Read Mofa New Testament Revelation 11 Bible Online

Revelation 11 - Mofa New Testament bible

Revelation 11

¹A ta vay pandar, nara gaƋa nlivè skwai, a ta gaƋayè: SlambaƋa, a ka lüv gi Zhiklè, sam mvi skwi a Zhiklè, a ka ngra ta tengahia'a man ta tsi ri te pa!

²Aman dalmagi Zhiklè jèkeda, ka lüv nenga ɓai! Aman nenga'a ta va na a ndohi herkeda, a ta da gatseda kokwar nkezla'a a pa ki 42.

³A i woy a i gi aman ndohi malwuƋihi ga cèw ta hodko ma Zhiklè m'mèn 1260, a maslaka sam kuƋa a va.

⁴Ndohi ncèwa sa, tenga'a wofhi tsna cèw a sam nfi vogwa cèw, man ta zlatsa a ma Bi Zhiklè man a kwèr herkeda.

⁵Aman ndo a woya a nga ta matakwan, vogwa a da shkè auda te ma tenga'a, a nde ta mayamhi tenga'a a ma. Aman ndo a woya a nga ta matakwan, sèi ta keƋa'a, arsa.

⁶Tenga'a ta ngots wuƋibai a ta pizlè giƋfèk, aman iyam a shkèhi azɓai, a pats man ta hodko ma. A ta ngots wuƋibai a géƋ iyamhi aman ta ngwèdè ta a pombaz, a ta faha matakwan tsaƋ tsaƋ a herkeda, pèc pècèk ara man ndav ta a woya'a.

⁷Aman ta da ndeva malwuƋi tenga'a ma, skwi dak man a da shkè auda te vèvèƋ mpèltemtema'a a da gi var a tenga'a, a gi a ngul ta, a bazl ta.

⁸A ta jèkeda nckondohi tenga'a a dal kokwar mbia'a, man ta baba na a ma Zhiklè: SoƋome a Egypte, a sam man ta gezlala Bi tenga'a ba a pa.

⁹M'mèn makararèta, ndohitsaƋ tsaƌ te va ndohi kokwar, verzi ndohi tsaƋ tsaƋ, a da'ai ta tsaƋ tsaƋ, a ndohi herkeda tsaƋ tsaƋ ta da rka nckondohi tenga'a, a ta vi civèƌ azɓai, aman ta re ta.

¹⁰A ndohi a géƌ herkeda ta wuffe a géƌ tenga'a, ta gi langlanga'a, ta vi skwi mbalai a va, aman ndohi nhadka ma cèw haha ta ga ta matakwan a ndohi a géƋ herkeda tèlèba.

¹¹Te deɓ m'mèn makar a rèta, Zhiklè a mva ta Mèzhèɓ nshèffè a ndav tenga'a, a ta slèmbèƋè, a zlau mbia'a a mbazl ta ndohi tèlèba man ta rka ta.

¹²A ta tsena ngèƋè mbia'a te zhiklè, man a gaƋa ta: VatevkaƋa haha! A to do a zhiklè te va vanai, a mayamhi tenga'a ta rka ta.

¹³A nasa nasa herkeda a ngudzau a vata, a kokwar mbia'a man ta kezla kula, m'mbeƋ na. Ngudzi herkeda haha, ndohi gozhèm tsaraƋ ta bazl ta. NjèkèƋia'a ta gu zlau kworkwora'a, a ta slubordo Zhiklè te géƋè'a.

¹⁴Wobau macecèwa'a kala auda ma: Na haha, wobau mamakara'a a shkè tsam tsam.

¹⁵A gol Zhiklè matsaraƋa'a a ntsu tolom: a ngèƋè mbia'a a ntsenka te zhiklè, man a gaƋa: Ta va na kokwar-Bihi herkeda a ri a Bi Zhiklè, a Kristi nenga'a. Nenga'a a gi Bai a ma ma a mèdèp.

¹⁶A ndohi nhala 24 man ta nza a geƋ sam n'nzi bi ta a sam di Zhiklè, ta tseda medi a hai, a ta slubordo Zhiklè, a ta gaƌa:

¹⁷Nga shid gèƋ, Bi Zhiklè, Zhiklè wuƋi tèlèba, man ka zhè, ka nza daga zlèzlèa, a géƋ man ka gi Bai a n'njèlè ngaya mbia'a.

¹⁸Ndohi herkeda ta gu ndav. Aman ndzoan ngaya a mshkè ma. Pats kita ndohi m'metsa'a, pats man ta va ta ɓèlèlihi ngaya skwi ntul ta, ndohi nhadka ma ba, a ndohi Zhiklè ba, a tengahia'a mar ta gu zlau nzlembaƋ ngaya, ndohi nkèshèa a ndohi mbia'a, mshkè ma. A ndohi man ta gedassa herkeda, ta gedas ta.

¹⁹A ta wina gi Bi Zhiklè te zhiklè, a koti nderzlèma nenga'a a rkè te gi Zhiklè, a iyam a n'ndi dai, a iyam a ntsai, a herkeda a ngudzai, a vandzal a nshkè.