Read Mokanda na Bomoi Ebandeli 10 Bible Online

Ebandeli 10 - Mokanda na Bomoi bible

Ebandeli 10

¹Tala libota ya Noa : Semi, Cham mpe Jafeti ; bango mpe babotaki bakitani sima na mpela.

²Bana mibali ya Jafeti : Gomeri, Magogi, Madayi, Yavani, Tubali, Mesheki mpe Tirasi.

³Bana mibali ya Gomeri : Ashikenazi, Rifati mpe Togarima.

⁴Bana mibali ya Yavani : Elisha, Tarsisi, Kitimi mpe Dodanimi.

⁵Bakitani na bango nde bavandaki na bisanga mpe na bamboka ya pembeni ya mayi. Moko na moko kati na bango azwaki mokili na ye kolanda lokota na ye, etuka na ye mpe libota na ye.

⁶Bana mibali ya Cham : Kushi, Mitsirayimi, Puti mpe Kanana.

⁷Bana mibali ya Kushi : Seba, Avila, Sabita, Raema mpe Sabiteka. Bana mibali ya Raema : Sheba mpe Dedani.

⁸Kushi azalaki mpe tata ya Nimirodi oyo azalaki elombe ya liboso ya bitumba kati na mokili.

⁹Azalaki mobomi monene ya banyama na miso ya Yawe. Yango wana, balobaka : « Mobomi monene ya banyama lokola Nimirodi na miso ya Yawe. »

¹⁰Bingumba ya liboso ya mokili na ye ezalaki Babeli, Ereki, Akadi mpe Kaline na mokili ya Shineari.

¹¹Longwa na mokili wana, alekaki na Asiri mpe atongaki Ninive, Reoboti-Iri, Kala

¹²mpe Reseni, engumba monene na kati-kati ya Ninive mpe Kala.

¹³Mitsirayimi azalaki koko ya bato ya Ludi, ya Anami, ya Leabi, ya Nafitu,

¹⁴ya Patrusi, ya Kasilu (oyo babimisa bato ya Filisitia) mpe ya Kereti.

¹⁵Kanana azalaki tata ya Sidoni, mwana na ye ya liboso, ya Eti,

¹⁶ya Yebusi, ya Amori, ya Girigazi,

¹⁷ya Evi, ya Ariki, ya Sini,

¹⁸ya Arivadi, ya Tsemari mpe ya Amati. (Mpe na sima, bato ya mabota nyonso ya Kanana bapalanganaki bipai na bipai.

¹⁹Mokili ya bato ya Kanana ebandaki wuta na Sidoni, na nzela ya Gerari, kino na Gaza ; mpe na nzela ya Sodome, ya Gomore, ya Adima mpe ya Tseboyimi kino na Lesha.)

²⁰Bango nde bazalaki bakitani ya Cham kolanda mabota mpe nkota na bango, kati na mikili mpe bikolo na bango.

²¹Semi, kulutu ya Jafeti, abotaki mpe bana ; azalaki koko ya Eberi mpe ya bakitani na ye.

²²Bana mibali ya Semi : Elami, Asuri, Aripakishadi, Ludi mpe Arami.

²³Bana mibali ya Arami : Utsi, Uli, Geteri mpe Mashi.

²⁴Aripakishadi abotaki Shela ; Shela abotaki Eberi.

²⁵Eberi abotaki bana mibali mibale : moko, kombo na ye ezalaki « Pelegi, » pamba te na tango na ye nde bakabolaki mabele ; mpe mosusu, « Yokitani. »

²⁶Yokitani abotaki Alimodadi, Shelefi, Atsarimaveti, Yera,

²⁷Adorami, Uzali, Dikila,

²⁸Obali, Abimaeli, Saba,

²⁹Ofiri, Avila mpe Yobabi. Bango nyonso wana bazalaki bakitani ya Yokitani.

³⁰(Mokili oyo bazalaki kovanda ebandaki wuta na Mesha kino na Sefari, na mokili ya bangomba ya este.)

³¹Bango nde bazalaki bana mibali ya Semi kolanda bituka mpe nkota na bango, kati na mikili mpe bikolo na bango.

³²Wana nde bituka ya bana mibali ya Noa kolanda milongo mpe mikili na bango. Bato nyonso oyo batondisaki mokili sima na mpela babotamaki na nzela na bango.