Read Mokanda na Bomoi Neyemi 7 Bible Online

Neyemi 7 - Mokanda na Bomoi bible

Neyemi 7

¹Tango misala ya kotonga mir esilaki mpe natiaki bizipelo ya bikuke, batiaki bakengeli bikuke, bayembi mpe Balevi : bato na bato na mosala na bango.

²Napesaki mokumba ya kokamba engumba Yelusalemi epai ya Anani, ndeko na ngai ya mobali, mpe epai ya Anania, moyangeli ya engumba batonga makasi, oyo, koleka bato ebele, azalaki moto ya sembo mpe azalaki kotosa Nzambe.

³Nalobaki na bango : — Bikuke ya Yelusalemi esengeli te kofungwama liboso ete moyi engala, mpe, na pokwa, bakokanga makasi bizipelo na yango mpe bakokotisa yango bikangelo, wana bakengeli bikuke bakozala nanu na bisika na bango ya mosala. Botia lisusu lokola bakengeli, bavandi ya Yelusalemi : bamoko bakozala na bisika na bango ya mosala, mpe bamosusu bakokengela pembeni ya bandako na bango.

⁴Nzokande, etando ya engumba Yelusalemi ezalaki monene mpe ekenda mosika makasi, kasi bato kati na yango bazalaki moke mpe bandako etongamaki nanu te.

⁵Nzambe na ngai apesaki ngai makanisi ya kosangisa bankumu, bakambi mpe bato mosusu mpo na kotanga motango na bango kolanda mabota na bango. Bongo, namonaki buku ya bokoko ya ba-oyo bazongaki bato ya liboso longwa na bowumbu. Tala makomi oyo namonaki kuna :

⁶Tala bato ya etuka ya Yuda, oyo Nabukodonozori, mokonzi ya Babiloni, amemaki na bowumbu ; mpe wuta na bowumbu, bazongaki na Yelusalemi mpe na Yuda, moto na moto na engumba na ye ;

⁷bazongaki nzela moko na Zorobabeli, Jozue, Neyemi, Azaria, Raamia, Naamani, Maridoshe, Bilishani, Misipereti, Bigivayi, Neumi mpe Baana. Tala motango ya bana ya Isalaele :

⁸Bakitani ya Pareoshi : nkoto mibale na nkama moko na tuku sambo na mibale.

⁹Bakitani ya Shefatia : nkama misato na tuku sambo na mibale.

¹⁰Bakitani ya Ara : nkama motoba na tuku mitano na mibale.

¹¹Bakitani ya Paati-Moabi na nzela ya Jozue mpe Joabi : nkoto mibale na nkama mwambe na zomi na mwambe.

¹²Bakitani ya Elami : nkoto moko na nkama mibale na tuku mitano na minei.

¹³Bakitani ya Zatu : nkama mwambe na tuku minei na mitano.

¹⁴Bakitani ya Zakayi : nkama sambo na tuku motoba.

¹⁵Bakitani ya Binuwi : nkama motoba na tuku minei na mwambe.

¹⁶Bakitani ya Bebayi : nkama motoba na tuku mibale na mwambe.

¹⁷Bakitani ya Azigadi : nkoto mibale na nkama misato na tuku mibale na mibale.

¹⁸Bakitani ya Adonikami : nkama motoba na tuku motoba na sambo.

¹⁹Bakitani ya Bigivayi : nkoto mibale na tuku motoba na sambo.

²⁰Bakitani ya Adini : nkama motoba na tuku mitano na mitano.

²¹Bakitani ya Ateri na nzela ya Ezekiasi : tuku libwa na mwambe.

²²Bakitani ya Ashumi : nkama misato na tuku mibale na mwambe.

²³Bakitani ya Betsayi : nkama misato na tuku mibale na minei.

²⁴Bakitani ya Arifi : nkama moko na zomi na mibale.

²⁵Bakitani ya mboka Gabaoni : tuku libwa na mitano.

²⁶Bato ya bamboka Beteleemi mpe Netofa : nkama moko na tuku mwambe na mwambe.

²⁷Bato ya mboka Anatoti : nkama moko na tuku mibale na mwambe.

²⁸Bato ya mboka Beti-Azimaveti : tuku minei na mibale.

²⁹Bato ya bamboka Kiriati-Yearimi, Kefira mpe Beyeroti : nkama sambo na tuku minei na misato.

³⁰Bato ya bamboka Rama mpe Geba : nkama motoba na tuku mibale na moko.

³¹Bato ya mboka Mikimasi : nkama moko na tuku mibale na mibale.

³²Bato ya bamboka Beteli mpe Ayi : nkama moko na tuku mibale na misato.

³³Bato ya mboka Nebo mosusu : tuku mitano na mibale.

³⁴Bato ya mboka ya Elami mosusu : nkoto moko na nkama mibale na tuku mitano na minei.

³⁵Bato ya mboka Arimi : nkama misato na tuku mibale.

³⁶Bakitani ya mboka Jeriko : nkama misato na tuku minei na mitano.

³⁷Bato ya bamboka Lodi, Adidi mpe Ono : nkama sambo na tuku mibale na moko.

³⁸Bakitani ya engumba Sena : nkoto misato na nkama libwa na tuku misato.

³⁹Tala motango ya Banganga-Nzambe : Bakitani ya Yedaeya na nzela ya libota ya Jozue : nkama libwa na tuku sambo na misato.

⁴⁰Bakitani ya Imeri : nkoto moko na tuku mitano na mibale.

⁴¹Bakitani ya Pashuri : nkoto moko na nkama mibale na tuku minei na sambo.

⁴²Bakitani ya Arimi : nkoto moko na zomi na sambo.

⁴³Tala motango ya Balevi : Bakitani ya Jozue na nzela ya Kadimieli mpe ya Odeva : tuku sambo na minei.

⁴⁴Tala motango ya bayembi : Bakitani ya Azafi : nkama moko na tuku minei na mwambe.

⁴⁵Tala motango ya bakengeli bikuke : Bakitani ya Shalumi, Ateri, Talimoni, Akubi, Atita mpe Shobayi : nkama moko na tuku misato na mwambe.

⁴⁶Basali ya Tempelo : Bakitani ya Tsika, Asufa, Tabaoti,

⁴⁷Kerosi, Siya, Padoni,

⁴⁸Lebana, Agaba, Shalimayi,

⁴⁹Anani, Gideli, Gaari,

⁵⁰Reaya, Retsini, Nekoda,

⁵¹Gazami, Uza, Paseya,

⁵²Besayi, Mewunimi, Nefusimi,

⁵³Bakibuki, Akufa, Aruri,

⁵⁴Batsiliti, Meyida, Arisha,

⁵⁵Barikosi, Sisera, Tama,

⁵⁶Netsia mpe Atifa.

⁵⁷Tala bakitani ya basali ya Salomo : Bakitani ya Sotayi, Sofereti, Perida,

⁵⁸Yala, Darikoni, Gideli,

⁵⁹Shefatia, Atili, Pokereti-Atsebayimi mpe Amoni.

⁶⁰Motango ya basali ya Tempelo mpe ya bakitani ya basali ya Salomo : nkama misato na tuku libwa na mibale.

⁶¹Tala molongo ya bato oyo bawutaki na bowumbu, na bingumba Teli-Mela, Teli-Arisha, Kerubi-Adoni mpe Imeri, kasi balongaki te kolakisa ete mabota na bango ya botata ewuta na Isalaele :

⁶²Bakitani ya Delaya, Tobiya mpe Nekoda : nkama motoba na tuku minei na mibale.

⁶³Mpe kati na Banganga-Nzambe : bakitani ya Obaya, ya Akotsi mpe ya Barizilayi oyo abengamaki « Barizilayi » mpo ete abalaki mwana mwasi ya Barizilayi, moto ya Galadi.

⁶⁴Balukaki mikanda oyo bakoma bakombo ya bakoko na bango, kasi batikalaki komona yango te. Boye balongolaki bango na mosala ya bonganga-Nzambe, pamba te bazalaki mbindo.

⁶⁵Moyangeli apekisaki bango kolia bilei ya bule kino tango Nganga-Nzambe moko akotuna toli ya Yawe na tina na bango na nzela ya Urimi mpe Tumimi.

⁶⁶Motango ya lisanga mobimba ya bato oyo bawutaki na bowumbu ezalaki nkoto tuku minei na mibale na nkama misato na tuku motoba,

⁶⁷bakisa bawumbu na bango ya mibali mpe ya basi nkoto sambo na nkama misato na tuku misato na sambo ; bazalaki mpe na bayembi ya basi mpe ya mibali nkama mibale na tuku minei na mitano, bampunda nkama sambo na tuku misato na motoba, bamile nkama mibale na tuku minei na mitano,

⁶⁸bashamo nkama minei na tuku misato na mitano mpe ba-ane nkoto motoba na nkama sambo na tuku mibale.

⁶⁹Bakambi mingi ya mabota bapesaki makabo oyo bakataki kopesa wuta na mitema na bango moko, mpo na misala ya kotonga Tempelo. Moyangeli apesaki na libenga ya misala mbongo ya bibende ya wolo nkoto moko, bakopo tuku mitano mpe banzambala nkama mitano na tuku misato ya mosala ya bonganga-Nzambe.

⁷⁰Bakambi mosusu ya mabota bapesaki na libenga ya misala mbongo ya bibende ya wolo nkoto tuku mibale mpe mbongo ya bibende ya palata nkoto mibale na nkama mibale na tuku mibale.

⁷¹Batikali kati na bato bapesaki mbongo ya bibende ya wolo nkoto tuku mibale, mbongo ya bibende ya palata nkoto mibale mpe banzambala tuku motoba na sambo ya mosala ya bonganga-Nzambe.

⁷²Banganga-Nzambe, Balevi, bakengeli bikuke, bayembi, basali ya Tempelo, ndambo kati na bato mpe bato nyonso ya Isalaele bavandaki kati na bingumba na bango moko. Tango sanza ya sambo ekomaki, bana ya Isalaele bakomaki kovanda kati na bingumba na bango.