Read Mofa New Testament 3 John 1 Bible Online

3 John 1 - Mofa New Testament bible

3 John 1

¹Iyè, ndo mɓer ndohi Zhiklè, a sam Gajus, ndo man i woya'a te ma nzura'a.

²Gajus ga, ndav ga a woya, aman te skwi tèlèba ka nzi amba, amba, skwa da dza ka ɓai, a ndav ngaya da nza amba.

³I wuffè kumba, aman kramamhi nga ngiƌè ta shkè a ta ngreda ma malwuƌai, ara man ka nza zura'a, ara man ka jèjèr ma nzura'a.

⁴Mwuffè ga ngiƌè ngar nta azɓai, man i tsena, ara man wudahi ga te Kristi ta jèjèr ma nzura'a.

⁵Kramam ga, skwi man ka gia'a, ka lèɓèsla a sam kramamhi, ko kramamhi nte verzi ngiƌè.

⁶Ta ngreda mwoy-ndo ngaya a sam di mpi ndohi Zhiklè. Ka gi amba, aman ka feda ta ma, ara man ambaba Zhiklè.

⁷Aman to do a géƌ nzlembaƌ Kristi, a ta cè skwi te ri ndohi nte deɓa azɓai.

⁸Anai sèi nga ce ta ndohi arsa, aman nga gi a ndohi ntakaha ta a géƌ ma nzura'a.

⁹I winda ta ƌèlèwèr kètè a mpi ndohi Zhiklè. Aman Diotrèphe, nenga'a man a woya a gi a ndo mbia'a te va tenga'a, a woya a ncè ma ga azɓai.

¹⁰Gar haha aman i da dè, i woy a nga gèƋè a gèƋ skwi man a gia'a. A tsa nga demgasl. Ko arsa a ngeza na di ɓai, a ce ta kramamhi azɓi genè, a va ta civèƌ azɓai a ndohi man ta woya a ta ce ta, a dzar ta auda te va mpi ndohi Zhiklè.

¹¹Kramam ga, ka lèmda va a skwi man ambaɓi ɓai, sèi a skwi man amba. Ndo man a gi skwi man amba, nenga'a ndo Zhiklè. Ndo man a gi skwi man ambaɓai, a sun Bi Zhiklè ɓai.

¹²Ma malwuƋi man ndohi tèlèba ta gèƋè a gèƋ Dèmetrius, amba, te ma nzura'a ba. A nga ba nga gèƋè ma malwuƋi a gèƋ nenga'a, a ka suna, ma malwuƋi nga, nzura'a.

¹³Skwi man i woy a i windè ka, a zhè kumba dai, aman i woy a i windè a skwi nwindè a gaƋa nwindè ka ɓai.

¹⁴l zhèrè te ndav, i da rka ka ndul ndul. Te deɓa'a nga da gèƌè.

¹⁵Gumi da zhè a nda ka! Mandalahi ngaya ta ga ka mbalai. Ga ta mbalai a mandalahi nga, staƌ staƌ a nzlembaƌ na!