Read Mokanda na Bomoi Jozue 12 Bible Online

Jozue 12 - Mokanda na Bomoi bible

Jozue 12

¹Tala bakonzi ya mokili, oyo bana ya Isalaele balongaki mpe oyo babotolaki mokili na bango na ngambo ya este ya Yordani, wuta na moluka ya Arinoni kino na ngomba Erimoni, elongo na ngambo nyonso ya este ya Araba :

²Sikoni, mokonzi ya bato ya Amori, azalaki kovanda na Eshiboni. Azalaki kokonza wuta na Aroeri oyo ezalaki pene ya moluka ya Arinoni, wuta na moluka, elongo na ndambo ya mokili ya Galadi, kino na moluka ya Yaboki, oyo ezalaki na mondelo na bato ya Amoni.

³Azalaki mpe lisusu kokonza ngambo ya este ya Araba, wuta na Ebale monene ya Kinereti kino na Ebale monene ya Araba (ebale monene ya Barozo), na ngambo ya este, na nzela ya Beti-Yeshimoti mpe na ebandeli ya ngomba Pisiga, na ngambo ya sude.

⁴Ogi, mokonzi ya Bashani, moko kati na bakitani ya suka ya Refayimi, oyo azalaki kovanda na Ashitaroti mpe na Edreyi.

⁵Azalaki kokonza na ngomba Erimoni, na Salika mpe na Bashani mobimba kino na bandelo ya bato ya Geshuri mpe ya bato ya Maakati, mpe kino na ndambo ya mokili ya Galadi oyo ezalaki na mondelo ya mokili ya Sikoni, mokonzi na Eshiboni.

⁶Moyize, mosali na Yawe, elongo na bana ya Isalaele balongaki bango. Boye, Moyize, mowumbu na Yawe, apesaki mokili na bango lokola libula, epai ya bato ya libota ya Ribeni, ya Gadi mpe ya ndambo ya libota ya Manase.

⁷Tala molongo ya bakonzi ya mokili oyo Jozue mpe bana ya Isalaele babotolaki na ngambo ya weste ya Yordani, wuta na Bala-Gadi, na lubwaku ya Libani kino na ngomba Alaki oyo ezalaki na ngambo ya Seiri. Jozue apesaki bamboka na bango lokola libula, epai ya bana ya Isalaele kolanda mabota na bango

⁸kati na mokili ya bangomba, na mokili ya se, na Araba, kokita na esobe mpe na Negevi, mikili ya bato ya Iti, ya Amori, ya Kanana, ya Perizi, ya Evi mpe ya Yebusi. Tala bakonzi yango :

⁹mokonzi ya Jeriko — moko mokonzi ya Ayi, pembeni ya Beteli — moko

¹⁰mokonzi ya Yelusalemi — moko mokonzi ya Ebron — moko

¹¹mokonzi ya Yarimuti — moko mokonzi ya Lakishi — moko

¹²mokonzi ya Egiloni — moko mokonzi ya Gezeri — moko

¹³mokonzi ya Debiri — moko mokonzi ya Gederi — moko

¹⁴mokonzi ya Orima — moko mokonzi ya Aradi — moko

¹⁵mokonzi ya Libina — moko mokonzi ya Adulami — moko

¹⁶mokonzi ya Makeda — moko mokonzi ya Beteli — moko

¹⁷mokonzi ya Tapua — moko mokonzi ya Eferi — moko

¹⁸mokonzi ya Afeki — moko mokonzi ya Lasharoni — moko

¹⁹mokonzi ya Madoni — moko mokonzi ya Atsori — moko

²⁰mokonzi ya Shimironi-Meroni — moko mokonzi ya Akishafi — moko

²¹mokonzi ya Taanaki — moko mokonzi ya Megido — moko

²²mokonzi ya Kedeshi — moko mokonzi ya Yokineami kati na Karimeli — moko

²³mokonzi ya Dori, kati na lubwaku ya Dori — moko mokonzi ya Goyimi, kati na Giligali — moko

²⁴mokonzi ya Tiritsa — moko. — Bango nyonso bazalaki bakonzi tuku misato na moko.