a gèƋ za'a, a i piƋèkwuda maya kinè nzura'a.

²Vahur ma ndohi nhadka ma nkezla'a, a ma nkwèrè man Bai Yèsu, Ndo m'mbeí ndo, a mva kinè, man ndohi sak kiné ta njè'a.

³Vasuna man ndul ndul herkeda a da ndiv na, ndohi mparaha civèƌ Zhiklè ta shkè, a ta jèjèr ntétékè tenga'a, a ta gaƋa:

⁴Mshkè nenga'a man a mpasla kinè rai, na tema? Babhi nga ta bazl ta ma. Aman tèlèba a dè a ma ma lèmèlèmè ara te nhinkaƋ na.

⁵Ta woy a ta shinè ɓai, ara man daga nhinkaƋ na, ma Zhiklè a ngu giƋfèk a herkeda, a herkeda a mshkè auda te iyam, n'nga'a a iyam.

⁶A iyam arsa herkeda ngedas na te va nasa; iyam mbia'a a ngedassa'a.

⁷Lèmèlèmè giƋfèk a herkeda, man ta zhè antanta. Ma Zhiklè a mpe ta hai, a ta zhèr vogwa a nda ndohi man ta woy civèƋ Zhiklè ɓai, a ta da gédèsh ta a pats kita.

⁸Aman skwi staƋ vahur pèc pècèk, dalahimam ga! A sam di Bi Zhiklè pats staƌ nara mvi gozhèm, mvi gozhèm nara pats staƋ.

⁹Ma mpèsl ri Bi Zhiklè a gi ndudoh azɓai, ara tengahia'a ngiƋè ta huro; aman Zhiklè a zhèr skwi a géƋ kinè dai, a woya man ko staƋ a zi azɓai, aman a woya ta tèlèba ta ngwèdè ndav ta.

¹⁰Aman pats Bi Zhiklè a shkè ara ndo metsar. Te deɓa'a giƋfèk a tuw na toa, skwi ntil herkeda a ndiv na a sam vogwa mbia'a, a herkeda a skwi a géƋ herkeda, vogwa a da ndia'a.

¹¹A géƌ man skwi haha a di a ndev na arsa, sèi kin slébèrdè Zhiklè a zlau, vanza a maya a nshèffè nkezla'a!

¹²Vozhor pats Zhiklè, vafu gèƋè'a! A pats sa giƋfèk a skwi ntil herkeda ta ndiv ta a sam vogwa mbia'a.

¹³Aman nga ngots mpèsl ri nenga'a, a nga zhèr giƋfèk mɓua'a a herkeda mɓua'a, man ngizura'a a zhè te pa.

¹⁴Gar haha, dalahimam ga, vagu maya a vata, aman a da ngats kinè te gumai a sam di na, ma az a gèƋ kinè ɓai, te mali ka ɓai.

¹⁵Aman Bai Yèsu a zhèr skwi a ma ma, varka'a ara skwi m'mbél kinè, ara man Paul ba, kramam nga man nga woya a ndav nga, a winda kinè a maya, man Zhiklè a va na.

¹⁶Te ƌèlèwèrhi nenga'a tèlèba, a goƋ ma haha. Ko ma nenga'a tsaƋ tsaƋ wuƋitpa a ncinè. A ndohi man ta sun skwa ɓai, a ndohi man ta nzi tara'a azɓai, ta ngwèdè'a, lèmèlèmè ara man ta gi a sam ƌèlèwèrhi ngiƌè, a ta gedassa va ta arsa a ri ta.

¹⁷Kinè dalahimam ga, a gèƋ man ta gaƋa kinè skwi haha ma, vaɓür va kinè, man ɓai ncèkèlma ndohi mphömè a zlakede kinè lèmèlèmè a nda tenga'a. Kin jèkeda sam man kin nza a pa tara'a ɓai!

¹⁸Vagra a ma ma te pombai, te nshin Bi nga a Ndo m'mbel nga Yèsu Kristi. N'njèlè a nenga'a antanta, a ma ma, a mèdèp! Amen!