Read Mokanda na Bomoi Banzembo 143 Bible Online

Banzembo 143 - Mokanda na Bomoi bible

Banzembo 143

¹Nzembo ya Davidi. Yawe, yoka losambo na ngai, landa mabondeli na ngai ! Yanola ngai na boyengebene mpe na bosembo na Yo.

²Kosambisa mosali na Yo te, pamba te moto moko te ya bomoi azali sembo liboso na Yo.

³Monguna azali konyokola ngai, azali kosakana na bomoi, azali kosala ete navanda kati na molili lokola bato oyo bakufa na tango ya kala.

⁴Molimo na ngai elembi kati na ngai, motema na ngai emitungisi kati na ngai.

⁵Nakanisi mikolo ya kala, namilobeli nyonso oyo osala, nakanisi malamu mosala ya maboko na Yo.

⁶Nasemboli maboko na ngai epai na Yo ; nakomi komimona lokola mabele ya kokawuka.

⁷Yawe, zongisela ngai eyano noki ! Molimo na ngai ezali kolemba. Kopesa ngai mokongo te, noki te nakozala lokola bato oyo bazali kokita na libulu.

⁸Na tongo makasi, sala ete nayoka boboto na Yo, pamba te natia elikya na ngai kati na Yo. Lakisa ngai nzela ya kolanda, pamba te napesi bomoi na ngai epai na Yo.

⁹Yawe, kangola ngai wuta na maboko ya banguna na ngai ! Nazali koluka ebombamelo epai na Yo.

¹⁰Lakisa ngai kosala mokano na Yo, pamba te ozali Nzambe na ngai. Tika ete Molimo malamu na Yo atambolisa ngai na mabele oyo ezanga mabaku !

¹¹Yawe, mpo na lokumu ya Kombo na Yo, bikisa bomoi na ngai ! Na bosembo na Yo, longola bomoi na ngai kati na pasi.

¹²Na bolingo na Yo, kanga minoko ya banguna na ngai mpe limwisa bayini na ngai nyonso, pamba te nazali mosali na Yo.