Read Mokanda na Bomoi 1 Masolo ya Kala 3 Bible Online

1 Masolo ya Kala 3 - Mokanda na Bomoi bible

1 Masolo ya Kala 3

¹Tala bana mibali ya Davidi oyo babotamaki na Ebron : Mwana ya liboso ezalaki Aminoni, mwana mobali ya Ayinoami, moto ya Jizireyeli ; ya mibale, Daniele, mwana mobali ya Abigayili, moto ya Karimeli ;

²ya misato, Abisalomi, mwana mobali ya Maaka, mwana mwasi ya Talimayi, mokonzi ya Geshuri ; ya minei, Adoniya, mwana mobali ya Agite ;

³ya mitano, Shefatia, mwana mobali ya Abitali ; mpe ya motoba, Yitileami oyo Egila, mwasi na ye, abotaki.

⁴Bango nyonso motoba bazalaki bana mibali ya Davidi oyo babotamaki na Ebron, mboka mokonzi, epai wapi akonzaki mibu sambo na ndambo. Davidi akonzaki wuta na Yelusalemi mibu tuku misato na misato.

⁵Tala bakombo ya bana na ye ya mibali oyo babotamaki na Yelusalemi : Shimea, Shobabi, Natan mpe Salomo. Ezali Batisheba, mwana mwasi ya Amieli, nde abotaki bana mibali minei oyo.

⁶Babotelaki ye lisusu bana oyo : Yibari, Elishama, Elifeleti,

⁷Noga, Nefegi, Yafia,

⁸Elishama, Eliyada mpe Elifeleti. Bango nyonso bazalaki libwa.

⁹Bango nyonso nde bazalaki bana mibali ya Davidi, longola bana mibali oyo bamakangu na ye babotelaki ye. Mpe Tamari azalaki ndeko na bango ya mwasi.

¹⁰Salomo azalaki tata ya Roboami, Roboami azalaki tata ya Abiya, Abiya azalaki tata ya Asa, Asa azalaki tata ya Jozafati,

¹¹Jozafati azalaki tata ya Yorami, Yorami azalaki tata ya Akazia, Akazia azalaki tata ya Joasi,

¹²Joasi azalaki tata ya Amatsia, Amatsia azalaki tata ya Azaria, Azaria azalaki tata ya Yotami,

¹³Yotami azalaki tata ya Akazi, Akazi azalaki tata ya Ezekiasi, Ezekiasi azalaki tata ya Manase,

¹⁴Manase azalaki tata ya Amoni, Amoni azalaki tata ya Joziasi,

¹⁵Joziasi azalaki tata ya bana mibali oyo : Yoanani, mwana na ye ya liboso ; Yeoyakimi, ya mibale ; Sedesiasi, ya misato ; Shalumi, ya minei.

¹⁶Bana mibali ya Yeoyakimi : Yekonia mpe Sedesiasi.

¹⁷Libota ya Yekonia, mokangami : Shealitieli, mwana na ye ya mobali ;

¹⁸Malikirami, Pedaya, Shenatsari, Yekamia, Oshama mpe Nedabia.

¹⁹Bana mibali ya Pedaya : Zorobabeli mpe Shimei. Bana mibali ya Zorobabeli : Meshulami mpe Anania. Shelomiti azalaki ndeko na bango ya mwasi.

²⁰Bana mibali ya Meshulami : Ashuba, Oeli, Berekia, Asadia, Yoshabi-Esedi. Bango nyonso bazalaki mitano.

²¹Bakitani ya Anania : Pelatia mpe Ezayi elongo na bana mibali ya Refaya, ya Arinani, ya Abidiasi mpe ya Shekania.

²²Libota ya Shekania : Shemaya elongo na bana na ye ya mibali : Atushi, Yigali, Baria, Nearia mpe Shafati. Bango nyonso bazalaki motoba.

²³Bana mibali ya Nearia : Eliowenayi, Ezekiasi mpe Azirikami. Bango nyonso bazalaki misato.

²⁴Bana mibali ya Eliowenayi : Odavia, Eliashibi, Pelaya, Akubi, Yoanani, Delaya mpe Anani. Bango nyonso bazalaki sambo.