Read Mofa New Testament Revelation 3 Bible Online

Revelation 3 - Mofa New Testament bible

Revelation 3

¹Winda na tsuvom mpi ndohi Zhiklè te kokwar Sardes: Nenga'a man a ngots Mèzhèɓhi Zhiklè tsaraƋ, a bantihi tsaraƋ, a goƋ ar haha: I sun skwi man ka gia'a. Labar ma ngaya, ara man ka nzi a nshèffè, aman ka metsa.

²Nza a dai, va na wuƋi a njèkèƋia'a te ndav ngaya man a woya a metsi na. I ngots mizlinè ngaya a slra na di a Zhiklè ga zura ɓai.

³Gar haha huro, ara man ka ngotso, ara man ka tsena'a. Fu gèƋè'a, a ka ngwode ndav! Aman ka nzi a di azɓai, i da shkè ara ndo metsar, ka shin sam tèkè man i da shkè azɓi fèt.

⁴Aman ka ngots ndohi faƌkata te Sardes, man ta lizha maslaka tenga'a ɓai. Ta da shèwèlè a nda iyè a maslaka nslekaƌa'a a va, te man tenga'a ta amba, aman ta gi arsa.

⁵Ndo man n'nga'a a ngula'a, sèi ta va na maslaka nslekaƋa'a a va. I woya a i gédèshè nzlembaƋ nenga'a te Ƌèlèwèr nshèffè azɓai, a i woya man i ngrédè nzlembaƋ nenga'a a sam di Bab ga, a sam di golahi nenga'a ba.

⁶Ndo man zlembaƋ na a zhè, da tsena ma man Mèzhèɓ Zhiklè a gaƋa ta mpi ndohi Zhiklè.

⁷Winda na tsuvom mpi ndohi Zhiklè te kokwar Philadelphie: Nenga'a man nkezla, ndo nzura'a man a ngots skwi mwinè ntamagi man a David, man a winè'a, ndo ngiƌè a slaha a mpizlè te deɓa'a ɓai. Man a mpizlèa, ndo ngiƋè a slaha a mwinè te deɓa'a ɓai. Nenga'a a goƋ ar haha:

⁸I sun skwi man ka gia'a. Na haha i wina ntamagi ngiƋè a sam ngaya, ndo a slaha a mpizlè'a azɓai. I suna, wuƋi ngaya az a vata ɓai; aman ka ɓür ma ga genè, a ka tsakala ma a géƌ nzlembaƌ ga ɓai.

⁹Na haha i woy a i gi aman ndohi te gi njèngè ma SaƋan, man ta gaƋa, nga ndohi Juif, a ta goƋ a ncèkèlma, a ta da shkè, a ta kèlèhai a deɓ sak ngaya, a ta suna ara man i woy ka.

¹⁰A géƌ man ka ɓür ma ga, a ka zhèr skwi a dai, i ba i woy a i ɓir ka a sam njkédè ndo, man a di a shkè a géƌ ndohi herkeda tèlèba.

¹¹Na haha, i shkè ndul ndul; ɓür skwi man ka ngotso, ndo ngiƌè da cèma ka mpèƌè gèƌ ngaya ɓai!

¹²Ndo man n'nga'a a ngula'a, i woy a i gia'a a sak gi Zhiklè ga, a dè auda te deɓa'a azɓai, a i woy a i windè a va nenga'a: nzlembaƋ Bi Zhiklè ga, a nzlembaƋ kokwar mbia'a a Zhiklè ga, Jérusalem mɓua'a, man a shkèhai te zhiklè, a sam Bi Zhiklè ga. A i windè nzlembaƋ ga mɓua'a a pa.

¹³Ndo man zlembaƋ na a zhè, da tsena ma man Mèzhèɓ Zhiklè a gaƋa ta mpi ndohi Zhiklè.

¹⁴Winda na tsuvom mpi ndohi Zhiklè te kokwar Laodicée: Nenga'a man zlembaƋ na Amen, ndo malwuƋi nlèɓèslèa a nzura'a, nhinkad skwi man Zhiklè a gau, a goƋ ar haha:

¹⁵I sun skwi man ka gia'a, ka nze t'hi ɓai, ka wosla a mizlinè ɓai. Ar a woy ka ga staƌ te va'a.

¹⁶A géƌ man ka te mpataka ambalai, ka nze t'hi ɓai, ka wosla a mizlinè ɓai, i da kwol ka.

¹⁷Ka gaƋa: i ndo mèshèlè, i gau amba, skwi tèlè a zhè a sam ga. A ka sun ɓi genè, ka mbelawa, lamba a nde ka, ka tawassa, ka mandazlai, ka aƋai.

¹⁸I gaƋa ka ma maya staƋ: sèi ka shum guro man vogwa a mwosla'a, a ka ndi a ndo mèshèlè; a ka shum maslaka nslekaƋa'a, a ka fèda a va, a hon ngaya man ka aƋai a gidè auda azɓai; a ka shum madzaf dai, a ka da geda a di ngaya, a ka rka di zura'a.

¹⁹Ndohi man i woy ta a ndav ga, i ngatsa ta maya a ndzoan, a i ngez ta. Gar haha nzala va ngaya, a ka ngwode ndav ngaya!

²⁰Na haha iyè a ntamagai, a ì bèhè. Ndo man a tsena da'ai ga, a da winay ntamagai, i dè a pa a sam nenga'a, a nga da ndi skwi a nda nenga'a, a nenga'a 'à nda iyè.

²¹Ndo man n'nga'a a ngula'a, i woy nga da nzi a sam n'nzi ga a vna, lèmèlèmè ara man i ga'a a ngula'a, a i nza t'hai a nda Bab ga a sam n'nzi bi nenga'a.

²²Ndo man zlembaƋ na a zhè, da tsena ma man Mèzhèɓ Zhiklè a gaƋa ta mpi ndohi Zhiklè.