Read Mokanda na Bomoi Loyembo ya Salomo 7 Bible Online

Loyembo ya Salomo 7 - Mokanda na Bomoi bible

Loyembo ya Salomo 7

¹Zonga, zonga, oh mwasi ya Sulami ! Zonga, zonga mpo ete tokoka kotala yo malamu ! Mpo na nini bolingi kotala malamu mwasi ya Sulami ndenge batalaka mabina ya mindule ya masanga mibale ?

²Oh elenge mwasi ya lokumu ! Makolo na yo ebimaka kitoko soki olati basandale. Zingazinga ya loketo na yo ezali lokola lopete oyo esalemi na maboko ya basali bikeko.

³Motolu na yo ezali lokola kopo ya kitoko oyo ezangaka vino ya kitoko te. Libumu na yo ezali lokola mopiku ya ble oyo ezingami na fololo oyo babengaka lisi.

⁴Mabele na yo nyonso mibale ezali lokola bana mapasa mibale ya mboloko.

⁵Kingo na yo ezali lokola ndako molayi oyo batonga na pembe ya nzoko. Miso na yo ezali lokola maziba ya engumba Eshiboni, pembeni ya ekuke ya Bati-Rabimi. Zolo na yo ezali lokola ndako molayi ya Libani oyo etalani na Damasi.

⁶Moto na yo ezali lokola ngomba Karimeli, mpe suki ya moto na yo ezali lokola elamba ya motane ; mokonzi akangami na mazita na yango.

⁷Oh tala ndenge ozali penza kitoko ! Bolingo na ngai, osalaka esengo ya motema na ngai ; kitoko na yo esalaka ngai esengo na motema !

⁸Molayi na yo ezali lokola nzete ya mbila, mabele na yo ezali lokola maboke ya bambuma.

⁹Namilobeli : « Nakomata na nzete ya mbila, nakobuka bambuma na yango ! » Tika ete mabele na yo ezala lokola maboke ya bambuma ya vino ! Tika ete solo ya monoko na yo ezala lokola bapome !

¹⁰Mpe tika ete monoko na yo ezala lokola vino ya kitoko koleka ! Tika ete vino yango esopanela bolingo na ngai na pete, eleka na bibebu ya bato oyo bazali kolala.

¹¹Ngai, nazali ya mobali na ngai ; mpe ye, azalaka kaka na posa na ngai.

¹²Yaka, mobali na ngai ; tika ete tokende na biso na elanga, tolekisa butu na biso kati na mboka !

¹³Na tongo, tokokende na bilanga ya vino mpo na kotala soki banzete ya vino ebandi kobimisa bafololo, soki mito na yango efungwami, mpe soki banzete ya bambuma ya grenade ebimisi bafololo. Kuna nde nakopesa yo babeze na ngai.

¹⁴Bambuma ya mandragore ezali kobimisa solo na yango ; mpe na ekuke na biso, tozali na bambuma nyonso ya kitoko : ezala ya sika to ya kala, oyo nabombeli yo, mobali na ngai ya motema.