Read Mofa New Testament Revelation 14 Bible Online

Revelation 14 - Mofa New Testament bible

Revelation 14

¹A i rka kra tambak nzlatsa a géƋ za Sion, a nda ndohi 144.000, nzlembaƌ nenga'a, a nzlembaƌ Bab na,, mwindè'a a medi tenga'a.

²A i tsena, ngèƋè te zhiklè, ara kuƋ iyam mbia'a, ara ntsi iyam mbia'a. NgèƋè man i tsena'a, nara ndohi ntsi ganzavar.

³A ta slu dimèsh mɓua'a a sam n'nzi bai, a sam skwihi faƋ a nshèffè, a sam ndohi nhala'a, ndo ngiƌè a slaha a nslebi dimèsh ɓai, sèi ndohi 144.000 man ta sumka ta a deɓa t'herkeda.

⁴Nasa ndohi man ta lizha va ta a ngwozi ɓai, a ta ɓür va ta, ta sossur ɓai, a ta dè a verzi kra tambak a sam tèlè man a dè a pa. Ndohi haha ta sumka ta a deɓa te va ndohai, a tsuvomhi Zhiklè, a tsuvomhi kra tambak.

⁵Te ma tenga'a ncèkèlma azɓai, mali az a gèƋ tenga'a ɓai.

⁶A i rka gol Zhiklè ngiâè, man a hi ara diak te ndev giƋfèk, a n'ngots ma mbela'a man a nzi a mèdèp, man a njè ta ndohi a géƋ herkeda tsaƋ tsaƋ tèlèba, a verzi ndohi herkeda, a ndohi a da'ai ta tsaƋ tsaƋ, man ndo genè,

⁷a ngoƋ a ngèƋè mbia'a: Vagu zlau Zhiklè, vanzala nenga'a! Aman pats kita nenga'a mshkè ma. Vatsu ri a nenga'a man a gu giƋfèk a herkeda a iyam mbia'a a nlèlè iyam.

⁸A gol Zhiklè macecèwa'a a ndzudzorko te deɓa, a ngaƌa: Babylone, kokwar mbia'a, m'mbed na; aman nenga'a a ngu aman ndohi herkeda tèlèba ta sau skwi nsi ndzoan a mphömè nenga'a.

⁹A gol Zhiklè mamakara'a a ndzudzorko te deɓa, a ngoƌ a ngèƌè mbia'a: Ndo man a tsi ri a skwi dak, a skwi man ta gu ara nenga'a, a nkala rai, a mbazla medi a lamba nenga'a,

¹⁰sèi a si kokwi ndzoan Zhiklè a géƌagèƌ; a ta da ga na matakwan a vogwa man skwi nvècè vogwa te pa, a sam di golahi Zhiklè nkezla'a, a sam di kra tambak.

¹¹A vodzok matakwan tenga'a a dè a géƌè'a a ma ma a mèdép, a tengahi man ta tsi ri a skwi dak a skwi man ta gu ara nenga'a, a ndohi a lamba nzlemba na a va, ta ngècè nshèk va azɓai, ko a pats ba ko a vaƌ ba.

¹²Na haha ndohi Zhiklè man ta zhèr skwia dai! Na haha tengahi man ta ɓür ma nkwèr Zhiklè, a ncè Yèsu a ndav.

¹³A i tsena ngèƋè te zhiklè, man a gaƋayè: Windo! Mwuffè a sam ndohi man ta mets ta te Kristi. Mèzhèɓ Zhiklè a gaƋa: Ani haha ta shèk va te mizlinè tenga'a. Aman skwi man ta gau, a dzadzar ta te deɓa.

¹⁴A i rka vani nslekaƋa'a. Ndo n'nza a géƋ vanai, nara kra ndo, gèƋ mpaƋa'a a guro, gwodza wètwètè'a te rai.

¹⁵A gol Zhiklè ngiâè a mshkè auda te gi Zhiklè, a mbaba na ndo man a géƌ vanai a ngèƋè mbia'a: Sèi ka tsia'a a gwodza ngaya, a ka ɓicè skwai! Aman pats mɓicè skwi a zhè ma, a skwi a géƌ herkeda nsla ma.

¹⁶Ndo a géƌ vanai a nkalde gwodza a herkeda, a ta ɓicè skwi herkeda.

¹⁷A gol Zhiklè ngiâè a mshkè auda te gi Bi Zhiklè te zhiklè, nenga'a ba a gwodza wètwètèa te rai.

¹⁸A gol Zhiklè ngiâè, man a ngots wuƋai a géƋ vogwa, a mshkè auda a sam mvi skwi a Zhiklè, a mbaba na nenga'a man gwodza te rai a ngèƌè mbia'a: Tsau a gwodza ngaya nwètwètèa, zlau nyi barassa t'herkeda! Aman nyi wofa'a n'ndha ma.

¹⁹A gol Zhiklè a ntsau herkeda a gwodza nenga'a, a nzlu nyi barassa a géƋ herkeda, a nwusheda a klok ndzoan Zhiklè.

²⁰Klok t'uda a dal kokwar, a ta kèlè'a t'uda, ba pombaz te klok a mbèdè bambaslmbasla'a, a ndikè na ma a dzala plèsh, a hi dra ara km 300.