Read Mokanda na Bomoi Banzembo 110 Bible Online

Banzembo 110 - Mokanda na Bomoi bible

Banzembo 110

¹Nzembo ya Davidi. Maloba ya Yawe epai ya nkolo na ngai : « Vanda na ngambo ya loboko na Ngai ya mobali kino nakomisa banguna na yo enyatelo makolo na yo. »

²Wuta na Siona, Yawe akosala ete nguya na yo ya bokonzi ekende mosika, mpe okokonza kati na banguna na Yo.

³Na mokolo oyo okotanda basoda na yo na molongo mpo na bitumba, bato na yo bakotonda na mpiko, bilenge basoda na yo nyonso bakoya na lombangu epai na yo ndenge mamwe ebimaka na tongo.

⁴Yawe alapaki ndayi oyo, akobongola maloba na Ye te : « Ozali Nganga-Nzambe mpo na libela kolanda molongo ya Melishisedeki ! »

⁵Nkolo azali na ngambo ya loboko na yo ya mobali, akopanza bakonzi na mokolo ya kanda na Ye.

⁶Akopesa bikolo etumbu : bikolo nyonso ekotonda na bibembe, mpe akonyata bakambi kati na mokili mobimba.

⁷Na nzela, mokonzi amelaka mayi na mwa moluka ; yango wana atombolaka moto.