Read Mofa New Testament Revelation 20 Bible Online

Revelation 20 - Mofa New Testament bible

Revelation 20

¹A i rka gol Zhiklè ngiâè man a shkè te zhiklè, a skwi mwinè vèvèd mpèltemtema'a te rai, a cèlèlèu mbia'a.

²A ngso skwi man nara kedam, zhüzhok zlèzlèa, nenga'a bi madzagai a SaƋan, a ndzawa'a mvi gozhèm staƋ,

³a nkalda a vèvèd mpèltemtema'a, a mpizleda pa a skwi mpizlè'a, ntkotsa a deɓa'a, aman a slaha a mpe ta ndohi herkeda a wi asaɓai, ba mvi gozhèm staƋ klèng. Te deɓa'a ta da prè'a kèshkata za'a.

⁴A i rka sam n'nzi bihai, a ndohi man ta da gi kita, ta nza a pa. A i rka mèzhèɓ nshèffè ndohai, man ta zlama ta da'ai a géƌ malwuƋi Yèsu, a géƋ ma Zhiklè, a tenga'a man ta tsu ri a skwi dak a skwi man ta gu ara nenga'a, ɓai, a ta co lamba nenga'a a medi tenga'a, a ri tenga'a, ɓai. A ta ngots nshèffè za'a, a ta gu bi a nda Kristi, mvi gozhèm staƋ.

⁵Ndohi m"metsa'a ngiâè ta ngatsa nshèffè a deɓa ɓai, ba mvi gozhèm staƋ klèng. Nasa nslambaƋkaƋauda nshèlèkura'a.

⁶Mwuffè a sam ndohai man ta te va ndohi man ta slambaƋkaƋauda nshèlèkura'a. M'metsi macecèwa'a a ngècè wuƋibai a géƋ tenga'a asaɓai. Aman ta gi a ndohi mvi skwi a Zhiklè a sam Kristi, a ta gi bi a nda nenga'a, mvi gozhèm staƋ.

⁷Te deɓa'a, man mvi gozhèm staƋ klèng ma, ta da proko SaƋan auda te dangi nenga'a.

⁸A nenga'a a ndè aman a pe ta ndohi herkeda te tsagi herkeda faƋ a wai, Gog a Magog, a mɓic ta a sam var. Ta ngrè azɓai, ta kumba ara wyak te woyam mbia'a.

⁹A ta zlèzlèmè a géƌ herkeda, a ta tèuda sam nhèy ndohi var nkezla'a a pa, a kokwar man Zhiklè a woya'a a rïdav na. A vogwa a nkalka te zhiklè, a n'nde ta ma.

¹⁰Abi madzagai man a pe ta a wai, ta kalda a vogwa mbia'a, a skwi nvècè vogwa te pa, a sam man skwi dak a ndo nhadka ncèkèíma ba nte pa, a ta ga ta matakwan a pats ba a vaƋ ba a mèdèp.

¹¹A i rka sam n'nzi bi mbia'a nslekaƋa, a ndo man n'nza a pa: A sam di nenga'a, herkeda a giƋfèk to do ta, a ta ngatsa sam n'nzi tenga'a te deɓa'a asaɓai.

¹²A i rka ndohi m'metsa'a, mbibihia'a ba a nkèshèhia ba, ta zlatsa a sam n'nzi bai. A ta winè Ƌèlèwèrhi a pa. Ɗèlèwèr ngiƋè, man ta winè'a, nenga'a Ƌèlèwèr nshèffè; a ta ga ta kita a géƋ ndohi m'meísa'a a géƋ skwi man ta gau, mwindè'a te Ƌèlèwèrhai.

¹³A iyam mbia'a a m'mendka ta ndohi m'metsa'a a deɓa za'a. A m'metsai, a kokwar-Bi nenga'a a m'mendka ta ndohi m'metsa'a a deɓa za'a. A ta ga ta kita a gèƋ ndo staƋ staƋ ara skwi man a gau.

¹⁴Ta wushede m'metsai a kokwar-Bi nenga'a a vogwa mbia'a. Vogwa mbia sa, nasa m'metsi macecèwa"a.

¹⁵Ndo man ta ngots nzlembaƋ nenga'a te Ƌèlèwèr nshèffè ɓai, ta kalda a vogwa mbia'a.