Read Mokanda na Bomoi Mitango 34 Bible Online

Mitango 34 - Mokanda na Bomoi bible

Mitango 34

¹Yawe alobaki na Moyize :

²« Pesa mitindo oyo na bana ya Isalaele : ‹ Tango bokokota na Kanana, tala mokili oyo ekopesamela bino lokola libula, mokili ya Kanana elongo na bandelo na yango oyo :

³Na ngambo ya sude, mondelo na bino ekobanda na esobe ya Tsini mpe ekolanda mondelo ya mokili ya Edomi. Na ngambo ya este, mondelo na bino ya sude ekobanda na ebale monene ya Barozo,

⁴ekokita na sude ya ebandeli ya ngomba Akarabimi mpe ekoleka na Tsini kino na sude ya Kadeshi-Barinea ; ekokoba na Atsari-Adari mpe ekoleka na Atsimoni.

⁵Longwa na Atsimoni, ekoleka na mayi ya lubwaku ya Ejipito mpo na kosuka na ebale monene.

⁶Mondelo na bino ya ngambo ya weste ekozala ebale monene Mediterane.

⁷Na ngambo ya nor, mondelo na bino ekobanda na ebale monene Mediterane kino na ngomba Ori.

⁸Longwa na ngomba Ori, bokolekisa yango na Lebo-Amati mpo na kosuka na Tsedadi.

⁹Longwa na Tsedadi, ekoleka na Zifironi mpe ekokoma na Atsari-Enani. Yango nde ekozala mondelo na bino ya ngambo ya nor.

¹⁰Na ngambo ya este, mondelo na bino ekobanda na Atsari-Enani kino na Shefami ;

¹¹longwa na Shefami, ekokita na Ribila na ngambo ya este ya Ayini mpe ekolanda ebale ya Kinereti, na ngambo na yango ya este,

¹²kino na Yordani mpo na kosuka na ebale monene ya Barozo. Ezali ndenge wana nde mokili na bino ekozala elongo na bandelo oyo ezingeli yango. › »

¹³Moyize apesaki mitindo oyo na bana ya Isalaele : « Tala yango wana, mokili oyo bokokabola na zeke, mokili oyo Yawe apesaki mitindo ete bapesa yango na mabota libwa na ndambo.

¹⁴Pamba te ndako na ndako ya libota ya Ribeni mpe ndako na ndako ya libota ya Gadi elongo na ndambo ya libota ya Manase esilaki kozwa libula na yango.

¹⁵Mabota oyo mibale na ndambo ezwaki libula na yango na ngambo ya este ya Yordani, oyo etalana na Jeriko. »

¹⁶Yawe alobaki lisusu na Moyize :

¹⁷« Tala bato oyo bakokabola mokili kati na bino : Nganga-Nzambe Eleazari mpe Jozue, mwana mobali ya Nuni.

¹⁸Bokozwa lisusu mokambi moko kati na libota moko na moko mpo na kokabola mokili.

¹⁹Tala bakombo na bango : Mpo na libota ya Yuda : Kalebi, mwana mobali ya Yefune ;

²⁰mpo na libota ya Simeoni : Samuele, mwana mobali ya Amiwudi ;

²¹mpo na libota ya Benjame : Elidadi, mwana mobali ya Kisiloni ;

²²mpo na libota ya Dani : mokambi Buki, mwana mobali ya Yogili ;

²³mpo na bana ya Jozefi, libota ya Manase : mokambi Anieli, mwana mobali ya Efodi ;

²⁴libota ya Efrayimi : mokambi Kemweli, mwana mobali ya Shifitani ;

²⁵mpo na libota ya Zabuloni : mokambi Elitsafani, mwana mobali ya Parinaki ;

²⁶mpo na libota ya Isakari : mokambi Palitieli, mwana mobali ya Azani ;

²⁷mpo na libota ya Aseri : mokambi Ayiwudi, mwana mobali ya Shelomi ;

²⁸mpo na libota ya Nefitali : mokambi Padeyeli, mwana mobali ya Amiwudi. »

²⁹Bango wana nde bato oyo Yawe apesaki mokumba ya kokabola mokili ya Kanana kati na bana ya Isalaele.