Read Mokanda na Bomoi Banzembo 63 Bible Online

Banzembo 63 - Mokanda na Bomoi bible

Banzembo 63

¹Nzembo ya Davidi. Ayembaki yango tango azalaki kati na esobe ya Yuda.

²Oh Nzambe, ozali Nzambe na ngai ; nazali koluka Yo, molimo na ngai ezali na posa na Yo, bomoi na ngai ezali na posa na Yo makasi, kati na mabele ekawuka mpe ezanga mayi.

³Natalaki Yo kati na Esika ya bule mpo na komona makasi mpe nkembo na Yo.

⁴Pamba te bolingo na Yo ezali malamu koleka bomoi, bibebu na ngai ekosanzola Yo.

⁵Boye, nakopambola Yo bomoi na ngai mobimba, nakotombola maboko na ngai mpo na lokumu ya Kombo na Yo.

⁶Nakotonda lokola moto oyo asili kolia misuni kitoko mpe mafuta ; bibebu na ngai ekoganga na esengo mpe monoko na ngai ekokumisa Yo.

⁷Soki nakanisi Yo na mbeto na ngai, nasambelaka Yo na butu ;

⁸pamba te ozali lisungi mpo na ngai, mpe nagangaka na esengo wana nazali na se ya elili ya mapapu na Yo.

⁹Nakangami na Yo ; loboko na Yo ya mobali esimbi ngai makasi.

¹⁰Bato oyo balukaka koboma ngai bakozinda na mabele

¹¹Bakoboma bango na mopanga mpe bakokoma bilei ya bambwa ya zamba.

¹²Kasi mokonzi akosepela kati na Nzambe ; moto nyonso oyo alapaka ndayi na Kombo ya Nzambe akomikumisa mpo na yango, pamba te minoko ya bakosi ekokangama.