Read Mokanda na Bomoi Banzembo 129 Bible Online

Banzembo 129 - Mokanda na Bomoi bible

Banzembo 129

¹Nzembo ya mobembo mpo na kokende na Tempelo ya Yawe. Wuta bolenge na ngai, banyokoli ngai bambala ebele. Tika ete Isalaele ezongela koloba :

²« Wuta bolenge na ngai, banyokoli ngai bambala ebele, kasi batikali kolonga ngai te ! »

³Bato mabe batimoli mokongo na ngai, bazokisi ngai bapota ya banzela milayi na mokongo.

⁴Kasi lokola Yawe azali sembo, akati basinga ya bato mabe.

⁵Tika ete bato nyonso oyo bayinaka Siona bakufa soni mpe bazonga sima !

⁶Tika ete bakoma lokola matiti oyo ebotaka na likolo ya ndako mpe ekawukaka liboso ete balongola yango ;

⁷tika ete mobuki bambuma ya bilanga atondisa na yango te maboko na ye, tika ete mokangi maboke ya banzete atondisa na yango te saki na ye.

⁸Tika ete baleki nzela baloba na bango te : « Tika ete Yawe apambola bino ! » Topamboli bino na Kombo na Yawe !