Read Mokanda na Bomoi 1 Masolo ya Kala 2 Bible Online

1 Masolo ya Kala 2 - Mokanda na Bomoi bible

1 Masolo ya Kala 2

¹Tala bana mibali ya Isalaele : Ribeni, Simeoni, Levi, Yuda, Isakari, Zabuloni,

²Dani, Jozefi, Benjame, Nefitali, Gadi mpe Aseri.

³Bana mibali ya Yuda : Eri, Onani mpe Shela. Ezali Mwana mwasi ya Shuwa, moto ya Kanana, nde abotelaki Yuda bana mibali misato wana. Eri, mwana mobali ya liboso ya Yuda, atambolaki mabe na miso ya Yawe, mpe Yawe abomaki ye.

⁴Tamari, bokilo ya Yuda, abotelaki ye Peretsi mpe Zera. Bana mibali nyonso ya Yuda bazalaki mitano.

⁵Bana mibali ya Peretsi : Etsironi mpe Amuli.

⁶Bana mibali ya Zera : Zimiri, Etani, Emani, Kalikoli mpe Darida ; bango nyonso bazalaki mitano.

⁷Mwana mobali ya Karimi : Akari oyo ayeisaki mobulu na Isalaele tango abukaki mobeko ya kozwa biloko oyo babulisaki mpo na Yawe.

⁸Mwana mobali ya Etani : Azaria.

⁹Bana mibali oyo babotelaki Etsironi : Yerameeli, Rami mpe Kelubayi.

¹⁰Rami azalaki tata ya Aminadabi ; mpe Aminadabi azalaki tata ya Nashoni, mokambi ya bato ya Yuda.

¹¹Nashoni azalaki tata ya Salima ; Salima azalaki tata ya Boazi.

¹²Boazi azalaki tata ya Obedi ; mpe Obedi azalaki tata ya Izayi.

¹³Izayi azalaki tata ya Eliabi, mwana na ye ya liboso ya mobali ; ya mibale, Abinadabi ; ya misato, Shimea ;

¹⁴ya minei, Netaneeli ; ya mitano, Radayi ;

¹⁵ya motoba, Otsemi ; mpe ya sambo, Davidi.

¹⁶Bandeko na bango ya basi : Tseruya mpe Abigayili. Tseruya abotaki bana mibali misato : Abishayi, Joabi mpe Asaeli.

¹⁷Abigayili abotaki mwana moko ya mobali, mpe kombo na ye ezalaki « Amasa. » Yeteri, moto ya Isimaeli, nde azalaki tata ya Amasa.

¹⁸Azuba abotelaki Kalebi, mwana mobali ya Etsironi, mwana moko ya mwasi, mpe kombo na ye ezalaki « Yerioti ; » mpe bana mibali misato : Yesheri, Shobabi mpe Aridoni.

¹⁹Tango Azuba akufaki, Kalebi abalaki Efrata oyo abotelaki ye Wuri.

²⁰Wuri azalaki tata ya Uri, mpe Uri azalaki tata ya Betisaleyeli.

²¹Mpe na sima, Etsironi asangisaki nzoto na mwana mwasi ya Makiri, tata ya bato ya Galadi. Abalaki ye tango azalaki na mibu tuku motoba ; mpe mwana mwasi ya Makiri abotelaki ye Segubi.

²²Segubi azalaki tata ya Yairi oyo azalaki kokonza bingumba tuku mibale na misato kati na mokili ya Galadi.

²³Kasi bato ya Geshuri mpe ya Siri babotolaki na makasi bamboka oyo Yairi azalaki kokonza ; babotolaki mpe Kenati elongo na bamboka na yango ya mike : bingumba nyonso oyo babotolaki ezalaki tuku motoba. Bango nyonso wana bazalaki bakitani ya Makiri, tata ya bato ya Galadi.

²⁴Sima na kufa ya Etsironi na mboka Kalebi Efrata, mwasi na ye, Abiya, abotaki mwana mobali, mpe kombo na ye « Ashiwuri. » Ashiwuri azalaki tata ya Tekoa.

²⁵Bana mibali ya Yerameeli, mwana liboso ya Etsironi, bazalaki : Rami, mwana na ye ya liboso ya mobali, Buna, Oreni, Otsemi mpe Ayiya.

²⁶Yerameeli abalaki mwasi mosusu oyo kombo na ye ezalaki « Atara. » Atara abotelaki ye Onami.

²⁷Bana mibali ya Rami, mwana mobali ya liboso ya Yerameeli : Matsi, Yamini mpe Ekere.

²⁸Bana mibali ya Onami : Shamayi mpe Yada. Bana mibali ya Shamayi : Nadabi mpe Abishuri.

²⁹Kombo ya mwasi ya Abishuri ezalaki « Abiyaili. » Abiyaili abotelaki ye Abani mpe Molidi.

³⁰Bana mibali ya Nadabi : Seledi mpe Apayimi. Seledi atikalaki kobota te mpe akufaki.

³¹Mwana mobali ya Apayimi : Yisheyi oyo azalaki tata ya Sheshani. Sheshani azalaki tata ya Akilayi.

³²Bana mibali ya Yada, ndeko mobali ya Shamayi : Yeteri mpe Jonatan. Yeteri atikalaki kobota te mpe akufaki.

³³Bana mibali ya Jonatan : Peleti mpe Zaza. Bango wana nde bazalaki bakitani ya Yerameeli.

³⁴Sheshani atikalaki kobota bana mibali te, kaka bana basi. Kasi azalaki na mowumbu moko ya mobali na kombo Yara, moto ya Ejipito.

³⁵Sheshani abalisaki mwana na ye ya mwasi epai ya Yara, mowumbu na ye ya mobali, mpe mwana yango ya mwasi abotelaki Yara mwana mobali, Atayi.

³⁶Atayi azalaki tata ya Natan, Natan azalaki tata ya Zabadi.

³⁷Zabadi azalaki tata ya Efilali, Efilali azalaki tata ya Obedi.

³⁸Obedi azalaki tata ya Jewu, Jewu azalaki tata ya Azaria.

³⁹Azaria azalaki tata ya Eletsi, Eletsi azalaki tata ya Eleasa.

⁴⁰Eleasa azalaki tata ya Sisimayi, Sisimayi azalaki tata ya Shalumi.

⁴¹Shalumi azalaki tata ya Yekamia, mpe Yekamia azalaki tata ya Elishama.

⁴²Bana mibali ya Kalebi, ndeko ya Yerameeli : Mesha, mwana na ye ya liboso oyo azalaki tata ya Zifi, mpe Maresha, tata ya Ebron.

⁴³Bana mibali ya Ebron : Kora, Tapua, Rekemi mpe Shema.

⁴⁴Shema azalaki tata ya Raami, mpe Raami azalaki tata ya Yorikeami. Rekemi azalaki tata ya Shamayi.

⁴⁵Mwana mobali ya Shamayi ezalaki Maoni, Maoni azalaki tata ya Beti-Tsuri.

⁴⁶Efa, makangu ya Kalebi, abotelaki ye Arani, Motsa mpe Gazezi. Arani azalaki tata ya Gazezi.

⁴⁷Bana mibali ya Yadayi : Regwemi, Yotami, Geshani, Peleti, Efa mpe Shaafi.

⁴⁸Maaka, makangu mosusu ya Kalebi, abotelaki ye Sheberi mpe Tirana.

⁴⁹Abotelaki ye lisusu Shaafi, tata ya Madimana, mpe Sheva, tata ya Makibena mpe Gibea. Kalebi azalaki na mwana moko ya mwasi, Akisa.

⁵⁰Bango wana nde bazalaki bakitani ya Kalebi. Bana mibali ya Wuri, mwana ya liboso oyo abotaki na Efrata, mwasi na ye : Shobali, tata ya Kiriati-Yearimi ;

⁵¹Salima, tata ya Beteleemi ; mpe Arefi, tata ya Beti-Gaderi.

⁵²Bakitani ya Shobali, tata ya Kiriati-Yearimi : Aruwe mpe Atsi-Amenuoti.

⁵³Mabota ya Kiriati-Yearimi : bato ya Yeteri, ya Puti, ya Shumati mpe ya Mishirayi. Bato ya Tsorea mpe ya Eshitaoli babimelaki na mabota oyo.

⁵⁴Bakitani ya Salima : Bato ya Beteleemi, ya Netofa, ya Aroti-Beti-Joabi, ya Atsi-Amanati mpe ya Tsorea,

⁵⁵elongo na mabota ya bato ya mayele oyo bazalaki kovanda na Yaebetsi : bato ya Tirea, ya Shimea mpe ya Sukoti. Bango wana nde bato ya Keni oyo babimeli na Amati, tata ya libota ya Rekabi.