Read Mokanda na Bomoi Banzembo 113 Bible Online

Banzembo 113 - Mokanda na Bomoi bible

Banzembo 113

¹Bokumisa Yawe ! Bino basali ya Yawe, bokumisa Ye ; bokumisa Yawe !

²Tika ete Kombo ya Yawe epambolama kobanda sik’oyo kino libela na libela !

³Longwa na este kino na weste, tika ete Kombo ya Yawe epambolama !

⁴Yawe azali na likolo ya bikolo nyonso, nkembo na Ye ezali na likolo koleka Lola.

⁵Nani akokani na Yawe, Nzambe na biso, oyo avandi na Kiti ya Bokonzi kati na bisika oyo eleki likolo ?

⁶Agumbamaka mpo na kotala likolo mpe mokili.

⁷Wuta na putulu, atombolaka moto oyo akelela ; wuta na fulu ya matiti, abimisaka mobola

⁸mpo na kovandisa ye esika moko na bakambi, na bankumu ya bato na Ye.

⁹Avandisaka mwasi ekomba kati na ndako na ye, lokola mama ya esengo kati na bana na ye. Bokumisa Yawe !