Read Mokanda na Bomoi Banzembo 121 Bible Online

Banzembo 121 - Mokanda na Bomoi bible

Banzembo 121

¹Nzembo ya mobembo tango bazalaki kokende na Tempelo ya Yawe. Natomboli miso na ngai na ngambo ya bangomba : lisungi na ngai ekowuta wapi ?

²Lisungi na ngai ewutaka na Yawe oyo akela likolo mpe mabele.

³Akotika te ete lokolo na yo eselumuka ; Ye oyo abatelaka yo animbaka te.

⁴Te, Ye oyo abatelaka Isalaele animbaka te mpe alalaka pongi te !

⁵Yawe azali mobateli na yo ; Yawe azali, na ngambo ya loboko na yo ya mobali, lokola elili oyo ebatelaka yo.

⁶Ezala na moyi to na butu, moyi mpe sanza ekosala yo mabe ata moke te !

⁷Yawe akobatela yo na mabe nyonso, akobatela bomoi na yo ;

⁸Yawe akobatela kokende mpe kozonga na yo, sik’oyo mpe libela na libela.