Read Mofa New Testament Revelation 2 Bible Online

Revelation 2 - Mofa New Testament bible

Revelation 2

¹Winda na tsuvom mpi ndohi Zhiklè te kokwar Ephèse: Nenga'a man bantihi tsaraƋ te ri mandi na, man a dè te va sam nfì vogwahi tsaraƌ, a goƌa ar haha:

²í sun skwi man ka gia'a, a skwi man ka va na va ma, a nzhèr skwi a di ngaya, ara man ka cè ta ndohi ambaɓihia'a azɓai, a ka jkede ta ndohi man ta gaƋa: nga ndohi sak, a ka ngats ta te ncèkèlma, ta ndohi sak ka ɓai.

³Ka zhèr skwi a dai, a ka zhüɓ skwi n'nzala'a a géƋ nzlembaƋ ga, a ngeza ka ɓai.

⁴Aman skwi man ambabay ɓai a sam ngaya, aman ka woy Zhiklè ara man ka hünko ka ɓai.

⁵Hur sam man ka men ngaya a deɓa te pa, ngwode ndav ngaya, a ka gu skwi man ka gu nshèlèkura za'a. Man ɓai i shkè, a i cè skwi nfi vogwa ngaya auda a sam n'nzi na.

⁶Aman skwi man amba man ka ngotso, ka gi shèwa a ndohi Nicolaite, man iyè ba i gi shèwa a tenga'a.

⁷Ndo man zlembaƋ na a zhè, da tsena ma man Mèzhèɓ Zhiklè a gaƋa ta mpi ndohi Zhiklè: Ndo man n'nga'a a ngula'a, a da ndi wof nshèffè man a zhè a sam Bi Zhiklè mbela'a.

⁸Winda na tsuvom mpi ndohi Zhiklè te kokwar Smyme: Nenga'a man ndo nshèlékura'a, ndo n"ndikèma skwai, man te va nasa m'metsa, anai a zhè a nshèffè za'a, a goƌa ar haha:

⁹I sun matakwan ngaya a ntèwèshè ngaya; aman ka ndo mèshèlè genè. I sun ndohi man ta derƋe ka, man ta gaƋa, nga ndohi Juif, aman ta ndohi Juif ka ɓai, ta ndohi gi njèngè ma SaƋan.

¹⁰Ka gu zlau matakwan man ka da sia ɓai! Na haha bi madzagai a da pe ta matrhia'a te ndev kinè aƋangai, aman ajkédè kinè, a kin si matakwan m'mèn kula. Nza a nlèɓèslè, ba ka metsi ngaya, a i da va ka mpèƌè gèƌ nshèffè.

¹¹Ndo man zlembaƋ na a zhè, da tsena ma man Mèzhèɓ Zhiklè a gaƋa ta mpi ndohi Zhiklè: Ndo man n'nga'a a ngula'a, skwa a da dza na a sam m'metsi macecèwa'a azɓai.

¹²Winda na tsuvom mpi ndohi Zhiklète kokwar Pergame: nenga'a man a ngots kafahi gwèsh wètwetèa, man a zli skwi te tsagi cèw, a goƋa ar haha.

¹³l sun sam n'nzi ngaya, sam n'nzi bi SaƋan a pa. Aman ka gshè va a iyè genè, ka tsakal ma a gèƋ ncè-a-ndav ɓai, ko pats man ta keƋa Antipas, ndo malwuƋi ga nzura'a a sam kinè, a sam man SaƋan a nzi a pa.

¹⁴Aman skwi ngiƋè kète ambabay ɓai a sam ngaya. Tengahia ngiƋè a sam ngaya ta gshè va a njè ma Balaam, man a gaƌa na Balak, da slafaƌama ta sak a ndohi lsrael, a ta ndi vrai a ta gi mphomè.

¹⁵Ka ba antanta ka ngots ndohi ngshè va a njèma Nicolaite.

¹⁶Ngwode ndav ngaya, man ɓai i shkè tsam tsam, a i gi var a tenga'a a kafahi gwèsh te ma ga.

¹⁷Ndo man zlembaƋ na a znè, da tsena ma man Mèzhèɓ Zhiklè a gaƋa ta mpi ndohi Zhiklè: Ndo man n'nga'a a ngula'a, i woya man i da va na manna n'ngheda'a, a i woya man i Va na kwa nslekaƋa'a, a deɓ kwa sa nzlembaƋ ngiƋè mɓua'a a zhè, ndo ngiƋè a sun nenga'a ɓai, sèi nenga'a man a ngots kwa'a.

¹⁸Windanatsuvom mpi ndohi Zhiklète kokwar Thyatire: Kra Zhiklè man di nenga'a a vècè ara nè'èn vogwa, a sak nenga'a a si di ara züdo guro, a goƋ ar haha:

¹⁹I sun skwi man ka gia'a, i sun mwoy-ndo ngaya, a ncè-a-ndav ngaya, ara man ka pi ndav a vna, a ka zhèr skwi a dai, ara man ka ngredè'a auda. l suna, mizlinè man ka gu te deɓa'a a fena mizlinè man ka gu nshèlèkura'a.

²⁰Aman skwi man ambabay ɓai a sam ngaya, aman ka va na civèƋ a ngwoz Jézabel, man a hur a gaƋa i ngwoz nhadka ma, a njè ta ɓèlèlini ga, a zlakede ta, aman ta gi mphömè, a ta ndi vrai.

²¹I zhoro aman a di a ngwèdè ndav. Aman nenga'a a woya a njèkeda mpnömè na bai.

²²Na haha i da kaldahai a sam m'mènè na, a ndohi man ta gu mphömè a vna i kalde ta a va matakwan mbia'a, sèi man ta woy a ta jèkeda mizlinè mphömè ngwoz sa kla.

²³A i woya man i bazl ta wudahi ta. A mpi ndohi Zhiklè tèlèba sèi da suna, iyè man i wuzhè ndav, kala nguzgoz ba, a i va na a ndo staƋ staƋ te ndev kinè ara mizlinè na.

²⁴Aman a sam kinè, njèkèƋi ndohi te Thyatire, man kin co njèma haha ɓai, kinè man kinè te verzi SaƋan ɓai, i gaƋa kinè ar haha: I woya man a i ga kinè matakwan ngiƋè azɓai.

²⁵Aman skwi man kin ngotso, vaɓüro, ba i shkè.

²⁶A ndo man n'nga'a a ngula'a, a ɓir mizlinè ga, ba ndikèma na, i woy a i va na wuƋibai a géƋ ndohi herkeda.

²⁷A nenga'a a da war ta a gaƋa züdo, a da bazl ta ara shiƋèfíhai.

²⁸Lèmèlèmè i ngots te ri Bab ga. A i woy a i va na mavar prèk.

²⁹Ndo man zlembaƋ na a zhè, da tsena ma man Mèzhèɓ Zhiklè a gaƋa ta mpi ndohi Zhiklè.